Lífið í apríl 01-08 2006 | Lífið í apríl 09-15 2006 | Lífið í apríl 16-30 2006

>>>>>>>>>>> Lífið í apríl 09-15 2006

  Lífið um páskana:>>>   

Laugardagur 15. apríl 2006 -- Vegna veikinda, helv........ flensa sem leggst þungt á mig, má ekki búast við mikilli hreyfingu á vef mínum, í dag og ?????

Laugardagur 15. apríl 2006 Ein gömul:  Ég ætla ekki að segja hvar eða hverjir fórur "eftir þessum" 9 boðorðum frá 7. áratug fyrri aldar (1971) sem hér birtast. Þó skal það upplýst að herbergið, stór veggur sem sem þessar upphrópanir blöstu við á, þeim sem inn litu var æfingaraðstaða "bítla hljómsveitar" hér í bæ. 
Þetta á og átti ekkert skylt við páska né trúboð, aðeins eitt af mörgum uppátækjum yngri kynslóðar þess tíma, í orði en ekki á borði.

Föstudagur 14. apríl 2006 Einstaklega gott skíðafæri og veður var í gær á Skíðasvæðinu í Skarðsdal. Þar var þar mikið fjölmenni aðkomufólks, þó svo að NFS hafi ekki vitað af því að skíðasvæðið í Skarðsdal væri opið, miðað við upptalningu þeirra í gær í hádeginu á opnum skíðasvæðum landsins. Hingað koma allir aftur og aftur, sem á annað borð hafa komi á svæðið áður, og þá gjarnan með vini og kunningja. Enda mikið fjöldi aðkomufólks í bænum.

Föstudagur 14. apríl 2006 Ein gömul:  Tunnuverksmiðjan brann (ein af mörgum) í janúar 1964. Stálgrindarhúsið "lak niður" eins og kertavax við þann ógurlega hita sem þar inni myndaðist við brunann. Nánar um þennan atburð er að finna HÉR

Fimmtudagur 13. apríl 2006 Nú er hafin undirskriftasöfnun á netinu um mótmæli gegn bensínhækkun síðustu mánaða, og krafist aðgerða af hálfu ríkisstjórnarinnar, en eins og kunnugt er þá fer mikill meirihluti bensínverðsins í ríkiskassann. Látið verkin tala, EKKI nefndirnar.  Smellið HÉR

Fimmtudagur 13. apríl 2006 Ég og kona mín urðum þeirrar ánægju njótandi í boði Fílapenslanna í gærkveldi og hlusta og horfa á þá spretta úr spori ásamt góðum aðstoðarmönnum sínum.
Þetta var frábær skemmtun. Kærar þakkir drengir fyrir frábæra skemmtun.
Ég tók góðan slatta af myndum, sem eru hér >>>>> 
Önnur sýning verður í kvöld fimmtudag, en þá er uppselt.

Fimmtudagur 13. apríl 2006  Athygli er vakin á því að ÖLL vélsleðaumferð er bönnuð á skíða- og íþróttasvæðinu við HÓL ---  Umferð vélsleða við Hól hefur verið mjög hvimleið að undanförnu, sérstaklega fyrir skíðagöngufólk. --- Það er alkunna að allstaðar er umferð vélsleða bönnuð á fólkvöngum, svo sem skíða- og íþróttasvæðum og svo er einnig við Hól.
Vélsleðamenn hafa jafnan valið sér leið fram í Hólsdalinn vestan ár eða alveg niður við ána, en núna að undanförnu hafa þeir verið að færa sig upp á svæðið og mikið kraðak er eftir vélsleða á íþróttavellinum og upp í áhorfendabrekkunni. -  Vélsleðamenn vinsamlega virðið það að skíðagöngufólk vill hafa sínar brautir óskertar og annað útivistarfólk vill hafa sitt næði í útivistinni til að njóta hennar til fullnustu, enda ætti að vera um nóg önnur svæði að ræða fyrir ykkur.---  Til bæjaryfirvalda mætti koma þeim skilaboðum  að varla má það dragast öllu lengur að koma upp viðeigandi merkingum við Hól til að taka af allan vafa um það að vélsleðaumferð er bönnuð á skíða- og íþróttasvæðinu. - Með kveðju um gleðilega páska og holla og góða útivist -- Þórhallur Ásmundsson.

Fimmtudagur 13. apríl 2006  Ein gömul:  Hann er ekki mjög fallegur á að líta þessi skúr, innbyggður í löndunarkrana hjá Rauðku forðum, en þær voru margar milljónirnar sem áttu leið um hans slóðir.
Myndin er sennilega frá 1965 !

Miðvikudagur 12. apríl 2006   Hádegisveðurmynd og hús dagsins eru  HÉRNA

Miðvikudagur 12. apríl 2006  Veraldarvinir hreinsa strendur landsins -- 
Meðal annarra við Siglufjörð....
Samtökin Veraldarvinir eru að hefja stórátak til að hreinsa strandlengju Íslands. Ætlunin er að hreinsa alla strandlengjuna á árunum 2006-2011, en samtals er strandlengjan 4.950 km að lengd. ..meira

Þriðjudagur 11. apríl 2006 Ferðaáætlun Ferðafélags Siglufjarðar 2006
Föstudagurinn langi 14. apríl. Gönguskíðaferð út á Súlur. Leiðsögumaður verður Magnús Eiríksson. Mæting upp í Skarði upp við lyftuhús kl. 12.00
Þjóðlagahátíð 5.- 9. júlí. -- Farin verður Skarðsganga í samstarfi við Þjóðlagahátíð.
Helgina 28. - 30. júlí verður fjölskylduganga og gengið út að rústum gömlu Evangersverksmiðjunnar.
Pæjumótshelgina 11. - 13 ágúst
13. ágúst verður gengið í Héðinsfjörð.
Nánari upplýsingar um ferðir félagsins má fá í síma 844-3855
og með því að senda póst á arnar@siglo.is  --- Athugið að ferðir geta breyst án fyrirvara meðal annars vegna veðurs. -- Fylgist því með á vefnum "Lífinu á Sigló".

Þriðjudagur 11. apríl 2006 Í gærdag kom spegilfagur og skjannahvítur, nýjasta bátasmíði þeirra hjá Siglufjarðarseig úr móti sínu.  Mótið var skrúfað laust og skrokkurinn hífaður upp.
Þarna er búið að fjarlægja bakborðshluta mótsins og þarna standa þeir Sverrir Júlíusson, Guðni Sigtryggsson verkstæðisformaður og Stefán Jóhannsson, ánægðir með verk sitt og þennan áfanga.

Þriðjudagur 11. apríl 2006  Ég var í Vancouver um helgina og rakst á einn ,,gamlan" Siglfirðing, Chris Bogan sem vann á Síldarminjasafninu heima á Sigló en hann býr núna fyrir ofan vinafólk mitt í Vancouver. Hann vildi endilega að ég sendi þér mynd af okkur til að sýna hvað heimurinn er í raun lítill. -- Annars er hann góður talsmaður Siglufjarðar, segir öllum sem á hann vilja hlusta hvað bærinn sé frábær og fólkið þar líka.
Bestu kveðjur heim, Ásdís Jóna Sigurjónsdóttir

Mánudagur 10. apríl 2006  Til skoðunar fyrir þá flokka eða hópa sem áhuga hafa á að kynna sína frambjóðendur vegna næstu sveitarstjórnakosninga á vefnum Lífið á Sigló, til dæmis fimm efstu menn af hvorum lista. Æskilegt er að myndir fylgi ásamt einfaldri kynningu á viðkomandi og áhugasviði á framgangi bæjarmála osfv. Vinsamlega hafið samband í tölvupósti, og eða síma 892-1569. Fyrirkomulag þessarar kynningar hefur ekki verið ákveðin, hver hópur / flokkur gæti tildæmis fengið hver sína síðu með áberandi tengli,  en fyrirkomulag mun væntanlega taka mið af vilja frambjóðenda sjálfra sem þátt vilja að taka í þessari hugmynd. Viðkomandi efni yrði ekki birt fyrr en um viku fyrir kosningar. Frambjóðendur; komið með hugmynd. 
Þetta gæti verið góð kynning fyrir viðkomandi, og ef til vill komið einhverjum að gagni, af þeim 2000-3000 sem heimsækja daglega  vefinn Lífið á Sigló.  Steingrímur.

Mánudagur 10. apríl 2006 
Sveinn Þorsteins var á aðalfundi Verkalýðsfélagsins Vöku í gær og sendi mér þessar myndir.
 

Mánudagur 10. apríl 2006 Hið besta skíðaveður var um helgina á Skíðasvæðinu í Skarðsdal. Ég skrapp upp á svæðið smá stund á gær til að skoða mannlífið, þó ekki á skíði þar sem þau eru ekki mitt áhugamál.  Það sást að vísu ekki til sólar þann stutta tíma sem ég stoppaði, það vantaði þó ekki sólargeislana, en þeir sáust skína úr hverju andliti sem fyrir augun bar og greinilegt að viðkomandi nutu útverunnar. >> 
Ég vil í leiðinni minna á vefmyndavél þeirra í fjallinu (tengill hér efst: Skíða-myndavél)
Þó svo að myndavélin sé ekki af fullkomnustu gerð, má þó greinilega sjá með henni þegar líf er á svæðinu, og fylgjast með brekkunum, og andlitunum sem koma inn á svæðið.

Mánudagur 10. apríl 2006 Þó margir hafi farið á Skíðasvæðið í Skarðsdal í gær, voru þó þrír drengir sem létu sér nægja brekku niður frá Hafnargötunni, bjuggu þar til "loftköst" og renndu sér á sleðum og tóku flugstökk. --- Nokkrar myndir frá athæfi þeirra er hérna á tenglinum >>>

Mánudagur 10. apríl 2006 "Lifandi " myndasyrpa frá afhendingum Menningarsjóðs Sparisjóðs Siglufjarðar árin 2005 og 2006 er að finna HÉR -- En þessar myndir eru á "myndbandasvæði" www.123.is/sksiglo -Hægt er að hala syrpunni niður til persónulegrar nota, einnig til einfaldrar skoðunar. En athugið; þetta eru tæp 40 MB svo það tekur dálítinn tíma að sækja skrána sem best er að skoða með Windows Media Player.

Mánudagur 10. apríl 2006  Ein gömul:  Þessi mynd er frá þeim gömlu góðu tímum þegar Siglfirðingar fylgdust vel með síldveiðunum, raunar fjölmiðlarnir einnig. Annað en nú til dags þar sem mest spennandi viðfangsefni margra þeirra eru hrakfarir annarra og peningastreymi bankastofnanna, þaðan sem margir krakkar halda í dag að peningarnir komi. Þessi mynd er af Siglfirðing SI 150, fyrsta Íslenska skuttogaranum, sem stundaði togveiðar á vetrum en síldveiðar á sumrin.

Sunnudagur 9. apríl 2006 Sjálfstæðisflokkurinn: Fyrsti framboðslistinn í hinu sameiginlega sveitarfélagi Siglufjarðar og Ólafsfjarðar hefur verið ákveðinn
Listinn er HÉR

Sunnudagur 9. apríl 2006  Sömu bjánalegu rökin og sömu hugsjónir virðast enn ríða fjöllum hjá ákveðnum þingmönnum sjálfstæðisflokksins og voru fyrir nokkrum áratugum, þegar á tímabili mátti halda að Vilhjálmur Egilsson og vinur minn Kristján Möller væru samflokka. Því nú virðast hinir yngri þingmenn Sjálfstæðisflokksins vera búnir að fá sömu skinvilluna og fyrri flokksbræður, það er að breyta þurfi klukkunni til að geta verið í návist fjölskyldunnar............... <<  Smelltu á myndina til að lesa meira

Sunnudagur 9. apríl 2006 Ein gömul:  Hvaða unglingur og raunar margir fullorðnir ætli að hafi ekki spreytt sig á köðlunum í Rauðku krana eins og þarna og hjá SR krönunum á 5. og 6. áratugnum ?