Lífið 1-11 des 2004 | Lífið 12-18 des 2004 | Lífið 19-31 des 2004

>>>>>>>>>>> Lífið 12-18 des 2004

   Siglfirski fréttavefurinn  Lífið á Sigló-

Jólakveðjur til vina og vandamanna.  Nú fyrir jólin gefst ÖLLUM sem það vilja, tækifæri til að koma jólakveðju með mynd og stuttum texta hér á Lífið á Sigló. Viðkomandi sendir mér á Netfangið mitt einfaldan texta og mynd, og ég birti það síðan á sérstakri síðu. Allt án endurgjalds. Ljósmynd gæti verið fjölskyldumynd eða einhver falleg sem einhver úr fjölskyldunni hefur tekið. ****    **Komnar jólakveðjur**

Kaupmenn og þjónustuaðilar á Siglufirði: Munið ókeypis kynningu á vörum ykkar og þjónustu; skoðið hér -- Og aðrir sem vilja vita hvað fyrirtækin hafa upp á að bjóða smelli þar einnig.

Laugardagur 18. desember 2004  Loksins loksins er kominn nægur snjór, sögðu skíðaálfarnir, þegar skíðasvæðið í Sakarðsdal var opnað. En svæðið var opnað í dag. Ég ætlaði að fara á vettvang til að taka ljósmynd, en um það leiti kom yfir smá él, svo ég hætti við. Það verður að bíða betri tíma

Laugardagur 18. desember 2004  Ein gömul:

Ekki þekki ég stelpurnar, en drengurinn er Jón Baldvin  Hannesson sem nú skólastjóri í Giljaskóla á Akureyri
Myndin er tekin í Bókasafni Siglufjarðar 16. nóvember 1964
Efst á síðu

Föstudagur 17. desember 2004 Uppákoma í Íslandsbanka. Í dag mætti hópur eldri borgar í kaffi og mikils og girnilegs meðlætis í boði Íslandsbanka, en nutu áður ljúfra tóna frá Ó.B. kvartettnum sem söng fyrir hópinn nokkur lög. Og síðan kom Vorboðakórinn (aldraðir borgarar) og söng nokkur valin lög. Ég mætti að sjálfsögðu og smellti á þessum myndum, sem þú sérð ef þú smellir á myndina

Föstudagur 17. desember 2004 Ein gömul:  Kristján Hauksson - Kristján Möller - Guðmundur Albertsson og Már Jóhannsson
Myndin er tekin á 1600 ASA filmu, á Æskulýðsheimilinu við Vetrarbraut þann 1. nóvember 1964
Efst á síðu

Fimmtudagur 16. desember 2004 Ein gömul:  Þessi mynd er ekki tæknilega fullkomin, en þó einstök ljósmynd sem segir langa og merka sögu af þessum tveim heiðursborgurum Siglufjarðar, Gústa guðsmanni og Bigga Run, nöfn sem allir þekkja, það er Ágúst Gíslason og Birgir Runólfsson.
Ljósmynd: Einar Hermannsson.
Efst á síðu

Efst á síðu

Miðvikudagur 15. desember 2004  Fréttatilkynning:  Sjóður72 hefur til sölu jólakorta.
    Sjóður72 var stofnaður á síðasta árið að frumkvæði Jóns Finns Jóhannessonar en honum auðnaðist ekki að ljúka því verki áður en hann lést. Samstúdentar hans úr Menntaskólanum á Akureyri vorið 1972 vildu minnast hans með því að ljúka því sem hann hafði byrjað á og gengu frá stofnun sjóðsins.
    Jón Finnur vissi af fylgdist vel með meðbræðrum sínum og vissi um skólasystkini þá sem áttu um sárt að binda og fannst að útskriftarhópurinn ætti að rétta þeim hjálparhönd.
    Á síðasta ári stóð sjóðsstjórnin fyrir jólakortasölu og gat með afrakstrinum veitt styrki úr sjóðnum.Fyrir þessi jól hafa einnig verið gefin út jólakort og viljum við bjóða Siglfirðingum þau til kaups.
    Á Siglufirði eru kortin til sölu hjá Magnúsi Eiríkssyni á umboðsskrifstofu VÍS.
    Í Reykjavík má nálgast kortin hjá Guðmundi J. Albertssyni Grettisgötu 34 s.551-5186 og 660-5141
Myndir á kortunum eru af sólsetri séð frá Lambanesi í Fljótum, Sólfarinu eftir Jón Gunnar Árnason og Þingvallabænum. Kortin kosta kr 150-     G.J.E.          Efst á síðu

Miðvikudagur 15. desember 2004  Það er gott ef þeir opna augun:  Í morgunblaðinu þann 15. síðastliðinn og einnig í útvarpi er talað um ógnarástand af völdum hættulegrar sýru til Primex á Siglufirði, sem flutt er til Siglufjarðar í miklu magni vikulega, landleiðina eftir að “óskabarn þjóðarinnar” gaf upp öndina., og hætti að flytja vörur sjóleiðina út á landsbyggðina.
Vissulega er þarna um mjög hættulegt efni að ræða sem þarfnast sérstakrar varúðar við flutning og aðra meðhöndlun, hvort heldur er á sjó eða landi.
    En þetta er ekkert nýtt fyrirbæri, sýruflutningar, saltsýra, brennisteinssýra, maurasýra og fleiri hættuleg og ætandi efni hafa verið flutt landleiðina, allt frá árinu 1960 sem ég get staðfest, þar sem ég umgekkst þessi efni, það er unnið hjá fyrirtækinu sem meðal annars hafa notað þau í áratugi, það er Síldarverksmiðjur Ríkisins, síðar SR Mjöl og Síldarvinnslan. Og aðrar bræðsluverksmiðjur víða um land nota þessi sömu efni og hafa gert, án þess að Öryggiseftirlit og eða blaðamenn hafi áttað sig á því (?) fyrr en allt í einu núna, að gera þurfi ráðstafanir sem tekið væri eftir.
    Ég er ekki efnafræðingur, en ég get að minnsta kosti fullyrt, að ef einhver áætlum um slys af völdum bílveltu og eða annars óhapps, þar sem þessi efni væru innanborðs væru, þá þyrftu engin veruleg umkverfisslys að eiga sér stað af slíkum óhöppum, því öll  þessi efni eiga það sameiginlegt að hægt er að eyða áhrifum þeirra.
    Það á sér til dæmis stað  við notkun þeirra hjá Primex og bræðslunum, þau renna að lokum til sjávar sem meinlaust vatn eða sápulögur. Bílstjórarnir hafa alla þá þekkingu sem þeir þurfa, sem og þeir sem taka á móti, svo og auðvitað þeir sem meðhöndla viðkomandi eiturefni.  
    Það þarf að auðkenna bílana blikkandi ljósum og ef til vill takmarka hámarkshraða þeirra sem flytja efnin, svo vegfarendur viti af nálægð þeirra, en margir hverjir keyra um vegi landsins sem einir væru í heiminum.
   Og ekki sakar að hvetja viðkomandi stjórnsýslu að opna augun og gera eitthvað í forvarnarstörfunum og veita meira fé til slökkviliðanna til þjálfunar vegna slíkrar hættu, en þeim er ætlað að taka á þessum málum, jafnvel án þess að fá einhverjar leiðbeiningar að ráði, til að fara eftir.
    Spurningin er; ætla stjórnvöld að gera eitthvað í málinu, eða ætla þeir að loka fyrir þessa flutninga og þar með atvinnurekstrinum, eða ætla þeir  sækja peningana sem þessi fyrirtæki afla í þjóðarbúið í Smáralind eða Kringluna?   S.K.       Efst á síðu

Þriðjudagur 14. desember 2004  Ein gömul:
Ólafur Þór Haraldsson og Hafsteinn Hólm
í kaffistofu SR-Niro 4. september 1964

Efst á síðu

Mánudagur 13. desember 2004  Það hvessti all hressilega um klukkan 15:00 í dag og um klukkan 15:30 í einni hviðunni brotnaði jólatréð á Torginu, en sjálfvirkur vindmælir við flugvöllinn sýndi 28 m/s vindhraða um svipað leiti.
Efst á síðu

Mánudagur 13. desember 2004  Félag eldri borgar á Siglufirði og í Fljótum hélt hinn árlega jólafund sinn að Skálarhlíð, seinnipartinn í gær. Þar fór fram hin hefðbundna athöfn, með almennum fundarstörfum hugvekju prestsins, söng Vorboðakórsins og Skálahlíðakórsins (?), og  Himnabandið lék undir (?) Ég mætti EKKI á þennan fund, en kona mín Guðný Ósk Friðriksdóttir gerði það og tók nokkrar myndir sem þú sér með því að smella á myndina.
 Efst á síðu

Mánudagur 13. desember 2004 Hvernig útlendingur sér Siglufjörð: Ég rakst á þessa erlendu myndasíðu, þar sem er að finna 11 ljósmyndir teknar á Siglufirði:(fyrstu 5 myndirnar er teknar vestar) http://www.mirang.nildram.co.uk/OurSite/siglufjordur.html

Sunnudagur 12. desember 2004 Allin Sportbar var með jólahlaðborð á boðstólnum í gærkveldi, en Starfsmannafélag SR bauð mér þangað í mat, sem ég naut þar með fyrrverandi vinnufélögum og vinum. Auðvitað tók ég myndavélina með mér og tók nokkrar myndir af SR-ingunum sem þarna voru í meirihluta ásamt mökum, sem og fleiri gestum. Maturinn var alveg sérstaklega góður- og er greinilegt að þeir kunna til verka í eldhúsinu, hefði ég ekki vitað betur hefði ég haldið að kona mín hefði hjálpað til svo góður var maturinn, en hún ætlaði einnig að fara út að borða en hætti við á síðustu stundu. Ég þakka innilega fyrir mig.  -- Smelltu á myndina og skoðaðu nokkrar myndir sem ég tók af handahófi.