>>>>>>>>>>>

Aðsendar myndir - sem mér hafa borist eru mjög vel þegnar hingað á síðu mína, enda flestar birtar. En ég á oft við vandamál  í sambandi við slíkar myndir. Vandamál sem ég á auðvelt með að leysa, - en það tefur mig mikið fram yfir það sem þyrfti

Sendandi myndanna þarf að hafa eftirfarandi í huga áður en hann sendir myndir, sérstaklega ef um margar myndir er að ræða. EKKI nota séríslenska stafi í nafni mynda, netið tekur ekki við þæðöáí osfv. og löng nafnaruna í nafninu eins og til dæmis Hvaða stærð vantar þig af buxum.jpg er hvimleið, fyrir utan íslensku stafina sem netið hafnar í skjalanöfnum.

Notið annað hvort upprunanúmer myndavélar, eða númerið myndirnar sjálf í þeirri röð sem þið viljið að þær komi fram, tölvan raðar sjálfvirkt eftir stafrófsröð og númerum-

Skrifið skýringartexta, sem oftast er æskilegt fyrir þá sem ekki þekkja til og það gefur myndunum gildi og vitnið í viðkomandi númer.

Hafið einhvern formála með, vegna tilefnis myndatöku. Það gerir öðrum myndirnar skemmtilegri, því þá eru ókunnir einhverju nær um þá sem á myndunum eru.

Formálinn sjálfur er aðkallandi, því fyrir hefur komið að ég hafi fengið helling af myndum frá einhverju netfangi sem ég ekki þekki, og eini textinn sem fylgir er jafnvel "hér eru myndirnar"  Í slíkum tilfellum hafa fleiri en einn tekið ákvörðun um að senda mér myndirnar, annar átti að sjá um myndirnar en hinn um textan, sem brást. Þetta er of algengt, sendið ekki myndirnar fyrr en textinn eða formálinn er tilbúinn.

Sendið myndirnar á netfangið: sksiglo@sksiglo.is  Í ekki minni upplausn en 350x250 pix vegna andlitsmynda og 450x300 aðrar myndir. Að öðru leiti skiptir stærð ekki máli, ég minnka þá til þeirrar stærða sem henta hverju sinni.  Algengustu stærðir mynda á Lífið á Sigló, er 450x300 og 500x330 pix - hópmyndir oftast í 800-900 pix á breidd.
Og eitt þarf að athuga, - varðandi póstsendingar almenn, það er að klukkan sem tölvan skráir á póstinn þinn, verður að vera rétt, þar sem venjulega er póstmóttöku raðað eftir dagsetningu og tíma. Ef tímaskráning er röng samkvæmt rauntíma, þá getur viðtakanda yfirsést viðkomandi póstur, það er ef klukka sendanda er deginum á eftir (stilling am og em USA kerfið)

Bestu þakkir SK