17. september 1962 Texti; MYND, ljósmyndir Steingrímur.
ÖLL FYRRI MET SLEGIN
Reykjavík, 17. sept.
Vikuaflinn var 50 þúsund mál, segir í skýrslu Fiskifélags Íslands um síldveiðina sl. viku. Fá skip voru að veiðum, en sum fengu góðan afla.
Heildaraflinn á síldveiðunum slær öll fyrri met; er orðinn samanlagt 2 milj. 370 þúsund mál og tunnur.
<<< Höfrungur II. á leið inn með 30. þúsundasta málið
Sex aflahæstu skipin voru í vikulokin: Víðir II. 32.366 mál og tunnur, Höfrungur II. 31.542, Ólafur magnússon 30.917, Helgi Helgason 29.530, Seley 27.750 og Guðmundur Þórðarson 27.199 mál og tunnur.
Valinkunnir aflakóngar stjórna þessum efstu skipum og eiga þeir miklar þakkir skilið fyrir framlag þeirra til þjóðarbúsins.
Garðar Finnsson má vera ánægður með sumarið. Skip hans er næsthæst á sumrinu með rösklega 31.500 mál.
Athugið: Þessi texti hér fyrir neðan, birtist ekki í Dagblaðinu MYND
Til fróðleiks þar sem talað er um mál og tunnur, í textanum hér fyrir ofan. Þessar mælieiningar voru notaðar í "gamla daga" eða til ársins 1966 er tekin var upp mælieiningin Tonn / kílógramm tengd löndun á síld. Þessi umskipti ollu talsverðum deilum á milli seljenda og kaupenda. Upphaflega hafði verið miðað við að að hvert mál síldar væri að rúmmáli 150 lítrar, en ef síldin var vegin, reiknaðist málið 135 kg. Misræmi var á milli mælingar og vigtunar, sem olli mikilli óánægju.
Samkvæmt tilmælum ríkisstjórnarinnar tóku allar síldarverksmiðjurnar upp vigtun á síld til bræðslu sumarið 1966 og verðlagsráð sjávarútvegsins ákvað fast verð fyrir hvert kíló af bræðslusíld væri kr. 1,15 - kr. 1,34 eftir veiði-tímabili,.......................... Heimild: Skýrsla og reikningar Síldarverksmiðja ríkisins fyrir árið 1966.
Garðar Finnsson má vera ánægður með sumarið. Skip hans er næsthæst á sumrinu með rösklega 31.500 mál.