Lífið í júní 1-5 2004 | Lífið í júní 6-12 2004 | Lífið í júní 13-19 2004 | Lífið í  júní 20-30 2004

>>>>>>>>>>> Lífið í júní 1-5 2004

5. júní 2004 BOMB - buldi við og jörðin titraði, nákvæmlega klukkan 15:34:09 En Suðurverksmenn sprengdu klöpp við enda nyrsta snjóflóðavarnargarðsins, - sennilega fyrsta klöppina sem hinar stórvirku vinnuvélar réðu ekki við án aðstoðar sprengjusérfræðings.

5. júní 2004  Dagskrá Sjómannadagsins hófst á skráningu í dorgveiði, í Þormóðsbúð í dag klukkan 12:30 - Dorgveiðin hófst síðan klukkar13:00 og stóð til klukkan 14:00. Þá átti að hefjast kappróður, sem varð að "fresta", þar sem skortur var á keppendum, aðeins ein áhöfn gaf sig fram til keppni. Lélegur afli var hjá dorgurunum, aðeins tveir fiskar. Ástæðan var á hreinu hjá einum keppandanna, sem sagði þetta allt hafnarvörðunum að kenna sem hefði bannað þeim að veiða á hefðbundnu veiðisvæði, það er frá gömlu ríkisbryggjunni, þar væri nógur fiskur,- og ekkert kaldari sjór til að detta í ef einhver félli í sjóinn.  (Það skal tekið fram; að aðgengi að ríkisbryggjunni er ekki talið öruggt, og því vildu hafnarverðir (sennilega) ekki taka neina ábyrgð á fjöldaumferð.  (smelltu á myndina)

5. júní 2004  Knattspyrnulið GKS spilaði sinn fyrsta heimaleik í Íslandsmóti 3 deildar á Hólsvelli föstudagskvöldið 5 júní kl 20.00. Leikið var við Hvöt frá Blönduósi og endaði leikurinn 1 - 0 fyrir okkur í GKS og skoraði Hafþór Kolbeinsson markið. Nokkrir áhorfendur komu svona allavega fyrir forvitnis sakir. Mikil gæsla var á leiknum þar sem nokkrar þekktar fótboltabullur sáust á svæðinu. Þar má fyrstan nefna Herstein Karlsson hreinræktaðan orginal SRing, Egil gamla Rögg og Ragnar á Kambi og fl.  Fjölmiðlafulltrúi Knattspyrnudeildar GKS   Alli A.

5. júní 2004  3 Flokkur KS hefur leikið tvo leiki það sem af er sumri, unnið einn og tapað einum. Spilað var við KA í Boganum á Akureyri miðvikudaginn fyrir rúmri viku og enduðu leikar þannig að KS tapaði 1 - 2. í mjög jöfnum leik . Þeir spiluðu síðan við Tindastól á Sauðárkróki núna á miðvikudaginn var og unnu þar stór sigur 6 - 0. ----- Alli A.

5. júní 2004  Fyrsta steypuvinnan við kirkjutröppurnar fór fram seinnipartinn í gær.

Þá mun einnig hafa verið skrifað undir samninga í gær- við Bás ehf, varðandi sáningu í sár þau í fjallið sem komið hafa og munu koma varðandi snjóflóðavarnargarðana.

4. júní 2004  Nú er símaskráin komin út, - og enn einu sinni hafa þessir "jólasveinar" sem sjá um ritstjórnina, ekki áttað sig á því að Siglufjörður er í Eyjafjarðarsýslu, Norðurlandi eystra - en EKKI Skagafirði Norðurlandi vestra,- og eiga því heima á Norður landi EYSTRA en EKKI vestra.  Farið nú í landafræði tíma hjá einhverjum grunnskólanum og rifjið upp landafræðina.

4. júní 2004 Hvanneyraráin. Verktaka Snjóvarnagarða eru komnir á hreyfingu aftur, eftir langt "helgarfrí" erlendis, þarna er verið að vinna við bráðabirgða "ræsi" í Hvanneyrará.

3. júní 2004 Síminn, er að láta færa ljósleiðara, sem nú er staðsettur um það bil á því svæði sem nýja Hólsbrúin á að koma. skurðgrafa og mannskapur frá Símanum var mættur á staðinn í morgun vegna framkvæmda.  En brúin mun koma aðeins norðan við þann stað sem grafan er á á myndinni. Það sést örlítið í gömlu brúna lengst til vinstri á myndinni. Þá verður aðkeyrslu að brúnni, það er núverandi vegur færður til vinstri á svæðinu, svo og beint að væntanlegum brúarenda, þannig að engin kröpp beygja verður þarna, eins og nú er.

3. júní 2004  Aðsent: Nemendur 7. til 10. bekkja eyddu lokadögum skólans í útivist og heimsóknir. Á þriðjudag lögðu nemendur leið sína á Síldarminjasafnið, þar sem þeir fengu leiðsögn um húsin þrjú. Eftir það var rölt yfir í rústir Evangers verksmiðjunnar. Á miðvikudag fóru nemendur 7. og 8. bekkja að heimsækja Smástráka. Nemendur 9. bekkjar, sem eru flestir félagar í Smástrákum tóku á móti þeim ásamt umsjónamanni deildarinnar. Þar var farið í ratleik og síðan spreyttu nemendur sig á klifurveggnum. Almennt voru nemendur glaðir og kátir á lokadögunum.  Erla    ---      Smelltu á myndina

2. júní 2004   Sumarkoma?
Með hækkandi sól hafa hestamenn hugað meira að umhverfi sínu, um daginn var haldinn hreinsunardagur sem tókst með ágætum, 3 sturtuvagnar fullir af rusli fóru á haugana.  Hugmyndir eru uppi um landmótun og fegrun svæðisins í kringum reiðvellina og hesthúsin þegar líður á sumarið.   meira

2. júní 2004 Þessir kappar leggja hart að sér við lagningu gangstíga ofl. á Torginu. Þeir gáfu sér þó tíma til að stoppa augnablik á meðan ég smellti af þeim þessari mynd, en þeir eru Tómas Óskarsson, Bogi Kristjánsson og Arnar Heimir Jónsson garðyrkjufræðingur, sem sér um verkið.

2. júní 2004 Plastbáturinn Björn EA 220 2544, (frá Grímsey) var hífaður á land í morgun, en menn frá JE-Vélaverkstæði voru að athuga stýrisbúnað á bátnum, sem virkaði ekki sem skildi. 

2. júní 2004  Ein gömul: Á myndinni eru ma: "hnakkinn" á Eggert Theódórs, Reynir Árnason, Sigurbjörn Fanndal, Árni Kristinsson, Guðmundur Skarphéðinsson (á bak við hann) og Steingrímur Magnússon.

1. júní 2004 Sunnan SI 67, - sem komin var með nafnið "bryggjublómið", vegna langrar legu í innri höfninni, flutti um set og lagðist við Öldubrjótinn, þar sem hún mun liggja í óákveðinn tíma. Myndin er tekin klukkan 14:13 í dag er Sunnan var á leið til næsta hvíldarstaðar.  --- En-það kom "babb í bátinn" Sunnan risti það djúpt að hún komst ekki að Öldubrjótnum, það frétti ég  er ég leit út um gluggann kl. 15:13, og sá að hún var farin- og hringdi í Hafnarskrifstofuna og sagt að Sunnan væri komin aftur í gamla bólið "sitt".

1. júní 2004 Aðsent: Þessa mynd tók Hannes Baldvinsson í gær og sendi mér. Á myndinni eru: Steingrímur Kristinsson - Kristinn Georgsson - og Halldóra Jónsdóttir.

1. júní 2004 Ein gömul: Skipverjar um borð í Haferninum í góðu gamni, á einni af hefðbundinni kvöldvöku um borð. Guðmundur Arason og Guðmundur Björnsson, keppa um hvor er fljótari að innbyrða spottann sem "karamella" hangir í. Ægir Björnsson, Jón Rögnvaldsson og fl. horfa spenntir á leikinn.