Sæll Steingrímur.

Ég vildi láta þig sjá að það þegja ekki allir sem á Siglufirði búa vegna ummæla Gunnars Birgissonar, hvort sem að þetta er rétt eða rangt að segja sig úr flokknum veit ég ekki en ég veit þó að það fór allt í gang á skrifstofu Sjálfstæðisflokksins eftir þennan tölvupóst minn.

Og var mér sagt að þar innandyra væru menn ekki sáttir við Gunnar.

Ég er alveg klár á því að maðurinn veit ekkert hvað hann er að tala um, eftir að hafa hlustað á hann á Talstöðinni í fyrradag. 

Ég legg til að bæjarstjórn Siglufjarðar bjóði þessum alþingismanni “verktaka” til Siglufjarðar sem allra first, því nauðsynlegt er að víkka hans sjóndeildarhring.

Gaman væri að koma af stað umræðu um þessi mál á heimasíðu þinni. 

Með kveðju

Hermann Einarsson.

Sæll Gunnar.

Vegna ummæla þinna á Alþingi í gær þá einfaldlega get ég ekki setið aðgerðalaus.

Þar af leiðandi sendi ég eftirfarandi póst á skrifstofu Sjálfstæðisflokksins í morgun.“
============

Sæl Bryndís.

Vinsamlegast skráið mig úr Sjálfstæðisflokknum nú þegar. 

Ástæðan er einfaldlega sú að ég get ekki verið í sama flokki og Gunnar Birgisson.  

Ummæli Birgis Gunnarssonar á Alþingi í gær varðandi samgöngumál fannst mér fyrir neðan allar hellur, maður sem er búin að mjólka kúnna með sitt fyrirtæki í vegamálum um land allt undanfarin ár. Maður hlýtur að velta því fyrir sér hvort að þetta tengist eitthvað þeim málum að maðurinn er að taka við bæjarstjóra starfinu í Kópavogi á næstu dögum.” 

Gunnar önnur eins hentistefna hélt ég að einungis Ragnar Reykás stundaði, þú sem ert búinn að mata krókinn á vegaframkvæmdum undanfarin ár á landsbyggðinni. 

 Verkfræðingur hjá Norðurverki 1977 og Hönnun hf 1979-1980. Verkfræðingur og framkvæmdastjóri Gunnars og Guðmundar hf 1980-1994 og Klæðningar ehf síðan 1986.

Varðandi skiptingu höfuðborgarsvæðis landsbyggðar, ég flutti til Siglufjarðar fyrir rúmu ári síðan og bjó þar áður í Rvík í fjögur ár, ég gat ekki séð annað en að framkvæmdir á vegum ríkis(vegagerðar) væru töluvert meiri en t.d. á Siglufirði t.d. mislæg gatnamót frá Stekkjarbakka/Smiðjuveg mislæg gatnamót Nýbýlaveg/Breiðholtsbraut... svo eitthvað sé nefnt.. 

Og svona til fróðleiks fyrir þig og er þetta tekið af heimasíðu X-D

 Undanfarin átta ár hafa einkennst af bjartsýni, framförum og bættum hag þjóðarinnar. Öflugt atvinnulíf hefur lagt grunninn að blómlegu mannlífi og sókn á flestum sviðum þjóðlífsins. Styrk stjórn landsmála hefur leitt af sér lengsta samfellda skeið vaxandi kaupmáttar og hagsældar í Íslandssögunni og tekist hefur að tryggja efnahagslegan stöðugleika. Á grundvelli þessa og í ljósi hins mikla hagvaxtar sem framundan er skapast þjóðinni nú ótal tækifæri til að sækja fram til aukinnar velmegunar og enn betri lífskjara.

Slík framþróun er forsenda þess að tryggja megi næga atvinnu, stöðugt verðlag, efla velferðarkerfið og treysta stoðir þess. Ríkisstjórn Framsóknarflokks og Sjálfstæðisflokks vill enn bæta þjónustu í heilbrigðiskerfinu og auka skilvirkni í einstökum þáttum þess. Haldið verður áfram uppbyggingu í menntakerfinu með það að markmiði að Íslendingar skipi sér enn sem fyrr á bekk meðal fremstu þjóða heims.

Áhersla verður lögð á samheldni þjóðarinnar, víðtækt samráð við aðila vinnumarkaðarins og samvinnu dreifbýlis og þéttbýlis um efnahagslegan stöðugleika svo markmið um frekari framfarir, uppbyggingu atvinnulífs, bættar samgöngur, menntun og öryggi borgaranna náist.

Ég vona að þú sjáir að þér og hugsir málið uppá nýtt. Það er búið að ákveða þessi jarðgöng og er alveg ljóst að þú breytir engu þar um.

580 Siglufirði

www.srv.is