3. júní 2005
Frá afhendingu Ólafs Marteinssonar framkvæmdastjóra Þormóðs Ramma Sæberg, á fjórum tölvum til Síldarminjasafnsins frá ÞRS, tvær til nota á skrifstofu safnsins og aðrar tvær sem hýsa Myndasafn Síldarminjasafnsins, á þriðja þúsund gamalla ljósmynda frá síldarárunum úr Ljósmyndasafni Steingríms.

En jafnhliða afhendingu tölvubúnaðarins var Myndasafn Síldarminjasafnsins opnað formlega af Ólafi Marteinssyni og Ólafi Jónssyni sparisjóðstjóra, en Menningarsjóður Sparisjóðs Siglufjarðar styrkti  það verkefni.

Myndum þeim sem þarna eru til sýnis á eftir að fjölga verulega, bæði frá Ljósmyndasafni Steingríms, Hannesi Baldvinssyni ofl.  að auki myndum sem eftir er að færa í stafrænt form, úr öðru myndasafni Síldarminjasafnsins.
Þá verða þarna einnig myndir af málverkum og teikningum.
Enn er eftir mikil vinna við textagerð, lýsingu á myndefninu.
 
Myndasafnið verður aðgengilegt gestum safnsins , á opnunartíma.

Afhending tölvubúnaðar
og opnun á Myndasafni Síldarminjasafnsins