Lífið í júní 1-5 2004 | Lífið í júní 6-12 2004 | Lífið í júní 13-19 2004 | Lífið í  júní 20-30 2004

>>>>>>>>>>> Lífið í júní 13-19 2004

19. júní 2004  Það var lítið um að vera, á slóð minni í morgun, Níels Friðbjarnar (86 ára)mætti ég þó eins og venjulega á hverjum morgni á göngutúr sínum, frá Grundargötu 16 þar sem hann býr- og fram á fjörð þar sem ég mætti honum, og til baka.  Níels var létt klæddur, enda logn og 15 °C hiti klukkan rúmleg 9.  ---------  Þá frétti ég jú að Björgunarbáturinn Sigurvon hafa farið í útkall vegna báts í vanda, en leki mun hafa komið upp í honum. Nári fréttir síðar !

19. júní 2004  Ein gömul: Slökkviliðið, - Guðmundur Björnsson -  Magnús Traustason - ? - Óskar Berg Elefsen - Elvar Elefsen og Birgir Vilhelmsson

18. júní 2004 Hagkvæmt, ódýrt, sparar vinnu og umfang. Nú er búið að nota vinnupallinn á norðurhliðinni á Íslandsbankahúsinu, og næst er það suðurhliðin. En þessi vinnupallur var í upphafi byggður lágréttur, skoðaðu hér: frá 28 maí 2004    (á leiðinni að suðurhlíðina)

18. júní 2004  Ýmislegt var til skemmtunar "um víðan völl", í tilefni af deginum í gær, grín og gaman, andlitsmálun, fótbolti, blak og fleira. Mikið af myndum koma í ljós ef smellt er á viðkomandi myndir.
Dagskráin hélt áfram eftir kvöldmat, - en ég var búinn að fá nóg af deginum - auk þess sem ég þurftir tíma til að vinna þessar rúmlega 200 myndir sem hægt er að skoða í dag þann 18. júní. frá Þjóðhátíðardeginum , án þess að eyða nóttinni í þá vinnu. --  Hafið gaman af, krakkar og fullorðnir.

18. júní 2004 Dagskráin á "Torginu" 17. júní, hófst með því að lúðraþytur frá Kirkjuturni barst eyrum viðstaddra, en leikið var lagið Siglufjörður. Kynnir hátíðarinnar var formaður Þjóðhátíðarnefnda Baldur Daníelsson.-  þá tók Karlakór Siglufjarðar lagið. - Hátíðarræðuna flutti Gunnar Rafn Sigurbjörnsson fyrrverandi skólastjóri. - Ávarp fjallkonu. - Anna Snorradóttir heiðruð fyrir margvísleg störf.  - Dyfrurnar sungu. - Atrið úr leikritinu Silfur hafsins. - Karíus og Baktus. -  Götuleikhús. - Tóti og félagar. - Hljómsveitin Tvöföld áhrif. og margt fleira var til skemmtunar á sviðinu og nágrenni.

18. júní 2004 Skrúðgangan 17. júní fór fram rúmlega 13:30 í gær, enn var kalsaveður og rigning, en þó má telja að gangan hafi verið fjölmenn miðað við aðstæður. Gengið var stór hringur um bæinn, frá kirkjutröppunum niður að Torgi, þar sem megnið af hátíðarhöldunum fór fram.

17. júní 2004  Dagskrá 17. júní hátíðarhaldanna hófst að Hvanneyri, með ávarpi Hannesar Baldvinssonar f.h. Þjóðhátíðarnefndar, þar sem hann rakti sögu frumkvöðla séra Bjarna- og fleiri. Kirkjukórinn söng, Forseti bæjarstjórnar flutti ávarp og lagður var blómsveigur að minnisvarða um hjónin Séra Bjarna og frú. ----- Kalsaveður var, rigning og aðeins 4 °C hiti. - Snjóað hafði í fjallatoppa um nóttina. 

17. júní 2004 Ný brú yfir Hólsá  Tilboð voru opnuð 15. júní 2004. Bygging brúar á Fjarðará í Siglufirði. Brúin er 12 m steypt bitabrú í einu hafi. Helstu magntölur eru: -- Gröftur 300 m3  -- Vegrið 96 m -- Mótafletir 559 m2 -- Steypustyrktarjárn 16,9 tonn -- Steypa 186 m3.
Verki skal að fullu lokið 15. september 2004.
Myndin er af núverandi brú yfir Hólsá, tekin 24. maí sl.

17. júní 2004  Ein gömul: Steingrímur Garðarsson og Páll G Jónsson, starfsmenn SR, - í þungum þönkum !

17. júní 2004  Andlát. Halldór Sigurðsson, fæddur og uppalinn Siglfirðingur lést á sjúkrahúsi í Bandaríkjunum seini partinn í gær, eftir erfið veikindi og  uppskurð. Halldór hefur búið í Bandaríkjunum í yfir 40 ár. Hann lætur eftir sig Bandaríska konu Grace-, og uppkomin börn, Halldór var fæddur 15. mars 1930. Hann var sonur hjónanna Sigurðar Sveinssonar og Ólínu Bergsveinsdóttur, sem bjuggu á Hafnarhæðinni. (Suðurgata 51) Halldór var einn af fjölmörgum gestum erlendis, er heimsóttu  "Lífið á Sigló" reglulega og var í góðu sambandi við síðuna. (undirritaðan) Blessuð sé minning hans.  Steingrímur

16. júní 2004  Askur 11 (2174)  Verið er að hífa bátinn upp á bryggju til að þrífa hann og gera kláran til sölu- og þá sennilega úr bænum. "Þessi bátur" skaffaði 4-5 mönnum vinnu á síðastliðnu sumri, - en nú er hann kóda laus vegna enn einnar breytingar á þessu svokölluðu fiskstjórnarkerfi- og eigendur bátsins geta því ekki átt hann lengur og reyna því að selja hann.  Það vekur hug að því, til hvers þetta kótakerfið sé og hvaða hagsmunum það þjóni. Ég ætla hér að láta mína skoðun og vangaveltur flakka: Það er ljóst af fréttum og öðrum staðreyndum að margir hafa hagnast um miljónir á þessu "fiskstjórnunarkerfi" og margir af þeim hafa hagnast á því án þess að þurfa að veiða fiskinn sem þeim var úthlutað til að veiða, þar á meðal eru vinir og vandamenn sumra þingmanna, sem áhrif hafa haft á laga og reglugerðarsamþykktir. Þetta allt saman er að mínu mati eintómt bull. Það ætti að gefa öllum sem útgerð vilja stunda- og hafa til þess þrek og þor, að fiska á meðan þeir geta. Ef stofnarnir minnka, þá hellast menn og bátar úr lestinni. Og eitt er víst, að þá yrði helming aflans með tilliti til fjölda fiska  ekki hent eins og nú er gert, aflinn kæmi allur að landi. Þessar svokölluðu verndarákvæði hafa engu skilað með tilliti til aukningar á stofnunum samkvæmt töflum fiskifræðinga, sem byggja allt sitt kerfi á líkindareikningum- og þeim forsendum sem þeir sjálfir gefa. Um raunverulegt magn hafa þeir ekki hugmynd. Hvar er til dæmis loðnan? Enginn gerir út á loðnu sem ekki finnst, en hún kemur aftur eins og síldin. Hvorki stjórnvöld eða fiskifræðingar vita nóg um þessa stofna, til að geta sagt með vissu hvar þeir halda sig, þegar ekkert sést til þeirra. Ég man vel orð eins fiskifræðings árið 1967, er hann sagði aðspurður í fréttaviðtali Útvarpsins hvort þessi gífurlegi floti og veiði sem átti sér stað á síldarmiðunum við Jan Mayen, mundi ekki tortíma stofninum: Svarið var einfalt: það er engin, hætta á því, þessi stofn er svo gífurlega stór. Hvað varð af þessum gífurlega stofni, sem ekki sást branda af á næsta ári, og síldin hvarf?  SK

16. júní 2004  Aðsent: Myndir frá Í.B.S. þinginu í gærkvöldi sem getið var um hér í gær, þar sem K.S. yrði fengin viðurkenning. Myndirnar sýna forseta Í.S.Í. Ellert B. Schram veita K.S. gæðaviðurkenningu fyrir barna – og unglingastarf, fyrst knattspyrnufélaga á Norðurlandi, og hefur félagið þar með rétt til þess að kalla sig Fyrirmyndarfélag næstu fjögur ár. ----  Forseti ÍSÍ veitti sæmdi jafnframt Guðrúnu Árnadóttur, fráfarandi formann Í.B.S, gullmerki ÍSÍ fyrir vel unnin störf og Jóhannes Egilsson var einnig sæmdur gullmerki Í.S.Í. fyrir 40 ára formennsku í Tennis – og badmintonfélagi Siglufjarðar. Jóhannes hefur verið formaður frá stofnun félagsins og er þetta líklega Íslandsmet, þ.e. að sami einstaklingurinn hafi verið formaður sama félags samfleytt í 40 ár.
Kveðja Þórir H.

16. júní 2004 Mikill léttir ?  Nei varla... Mikill vírusfaraldur hefur geisað á netpóstsvæði Símans og fleiri um allan heim, í gær og gerir enn. Enginn póstur mun hafa borist til eða frá viðskiptavinum Símans seinnipartinn í gær- og einhverjar tafir eru væntanlegar næstu daga. En Síminn þurfti að loka aðgenginu til og frá kerfinu, á meðan hálf miljón sýktra skeyta voru hreinsuð úr kerfinu, auk hinna hefðbundnu rusl (rugl) póstsendinga. Lífið á Sigló er engin undantekning, en enginn póstur hefur borist til síðunnar frá klukkan 15:30 í gær og ekki hefur heldur tekist að svara pósti sem kom fyrir þann tíma. venjulega koma 10-20 gagnlegar sendingar á dag netfangið mitt, auk annars póst sem ekki er áhugaverður, en "SwamKiller-inn"  minn lætur sjálfkrafa ruslpóstinn og aðrar fjöldasendingar hverfa- svo ég veit lítið af honum nema ég skoði skrána.

16. júní 2004  Ein gömul: Kristjana Halldórsdóttir og Jóna V  Pétursdóttir.

15. júní 2004 2 ljósmyndir, önnur af bíl Vegagerðarinnar niðri í fjöru neðan svokallaðra Skriðu á Siglufjarðarvegi, vestan Sauðarnes. og hin tekin fjær, þar sem + merkið er fór bíllinn út af, en gjörla sést, vinstra megin við hitt + merkið er gúmbátur Björgunarsveitarinnar Strákar eru að nálgast fjöruna, en strákarnir voru sendir til að taka saman lauslegt úr bílnum, talstöð ofl.   Atvik voru þau að vegagerðarmaður hafði brugðið sér út úr bílnum til að fjarlægja grjót sem hrunið hafði á veginn, bíllinn sennilega hrokkið úr handbremsu og lagt af stað mannlaus í þessa feigðarför, en fallið er þarna um 150-200 metrar og neðsti hlutinn þverhníptur. Og bíllinn talinn ónýtur.

15. júní 2004  Fréttatilkynning: - Á ársþingi Í.B.S. á Siglufirði í kvöld mun Knattspyrnufélag Siglufjarðar hljóta viðurkenningu sem Fyrirmyndarfélag Í.S.Í., þriðja félagið á Norðurlandi. Áður hafa Skíðafélag Akureyrar og Taekwondo deild Þórs Ak. hlotið þessa viðurkenningu. Viðurkenningin er veitt fyrir fyrirmyndarstarf í barna- og unglingaíþróttum og þurfa félög og/eða deildir að uppfylla viss skilyrði er lúta að starfseminni til að hljóta viðurkenninguna. Forseti ÍSÍ, Ellert B. Schram og framkvæmdastjóri, Stefán S. Konráðsson munu afhenda K.S. viðurkenninguna í þinghléi um kl. 19.00.  --  Með íþróttakveðju, Viðar Sigurjónsson

15. júní 2004  Morgunblaðið í dag: Siglfirðingar vilja loðnuleiðangur
Bæjarráð Siglufjarðar hefur samþykkt ályktun þar sem stjórnvöld eru eindregið hvött til þess að gera út loðnuleiðangur nú á sumardögum, í ljósi þeirra upplýsinga sem fram komi í nýrri skýrslu Hafrannsóknastofnunar. Í ályktuninni segir, að mikilvægt sé að ekki verði til sparað við leit að loðnu og rannsóknir á loðnustofninum og mikilvægi þess viðurkennt með auknu fjármagni og aukinni áherslu til leitar.  (ljósmynd: SK)

15. júní 2004  Vefmyndavél.  Svona gæti mynd frá vefmyndavél sem komið væri fyrir á kirkjuturninum litið út. Þessa mynd tók Óli Kára í rigningunni seinnipartinn í gær, þegar hann var hífaður upp að krossinum á turninum til eftirlits. Þetta ef af yrði með vefmyndavélina, gæti orðið gott tákn fyrir Siglufjörð, til viðbótar öllu öðru jákvæðu. Lögreglan gæti verið þátttakandi í kostnaði, jafnvel Íslandsbanki og Samkaupsverslunin Úrval, sem sjást í forgrunni, félagasamtök og ?  Hugsið málið, þið sem gætuð haft forustuna.

15. júní 2004  Aðsendar myndir::  Óli Kára fór upp að turnkrossinum, eins og sagt er frá hér fyrir neðan, og hann tók ma. þessa mynd af steininum sem enn er eftir undir krossinum. fingur bendir á litla sprungu á honum. Óli tók fleiri myndir, - yfir byggðina sem þú sérð með því að smella á myndina.

15. júní 2004 Seinnipartinn í gær, voru tveir starfsmenn Ólafs Kárasonar, - Óli sjálfur og Birgir Ingimarsson, hífaðir upp að krossi kirkjuturnsins, en eins og frá sagt hér neðar, brotnaði 15-20 kg. steinklumpur, annar af tveim sem krossinn "prýddu". Ef hinn væri einnig kominn á tæpasta vað, var krossinn, öryggis vegna skoðaður og myndaður. Það var að vísu komin sprunga í steininn, en sæti hans var talið það öruggt, að ekki stafaði hætta á því að hann losnaði. 

15. júní 2004  Ein gömul:   Skipverjar á Haferninum (ofl) eru hér að taka á móti einum skipsfélaga sínum (Pálma Pálssyni) sem er að koma með Drang til Siglufjarðar, með miklum látum og lúðrablæstri. Á myndinni eru: Tryggvi Björnsson, Ásgrímur Björnsson, Þórður Jónasson, Valdimar Kristjánsson, Snorri Jónsson,  Oddur Guðmundur Jónsson (á bak við) Steingrímur kristinsson, Bergsteinn Gíslason,- og Ragnar Guðmundsson.
Myndin er tekin á Hafnarbryggjunni 1967

14. júní 2004  Unnið hefur verið af miklu kappi við að endurlífga Torgið, breytt útlit, gangstéttir, nýr gosbrunnur ofl. - Þá hefur hinn leiðinlegi stallur símaklefans sem var þarna á norðausturhorninu verið fjarlægður svo hann ætti ekki að angra neinn, - en eitt finnst mér vanta, ef til vill vonandi á það eftir að koma og er á áætlum (?)- en það er hringlaga lágt handrið, hringinn í kring um gosbrunninn, vegna litlu krakkanna, það hefur komið fyrir að þarna hafa börn dottið út í, auk þess sem nett ryðfrítt handrið mundi prýða svæðið. Annaðhvort vélaverkstæðið, væri 1-2 daga að smíða slíkt. Svo er eitt sem ætti ekki að skaða, það er vönduð eftirlitsmyndavél, komið fyrir á kirkjuturni og beint niður eftir aðalgötunni og svæðinu til hliðar, og auðvitað tengt netinu, þannig að sjá mætti allan sólarhringinn yfir svæðið, líkt og gerist hjá vaxandi fjölda sveitarfélaga. Nýjasta dæmið er endurnýjuð vefmyndavél Akureyrarkaupstaðar.

14. júní 2004  Aðsent:  Að kvöldi, 12. júní, rétt fyrir kl. 22.0,0 losnaði steinhnullungur efst í 30 metra háum turni Siglufjarðarkirkju og hrundi til jarðar með tilheyrandi þungum dynki, á bílastæði sunnan kirkjunnar, en það var sem betur fer autt, enda ekkert um að vera í kirkjunni eins og jafnan á laugardagskvöldum. Umræddur steinn, sem er annaðhvort tilhöggvið blá- eða grágrýti, hafði verið settur utan um járnkross efst á turninum, til að skorða hann og annar svipaður undir og er búinn að sinna hlutverki sínu í 72 ár, en kirkjan var fullbyggð árið 1932. --  Hvort það er tilviljun eða ekki settist hrafn upp á þennan sama kross 17. desember 2003 og náðist þá meðfylgjandi mynd af honum. Vegna atburðarins ákváðu foreldrar lítils drengs sem fæddist um það leyti að láta hann heita í höfuð krumma að millinafni, og var hann skírður fyrir viku, 6. júní síðastliðinn, í fermingu systur sinnar, sem hélt honum undir skírn. Og bílastæðið yfirfullt. -- Og nú spyrja menn nyrðra, hvort fuglinn hafi ekki verið að vara bæjarbúa við hættunni sem gat fylgt sprungnum steini. Það væri þá ekki í fyrsta sinn, eins og lesa má víða í þjóðsögum okkar. -- Mikil mildi að enginn skyldi slasast, þegar 15-20 kg steinn féll efst úr 30 metra háum turni Siglufjarðarkirkju þetta laugardagskvöld.  Er ljóst að veður og vindar eru hér sökudólgurinn  Á myndunum er: Séra Sigurður Ægisson, krossinn eftir að steinninn losnaði og krummi á krossinum í desember sl.   S.Æ.   (fjórðu myndina, af tveim hröfnum tók SK 14. nóvember 2003)

14. júní 2004  Ein gömul:  Litli drengurinn er Óskar Berg Elefsen, Jóhann Ísaksson og Páll Hlöðversson. Páll er þarna með handknúna loftdælu í gangi, en á hinum endanum niðri í sjónum er Aage Johansen kafari, sem sést auðvitað ekki á þessari mynd.

13. júní 2004  Þar sem lítið hefur sést á prenti um væntanlega heimsókn Norska krónpissins, á vettvangi Siglfirðinga. - Svo og ég hefi fengið nokkra spurningar um þessa "götubylgju" sem sumir hafa kallað umtalið á götunni, - þá vil ég aðeins reyna að bæta úr, en þessa klausu sótti ég á "Norska kóngavefinn" http://www.kongehuset.no/default.asp   Þessa frétt, sem ég ætla ekki að reyna að þýða,  - því flestir munu geta stafað sig fram úr henni:
8.6.2004  - Offisielt besøk til Island
Etter invitasjon fra Hans Eksellense, Islands President, Ólafur Ragnar Grímsson, vil Deres Kongelige Høyheter Kronprinsen og Kronprinsessen avlegge et offisielt besøk til Island i tiden 27. – 30. juni. 2004.
Foruten Reykjavík skal Kronprinsparet besøke Snorre Sturlasons Reykholt og Alltingets historiske møteplass på Thingvellir. Programmet omfatter besøk til Elkems ferrosilisiumsanlegg og åpning av en norsk keramikkutstilling i Gardabær. Kronprinsparet vil også overvære en konsert med Ola Kvernberg Trio i Reykjavík.
I anledning av 100-årsmarkeringen av det moderne sildefisket på Island vil Hans Kongelige Høyhet Kronprinsen og den islandske President besøke Siglufjördur.   -- (leturbr. mín)

13. júní 2004  Ein Gömul:  Pétur Pálsson, Theódór Eggertsson og Jón Sigurðsson