Rímnakveðskapur
Kennari: Steindór Andersen

Á námskeiðinu kynnti Steindór Andersen kvæðalagasjóð Kvæðamannafélagsins Iðunnar. Notast var við nýútkomna bók Silfurplötur Iðunnar, en þar getur að heyra 200 lög sem tekin voru upp á árunum 1935-36 en komu út haustið 2004 á nótum ásamt upptökum og ítarlegum skýringum.

Steindór Andersen er löngu orðinn landskunnur fyrir rímnakveðskap sinn. Hann hefur einnig haldið þessari fornu tegund tónlistar á lofti erlendis. Naxos gaf út kvæðasöng hans á geisladiski og nýlega kvað hann inn Úlfhamsrímu fyrir útgáfufyrirtækið Smekkleysu.

Þátttakendum býðst að kaupa bókina Silfurplötur Iðunnar á forlagsverði hjá kennaranum, Steindóri Andersen.