Sæll Steingrímur. En, ég var að lesa dyravarðaraunirnar og margt
rifjaðist upp varðandi endana á bíómiðunum.
Enn ein aðferðin við að svindla sér inn, var að fara inn í sal
gegnum miðasöluherbergið (sem var oftast opið inn í gegn þegar
sýning stóð ekki yfir) klukkutíma fyrir sýningu.
Þetta gerðum við Nilli Friðfinns, bróðir Finna og Svenna kokk og
földum okkur í myrkrinu undir fremstu bekkjunum og gæjuðumst svo
upp þegar sýning hófst.
Og enn og aftur var sérstök aðferð til að svindla sér inn;
nefnilega sú, að ég prentaði ávallt bíómiðana fyrir Odd
þegar hann vantaði meira.
Og þá voru hæg heimatökin að prenta nokkra aukamiða "í leiðinni
fyrir mig og mína útvöldu" En aldrei komst það upp.
Í leiðinni má geta þess að bíóbönn hjá Gunnu Thor voru tíð eins
og þú kannast við. Ég hlaut eitt bíóbann í hálfan mánuð.
Af hverju? Ég sat eitt sinn í miðjum sal og Gunna Thor fyrir
aftan mig án þess að ég vissi það og stóð upp og henti gosflösku
alla leið upp á senu með þessum líkum háfaða og djöfulgangi í
hljóðum sal.
Þá klappaði Gunna á öxlina á mér og bað mig að koma með sér fram
og rak mig síðan út úr salnum og sagði um leið við "Skara"
dyravörð: "Þessi strákur á að fá bíóbann í hálfan mánuð. Svo
mörg voru þau orð.
Karl Jóhann Lilliendahl.
