Athöfnin hófst með því að jólasveinarnir komu á Torgið á stórum tengivagni, eftir að hafa ekið um bæinn með viðeigandi músík og drumbuslætti.

Krakkarnir eltu síðasta spölinn.

Sigurður Hlöðvesson tæknifræðingur Siglufjarðarkaupstaðar setti athöfnina formlega og kynnti dagskrána.

Leikskálakrakkar sungu nokkur jólalög

Og síðan voru ljósin á jólatrénu tendruð, en það var að þessu sinni Eyfirskt greni.

Mikill mannfjöldi var þarna mættur, þó mest hafi borið á börnunum, sem flest ef ekki öll voru í fylgd foreldra.

Og síðan lauk dagskránni með samsöng jólasveinanna, með undirleik Júlíusar Hranberg. -- allir eru þessir sveinar í Lionklúbb Siglufjarðar.