|
Nú nálgast jólin og allt sem þeim
fylgir.
Bæjarstarfmenn búnir að vera á
fullu við að setja upp jólaljós hér og þar fyrir okkur öll til að njóta
og til að skapa jólastemmingu í bænum í desember. Það finnst okkur
frábært því ekki viljum við vera án jólaljósanna.
Þegar leikskólastarfsmenn mættu til
vinnu í morgun var ekki ánægjulegt að líta á jólaseríuna sem snýr út á
leikskvæði barnanna. Búið var að brjóta 12 perur og glerbrot út um allt.
Það er mjög auðvelt að skipta um perur enda gekk það hratt fyrir sig en
það var aftur á móti erfiðara að ná upp öllum smáu glerbrotunum í
snjónum. Flest ef ekki öll börn á leikskólaaldri borða snjó og því lítum
við þetta mjög alvarlegum augum.
Farið var í alla bekki grunnskólans
í morgun og óskað eftir aðstoð þeirra við að stöðva svona skemmdarverk
og tóku þau vel í samstarfið. En við hvetjum ykkur foreldra til að ræða
um þetta við börnin ykkar og gera þeim grein fyrir alvarleika málsins.
Njótum aðventunnar
kveðja leikskóastóri
Til baka |
