Frá Leikskálum: Útskrift elstu barna Föstudaginn 27. maí var útskriftarathöfn í leikskólanum. Þá komu foreldrar, ömmur og afar og fögnuðum þessum áfanga með börnum sínum. Fulltrúar frá Rauða Krossinum komu og gáfu öllum börnunum hjálma. Addi lögga kom og var með gagnlegar upplýsingar til barnanna varðandi umferðareglur og hjálmanotkun. Steini hjúkka kom einnig og var með eggjagjörning sem tengdist hjálmanotkun. Í lokin buðu Rauðakrossmenn börnunum upp á prins póló og safa.