Leikfélag Siglu fjarðar hefur látið semja fyrir sig veglegt leikverk sem ber heitið ,Silfur hafsins" og fyrirhugað er að setja upp á næsta ári í tilefni 100 ára afmælis síldarævintýris Íslendinga. Fjallar verkið eins og nafnið gefur til kynna um sögu síldveiðanna og vinnslunnar en fyrst og fremst um mikilvægan kafla í sögu byggðarinnar okkar hér í Siglufirði. Um létt og skemmtilegt leikrit er að ræða sem samið er af engum öðrum en Ragnari Arnalds.
Tónlistina í verkinu semur Elías Þorvaldsson.
Í tilefni bessa merka viðburðar boðar Leikfélagið til
opins fundar í félagsheimilinu
okkar að Suðurgötu 10 þann 12. október kl. 15:00 þar
sem ræddur verður undirbúningur að uppsetningu verksins. Fundurinn er opinn öllum sem áhuga hafa án tillits til þess hvort fólk er félagar í leikfélaginu eða ekki. Ragnar, Elías og leikstjórinn mæta á fundinn.
Nú er mikilvægt að sem flestir mæti og taki þátt í þessu skemmtilega verkefni. Að mörgu er að hyggja og margar hendur vinna létt verk.
Kaffi og vöfflur.
Sjáumst hress. Leikfélag Siglufjarðar
Tekið út Tunnunni |
