Strákagöng | Kosningablað (1) | Kosningablað (2) | Kosningablað (3) | Ýmsar myndir

>>>>>>>>>>> Kosningablað (1)

FRÁ SIGLUFIRÐI:

HÉR VANTAR ÞANN HERSLUMUN,

sem tryggja verður með Framkvæmdaáætlun Norðurlands.

Tvennir tímar.

Sú var tíðin - á þeim árum sem kennd voru við kreppu, að fjárhagsleg afkoma  þjóðarbúsins valt á síldveiðum út af Norðurlandi og vinnslu síldar á Siglufirði. Þá  beindust augu ráðamanna þjóðfélagsins að Siglufirði og þar var þá malað það  gull, sem m.a. gerði þá þjóðfélagsþróun mögulega á fyrri hluta þessarar aldar, er  breytti þjóðarhögum úr fátækt og frumbýlingshætti til velferðar og  tækniþróunar.

Með breyttum göngum síldarinnar hófst svo erfiðleikatímabil þessa bæjarfélags. En sé saga Siglufjarðar á  árum erfiðleikanna skoðuð sanngjörnum augum, og metin út frá aðstæðum, er  hún e.t.v. ekki síður glæsileg en gullaldartíminn. Það hefðu ekki öll bæjarfélög,  sem byggðu á einhæfu atvinnulífi, hvers grundvelli var gjörsamlega kippt á  burt, ekki. eitt ár, heldur áratugi, staðið af sér erfiðleikana á sama hátt og  Siglufjörður.

Hið nýja og glæsilega sjúkrahús Siglufjarðar, sem kostaði yfir 20 miljónir króna. Til hægri á myndinni sjást rústir gamla sjúkrahússins sem verið er að rífa niður og fjarlægja

 Það voru margir varnarsigrar unnir á þessum erfiðleikaárum, sem  að vísu kostuðu okkur mikið mannfall (í burt fluttum Siglfirðingum), sem eftirsjá er að, en við vonum, að nú þegar  bjartara virðist framundan, komi eitthvað af þeim heim í fjörðinn sinn á ný.

Það sem er og það sem vantar.

Siglufjörður stendur um margt á gömlum, traustum grunni. Hér þarf svo  sannarlega ekki að byggja allt frá grunni. Hér eru til staðar mörg, stórvirk  atvinnutækja: síldarverksmiðjur, söltunarstöðvar, niðurlagningarverksmiðjur,  frystihús, tunnuverksmiðja og margs konar smærri iðnrekstur. Það sem á

vantar  er að tryggja síldariðnaðinum hráefni. "Haförninn" er stórt spor í rétta átt, en  flutningur á síld til  söltunar verður og að koma til.

Hér er nýbyggt glæsilegt sjúkrahús, yfirbyggð sundlaug, sem jafnframt verður  rekin sem íþróttahús, nýtt veglegt bókasafn, nýlegir og veglegir skólar,  æskulýðsheimili, góð höfn, gott raforkuver, bættar samgöngur á landi og í lofti á  næstu grösum - og þannig mætti áfram telja.

[Greinin var lengri en ég á ekki niðurlag hennar]

Æska Siglufjarðar unir sér vel í vistlegum salarkynnum bókhlöðunnar

Hér er önnur mynd af börnum í salarkynnum hinnar nýbyggðu bókhlöðu

[Ath. Bókhlöðumyndirnar eru skannaðar frá úrklippusafni mínu frá blaðinu, ég fann ekki filmuna, held þó að ég hafi tekið þessar myndir. (amk. þangað til, ef annað kemur í ljós) ]