Aðgöngumiðar I | Aðgöngumiðar II | Prógröm I | Prógröm II | Ýmislegt

>>>>>>>>>>> Aðgöngumiðar I

Bíó-Saga Siglufjarðar: Aðgöngumiðar I

Þór Jóhannsson:

Sýnishorn úr aðgöngumiðasafni

Siglufjarðar-bio

Nýja Bíó

Og smá greinarstúfur um bíómiða og skattinn. -  Miðarnir sjást hér í um það bil raunstærð

Þegar Nýja Bíó tók til starfa 1924, var verð aðgöngumiða fyrir fullorðna kr.1,00 og 50 aurar fyrir börn. Miðaverð mun hafa lækkað miðað við það sem áður hafði verið notað, með tilkomu Nýja Bíó

Ekki er vitað hvort þessi miði tengist "bíó" eða fullveldisafmæli?

En miðaverð breyttust ört, eins og annað á þessum tímum, og var prentsmiðjum góð tekjulind þess vegna, en svo voru heimilað yfirprentanir á verðgildi, gert á skrifstofu fógeta, unnið af starfsmanni bíóhúsanna undir eftirliti embættismanna.

Þessir miðar komu í umferð fljótlega eftir að Nýja Bíó hf keypti af Val hf árið 1982  S.K. hannaði miðana, en það virtist vankvæðum bundið að fá prentsmiðjuna til að vinna miðana eftir teikningu á örk, en ekki voru tölvur almennt komnar á gagnið á þeim tíma.

Það tók einnig heilmiklar fortölur og þjark, við skattheimtuna, þar sem ég (S.K.) vildi ekki hlíða því að láta prenta verðeininguna á miðana eins og gert hafði verið til þessa. --

En reglan var sú að þegar miðar höfðu verið prentaðir, mátti eigandinn, í þessu tilfelli Nýja Bíó hf. ekki geyma miðana, heldur varð að fela fógetanum vörslu þeirra, og eigandanum gert að greiða fyrirfram 15% skemmtanaskatt til þjóðleikhússins, fyrir það magn sem tekið var út hverju sinni, í samræmi við það verð sem á miðunum stóð.

En miðað við verðbólguna sem á þessum tímum var og örum verðbreytingum þess vegna á aðgangseyri bíóa, þá lá við að prenta hefð miða annan hvern mánuð og kostnaðurinn eftir því. Ég hafði mitt fram.   

Hér fyrir ofan eru miðarnir með flipanum sem rifinn var af við inngöngu á salinn.     --------------------------------

Þess má geta varðandi skattinn, að oft var það þannig að tekjurnar af kvikmyndasýningum, eftir að leiga fyrir kvikmyndina og vinnulaun höfðu verið dregin frá, voru mun lægri en skemmtanaskatturinn og söluskatturinn samanlagt. Þannig að ríkið hagnaðist meira af sýningunni en sá sem hefði átt að njóta teknanna og borga skattinn í samræmi við það.  Á þeim tíma sem Albert Guðmundsson, þá nýorðinn fjármálaráðherra, átti ráðherrann leið á Siglufjörð og ég var svo heppinn að fá hjá honum viðtal, þar sem ég sýndi honum rekstrargögn vegna síðustu 10 kvikmynda sem ég hafði haft til sýningar - benti honum á hve þung birgði skemmtanaskatturinn var á rekstur kvikmyndahúsa á landsbyggðinni. (skriflegt samsvarandi erindi hafi ég raunar einnig sent fyrirrennara hans, án árangurs) Albert sagði að þetta gengi ekki, hann mundi laga þetta þegar hann kæmi suður - og hann stóð við það. "með einu pennastriki" Kvikmyndahús í byggðarlögum með færri en 5000 íbúa áttu ekki greiða skemmtanaskatt.

Miðarnir hér til hliðar (nr.104 + 501)  voru prentaðir í tilefni af 60 ára afmæli kvikmyndahússins Nýja Bíó á Siglufirði.  Enn voru miðarnir prentaðir með gammalli prentaðferð, en seini hluta ársins 1984 endur hannaði ég miðana í tölvu - og þá loksins urður miðarnir eins og ég vildi hafa þá, enda prentsmiðjan farin að nota tölvutæknina.

Varðandi 60 ára afmælismiðana, sem voru áprentaðir verðgildunum "50 aurar og 1 króna"  þeir voru notaðir á afmælisdaginn, fyrir börn og fullorðna - seldir á sama verði og árið 1924, þegar kvikmyndahúsið Nýja Bíó opnaði.

Ýmsar aðrar uppákomur urðu vegna 60 ára afmælis kvikmyndahússins Nýja Bíó.