Arfavitlaus | Framboðslistar

>>>>>>>>>>> Arfavitlaus

Sömu bjánalegu rökin og sömu hugsjónir virðast enn ríða fjöllum hjá ákveðnum þingmönnum sjálfstæðisflokksins og voru fyrir nokkrum áratugum, þegar á tímabili mátti halda að Vilhjálmur Egilsson og vinur minn Kristján Möller væru samflokka. Því nú virðast hinir yngri þingmenn Sjálfstæðisflokksins vera búnir að fá sömu skinvilluna og fyrri flokksbræður, það er að breyta þurfi klukkunni til að geta verið í návist fjölskyldunnar. Yllu heilli bar Vilhjálmur fyrir sig þeim fölsku forsendum í viðtali við ríkisfjölmiðil, að til dæmis á Siglufirði væru menn mjög almennt þessu meðmæltir, meðal annars vegna þess að þeir hefðu svo lengi sem elstu menn mundu hafið vinnudaginn klukkan 07:00 á morgnanna og vildu gjarnan hefja vinnudaginn "klukkan 08:00" í staðinn -
Hvað sem hann átti við með því, skildi ég aldrei.

Í dag hefst vinnudagur Siglfirðinga hjá sumum klukkan 07:00 og öðrum 08:00 eða seinna, og sumar eða vetrartíma þeirra erlendis skiptir þar engu máli.
 
Ástæðan fyrir því að ég minnist á þetta nú er greinin hér fyrir neðan sem kom í Fréttablaðinu þann 7. apríl síðastliðinn. (fyrsta vitneskja mín um þennan barnaskap nú) og taldi ástæðu til að endurbirta greinina hér, en Erlendi, sem vitnað er til í greininnin, er ég 100 % sammála. Einu sinni þegar Alþýðusambandið í heild samdi fyrir launþega á landinu, kom fyrir ákvæði eftir að samningar náðust kom fyrir skilyrði / fyrirskipun að dagvinnutími ætti að hefjast klukkan 08:00 á Siglufirði sem og annarsstaðar. Þessu mótmæltu Siglfirskir launþegar einfaldlega með því að mæta klukkan 07:00 - bíða við lokaðar dyr vinnustaða þar til verkstjóri opnaði og fóru heim í samræmi við þann tíma sem þeir mættu á, Svipað var upp á teningnum á Raufarhöfn - Og sem betur var leið ekki langur tími þar til vinnuveitendur létu undan.
Við sem búum út á landsbyggðinni, þurfum engan sérstakan "sumartíma" til að vera með fjölskyldum okkar.