Sleðaferð... | Löðnulöndun

>>>>>>>>>>> Sleðaferð...

 

Til forsíðu
Til baka



Ljósmyndasafn Steingríms
á netinu.

Steingrímur Kristinsson Siglufirði
G-892-1569
S-467-1569
 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Að gefnu tilefni, vegna fréttar minnar af Héðinsfjarðarferð 5 sleðamanna 15. janúar 2005 - en einhverjir voru ekki sáttir við mína frásögn sem ég birti þó með fyrirvara vegna skorts á upplýsingum frá "réttum" aðilum. --- Þá birti ég hér orðrétt það sem var á vef Landsbjargar í morgun 16. janúar - Og mjög samhljóða fréttum í dagblöðunum og útvarpi. Raunar svo samhljóða að ég sé ekki ástæðu til að breyta minni frásögn, nema viðkomandi gagnrýnendur sendi mér skriflega sína útgáfu af atburðunum, þá skal ég með ánægju birta það í heild hér. Því svona atburðir eru ekkert einkamál viðkomandi þegar kallað er eftir aðstoð. 
Hér fyrir neðan er það sem fjallað er um atburðinn á síðu Landsbjargar   ORÐRÉTT
Af síðu Landsbjargar:

15.01 | Leit að vélsleðamönnum við Héðinsfjörð
Slysavarnafélagið Landsbjörg 15.01.2005 kl.21:55
Klukkan 20:15 í kvöld fundu björgunarsveitarmenn úr Björgunarsveitinni Strákum frá Siglufirði vélsleðamennina 4 sem grennslast hafði verið um fyrr um kvöldið. Þeir höfðu komist í slysavarnaskýlið í Héðinsfirði þar sem þeir biðu aðstoðar. Þegar björgunarsveitarmenn komu á staðinn kom í ljós að 2 mannanna voru lítils háttar slasaðir og þörfnuðust læknisaðstoðar. Sökum þungrar færðar var ákveðið að björgunarskipið Sigurvin myndi fara með björgunarsveitarmenn og lækni út í Héðinsfjörð en að sögn björgunarsveitarmanna er ágætt í sjóinn á þar núna og góðar aðstæður til að komast í land. Mun björgunarskipið flytja mennina sjóleiðis til Siglufjarðar og er reiknað með að þeir komi þangað á tólfta tímanum í kvöld.


Slysavarnafélagið Landsbjörg 15.01.2005 kl.20:20
Björgunarsveitin Strákar á Siglufirði var kölluð út á fimmtatímanum í dag eftir að beiðni um aðstoð barst frá vélsleðamanni sem varð viðskila við félaga sína. Maðurinn hafði verið á ferð ásamt 4 öðrum félögum sínum en mennirnir voru á ferð frá Siglunesi og voru á leið upp frá Héðinsfirði þegar maðurinn varð viðskila en hann lenti í ógöngum með sleða sinn í slæmu færi með þeim afleiðingum að hann komst ekki áfram.
Mjög slæmt skyggni er á þessum slóðum ásamt djúpum snjó sem er afleitur fyrir gangandi fólk þar sem það sekkur upp fyrir mitti í honum. Það var manninum til happs að hann var með farsíma og gat látið lögregluna á Siglufirði vita af vandræðum sínum sem kallaði út Björgunarsveitina Stráka til aðstoðar. 21 björgunarsveitarmaður var sendur til leitar á vélsleðum og snjóbíl sem eru einu tækin sem virkar við aðstæður eins og núna.
Um kl.18:30 fannst síðan maðurinn sem óskaði aðstoðar en þá hafði hann verið í símasambandi við björgunarsveitarmenn og gat þannig leiðbeint þannig um staðsetningu sína og með því að skjóta upp blysi var hægt að staðsetja hann nákvæmlega.
Hinsvegar hefur ekkert heyrst í 4 félögum mannsins og eru björgunarsveitarmenn nú að grennslast fyrir um þá.