Tveir náungar, sem báðir eiga hund - og fara gjarnan með þá í göngutúr á ströndina. Þeir eru báðir hagmæltir, og senda stundum hvor öðrum vísu, þetta eru þeir Baldur Þór Bóasson og Sigurður Friðriksson. Ég komst yfir nað "nýjasta" frá þeim, og er það hér fyrir neðan, 2 stk.
Ennþá virðist, kallinn kúl konu sinni, fengur bráðgreindur og bjútifúl og bragðar það, ekki lengur. --- Baldur
Alla tíð frá æsku var ekki byggt á sandi maðurinn eins og múví-star mágúll sjarmerandi. Sigurður
Hér eru frumsamin og eða áður óbirt ljóð og vísur, send hingað með leyfi höfundar. (og eða ókunnir höfundar.)
Og mjög gamalt efni (um 50 ára) sé það skondið og gott, má einnig fylgja.
Siglufjörður. Eitt er það sem ávallt skín efst í huga mínum. Að ég megi á fjöllin þín einn horfa af grundum þínum.
M.P
Mjóstræti 2 Siglufirði. Pálshús byggt árið 1927. Hús var byggt sem hér er enn án herlegheita og prjáli. Við það unnu verkamenn velunnarar Páli.
M.P.
Þessar vísur hér fyrir neðan, skrifaðar með bláu letri eru allar tekna "af " borði sem staðsett er, norðan við skiltið sem er við innkeyrsluna í bæinn. Þar sem númer (n) er við vísu, þá kom sú vísa í þeirri röð á borðið, sem númerin vísa til og seinna númer, einskonar svar við fyrri vísunni. Aðrar án númers eru stakar. "Ókunnir" höfundar.
(1)
Ofsa er fagur vor fjörður
fallega að guði gjörður
Útsýni breitt
og ei skemmir neitt
hann Sigurður sundlaugarvörður
(2)
Siglufjörður er sælunnar staður
og saklaust náungans blaður
Hef þó heiður að verja,
í þitt höfuð skalt berja .
Ég er Friðriksson forstöðu maður
(3)
Þessi vísa það var og
þrætu góður skóli
Þú ert fyrir titla-tog
en tekur illa hóli.
Nú er lognið um firði og flóa
fuglarnir tísta í móa
Hér er æskunnar glóð
atvinna góð
og rafveitustjórinn að róa.
(1)
Á glæpaþróun vil marka mín spor
mun það skilja frelsari vor
Er með krimmana á kláru
kæri Sigmar og Báru
Ég er löggunnar labrador
Rafveitustjórinn má róa, með réttu um firði og flóa. Því kallinn er klár, þó kosninga fár. Þá kemur það ekki við bóa. Sendi þessa vísu til gamans vona að það særi engan. Höf: Þorsteinn Sveinsson ( 8. ágúst 2003)
(2)
Á lögreglunni léttvæg sýn
lýsir huga þínum
Þú skalt ekki gera grín
að "góðkunningjum" mínum
Þó alls, ekki ábata skili
að borað sé í bili
Aumingja háttur
einn er þó sáttur
bóndinn á Bjarna-gili
"Á Alþingi" Ætlun þeirra ágæt var efndir stóðust minna Ofborgaðir andskotar eru þar að vinna.
"Nýi bíllinn prestsins" Þekkir hvorki vol né víl vinur fugla og rebba Ekur nú á bláum bíl bónuðum af Stebba
Las ég þessi ljúfu ljóð og langar bara að segja. Hann vantar skáldablóð og er því best að þegja.
.
Um bæinn þær renna í röðum rollurnar frá Brúnastöðum. Þeim er bannað á blóta, burtu reka, á skjóta, eða lasta í landsmála-blöðum
Fyrst að engan fengum við snjóinn og fáir nýttu sér berjamóinn. Er það staðfesta sterk hjá Steina verk að fara með fjallið í sjóinn.
Sent: 4. ágúst Kom Heim í sól og logni 2 september 2002. Sól og blíða signir fjörð sælureitinn góða heima. Enginn staður er á jörð yndislegri um að dreyma. Kveðja, Gamlinginn að Mjóstræti 2.
Hér hvílir, sig kona er kvaldi sinn mann, nú Kölski er sáttur við frúna. Gleði þess einstæða heimsótti hann og hamingjusamur er núna. (þessi limra er á grjóti, við borðið)
Sent 4.. ágúst Eftir að hafa séð á fréttir á stöð 2, þar sem Vestmannaeyjar voru no.1 og Árni J. sem var óhress yfir því að hafa ekki fengið leyfi að fara úr fangelsi til að syngja á fylliríshátíð í Vestmannaeyjum, og ekki var var numið staðar við Siglufjörð, þegar talað var um útihátíðar vítt um landið, þá varð þessi vísa til. Þó Siglufjörður sé hér ekki í fréttum þá stendur hann uppúr, ef að vel er gáð. Því bæjarlífið þar er með bragi réttum þar blómstrar allt vel, sem að til er sáð. Magnús Pálsson, Mjóstræti 2 Siglufirði. (Pálshús)
