|
Hugmyndasamkeppni
um atvinnutækifæri og fjölgun starfa í Siglufirði.
 Siglufjarðarkaupstaður
efndi til hugmyndasamkeppni um atvinnutækifæri og fjölgun starfa í
Siglufirði, skilafrestur á hugmyndum var til 20. nóvember 2004. Skila
átti hugmyndum inn undir dulnefni og nöfn höfunda með í lokuðu umslagi.
Þrjár tillögur bárust.
-
Ásinn, sendandi Ásinn.
Hugmyndin gerir ráð fyrir að byggð verði 3-10 sumarhús og
þjónustumiðstöð á Ásnum. Í þjónustumiðstöð yrði kennslu- og
fundaraðstaða, veitingarekstur ásamt skrifstofnum fyrir starfsmenn.
-
Frístundabyggð á Ásnum,
sendandi Salka Valka. Hugmyndin gerir ráð fyrir 150-200 m2
þjónustu og söluskála auk ca. 200 m2 viðbyggingar er hýsir módel með
6-10 herbergjum. Einnig verði byggðir 10 bústaðir 40-60 m2.
-
Jarðgerðartromla,
sendandi Jón Jónsson og Jón Jónsson. Hugmyndin gerir ráð
fyrir að smíða rafknúna tromlu sem tekur á móti úrgangi frá um 150
heimilum.
Bæjarráð tilnefndi í dómnefnd
eftirtalda aðila:
Runólf
Birgisson bæjarstjóra og Skarphéðinn Guðmundsson af hálfu bæjarins,
Signý Jóhannesdóttur frá Verkalýðsfélaginu Vöku, Konráð Karl Baldvinsson
og Magnús Jónsson frá atvinnurekendum í bænum. Hafþór Rósmundsson tók
sæti í nefndinni fyrir Signý Jóhannesdóttur. Nefndin kaus sér formann
Konráð Karl Baldvinsson
Dómnefndin hélt fjóra fundi og voru fundarmenn sammála um að allar
tillögur væru mjög áhugaverðar og samþykkti að skipta verðlaunafé með
eftirfarandi hætti:
-
Jarðgerðartromla 50.000
Höfundar: Arnar Heimir Jónsson garðyrkjufræðingur og
SR-Vélaverkstæði hf Siglufirði
-
Ásinn 25.000
Höfundar: Kjartan Jónsson og Guðmundur Stefán Jónsson.
-
Frístundabyggð á Ásnum 25.000
Höfundur Guðmundur Davíðsson.
Dómnefndin þakkar aðilum fyrir
framkomnar hugmyndir og mun óska eftir viðræðum við alla aðila um
frekari útfærslur og hvernig nefndin og bæjaryfirvöld geti hugsanlega
komið að og stutt við bakið á framangreindum hugmyndum.
Siglufirði 30.desember 2004 -- fyrir hönd dómnefndar,
Konráð Karl Baldvinsson form. |
