Lífið í janúar 2006 | Lífið í febrúar 2006 | Lífið í mars 2006 | Lífið í apríl 2006 | Lífið í maí 01- > 2006 | Veðrið 2006

>>>>>>>>>>> Lífið í maí 01- > 2006

Þriðjudagur 2. maí 2006  Stórsýningin “Æskan & hesturinn norðanlands” fór fram á Sauðárkróki síðastliðinn laugardag. Þar voru sýnd 13 atriði æfð af börnum og unglingum úr hestamannafélögum á norðurlandi. Sýningin var hin besta og greinilegt að æskan hér norðan heiða er efnileg. -  Frá Glæsi á Siglufirði var 12 manna hópur á aldrinum 7-15 ára. Það þarf vart að taka fram að börnin stóðu sig prýðis vel í ljómandi góðu atriði. Þau voru bæði sjálfum sér, foreldrum, Glæsi og Siglufirði til sóma. Sýnt var bæði klukkan 13 og 18 fyrir nánast fullu húsi. Sýningin verður gerð að árvissum atburði á norðurlandi eftir að hafa verið árviss um nokkurt skeið á höfuðborgarsvæðinu og gert er ráð fyrir að hún verði haldin í nýbyggðri reiðhöll þeirra Akureyringa næsta vor. Okkur foreldrunum heyrðist á börnunum að Glæsir yrði að sjálfsögðu með að ári og sennilega með fleiri en eitt atriði ef marka má bollaleggingar ungu kynslóðarinnar!
Það eru komnar myndir af sýningunni og æfingum inn á heimasíðu Glæsis www.siglo.is/glaesir  Einnig var sýningin tekin upp og verður gefin út á DVD og VHS í vor.

Þriðjudagur 2. maí 2006 Framboðslisti Framsóknarflokksins í hinu nýja sameinaða sveitarfélagi SiglÓ (eins og ég vil kalla það) var kynntur í gærkveldi á félagsfundi í fundarsal flokksins á Siglufirði. -----  Listinn er HÉR

Þriðjudagur 2. maí 2006  Þessa fjóra gutta hitti ég seinni partinn í gær og voru þeir fúsir til myndatöku, enda fullkomlega löglega búnir hjálmum.
Ég gleymdi að spyrja þá um nöfnin, en væntanlega sendir mér þau einhver.

Þriðjudagur 2. maí 2006 Ein gömul:  Ég þekki þessa drengi alla, en full nöfn þeirra allra vefst fyrir mér, svo ég bíð með birtingu nafnanna þar til einhver sendir mér.

Mánudagur 1. maí 2006 Ég þekki fuglinn; álftina, en ekki veit ég hvað hinir tveir heita, grágæsir eða eitthvað annað. En álftin sú arna, raunar tvær, sinntu í áttina til þessara fugla, sem forðuðu sér í skyndi á þurrt land með viðeigandi gargi.

Mánudagur 1. maí 2006 Eins og flestir lesendur vefsins vita, þá snapa ég víða kaffi á vinnustöðum, svona undir því "yfirskini" að ég sé að leita frétta. Nú fer þessum kaffistöðum senn að fjölga þar sem hægt verður að betla frítt kaffi. Sá fyrsti opnaði í dag klukkan 16:00 og verður opinn fram yfir næst komandi kosningar, en þetta var kosningaskrifstofa Sjálfstæðisflokksins. Þeir sem ekki hafa tíma til að líta þar inn, geta skroppið http://firdingur.xd.is/ og fengið þar andlega næringu, í staðin fyrir kaffi og meðlæti. SK

Mánudagur 1. maí 2006 Ein gömul: Nú er farið að styttast í næstu sveitarstjórnarkosningar. Svona til gamans, þá er hér mynd af þeim sem röðuðust í níu efstu sætin á lista Sjálfstæðisflokksins árið 1982 -- Ingibjörg Halldórsdóttir - Haukur Jónsson - Birgir Steindórsson - Kristrún Halldórsdóttir - Rósa Hrafnsdóttir - Guðmundur Skarphéðinsson - Axel Axelsson og Björn Jónasson, en aðeins tveir úr þessum hópi eru nú, á sameiginlegum lista í sameiningu sveitarfélagi, SiglÓ