Lífið í maí 1-9 2004 | Lífið í maí 10-16 2004 | Lífið í maí 17-22 2004 | Lífið í maí 24-31 2004

>>>>>>>>>>> Lífið í maí 17-22 2004

21. maí 2004  Næstu 2-3 daga verður hlé á uppfærslu síðunnar, þar sem ég ætla að vera viðstaddur skírn nýjasta langafabarnsins í fjölskyldunni, (í R.v.k.) dóttir Láreyar og Baldurs.

21. maí 2004  Suðurverk hefur hóf vinnu við snjóflóðavarnargarðana að nýju í gær, eftir "hvíld" í vetur.

21. maí 2004 Dagskrá Síldarminjasafnsins  fór fram 20. maí, í gær í Gallerí Gránu klukkan 14:00  Opnuð var sýning leikskólabarna: Síldin og safnið og Leikskólakórinn söng nokkur síldarlög.

21. maí 2004 Dagskrá Síldarminjasafnsins - 20. maí, hélt áfram í Bátahúsinu kl. 14:30 í tilefni af afhendingu Báthússins, Karlakór Siglufjarðar söng. Birgir Guðlaugsson afhendir Bátahúsið, Ólafur H Kárason Evrópuverðlaunin, Örlygur Kristfinnsson Evrópukeppnin og síðan harmonikkuspil.

21. maí 2004 Dagskrá Síldarminjasafnsins - Róaldsbrakki Klukkan 15:30 20. maí, Holli Dýrfjörð býður vinum og kunningjum til fagnaðar í tilefni 90 ára afmæli hans í vetur

21. maí 2004 Starfsmannafélag Síldarverksmiðja ríkisins, hélt heljarmikla grillveislu, klukkan 16:00 í gær. Starfsmenn SR-Vélaverkstæðis og starfsmenn Síldarvinnslunnar mættu ásamt fjölskyldum, svo og gömlum félögum eins og mér og minni frú. En þrátt fyrir nafnabreytingar fyrirtækisins Síldarverksmiðjur ríkisins, sölu o.s.f.v. og allt hið neikvæða varðandi vöntun á loðnu undanfarið, þá hefur upphaflegt nafn Starfsmannafélagsins ekki breyst og hópurinn sem að félaginu hefur staðið, haldið ró sinni og góða skapinu, og fagnar tilverunni nokkrum sinnum á ári.

21. maí 2004  Ein gömul: Hulda Guðbjörg Kristinsdóttir og Lilja Pálsdóttir að salta hjá HF Hafliða.  - Drengurinn í bak er mér ókunnur !

20. maí 2004 Þessi árabátur var smíðaður í Slippnum á Siglufirði fyrir um 70 árum. Soffía Jónsdóttir (Soffía á Nesi) átti bátinn lengst af og notaði hann í fyrstu við Staðarhólsbúið til margskonar flutninga td er hún færði bæjarbúum nýmjólk úr fjósinu á Staðarhóli. Eftir að hún giftist Jóni Þórðarsyni og settist að á Siglunesi var báturinn áfram notaður til kaupstaðarferða og veiða. Löngu síðar eignaðist Helgi Antons bátinn og gaf hann loks Soffíu aftur sem hefur svo afhent hann til varðveislu í Bátahúsi Síldarminjasafnsins. Báturinn ekki bara sögulegur fyrir það hve mikill "Siglfirðingur" hann er heldur er það líklega, að hann sem kemur við sögu í frásögn sem Þ Ragnar Jónasson skráði og birtist í bókinni Siglfirskar sögur og sagnir. Þar segir frá ferð Soffíu frá Staðarhóli þar sem hún réri ein yfir um en var þó ekki ein! - Texti: Örlygur, en myndina tók ég í gær er verið var að koma bátnum fyrir í Bátahúsi Síldarminjasafnsins.

20. maí 2004  Kvennakór Siglufjarðar hélt í gærkveldi Vortónleika kirkjunni og kaffihlaðborð í  og Safnaðarheimilinu á eftir. Stjórn tónleikanna og undirleik annaðist Renáta Ivfra  Þá sungu Sönghópurinn Dyfran nokkur lög.
Ljósmyndir G.Ó.F.

20. maí 2004 Ein gömul:     ?      og Magnea Þorláksdóttir.

19. maí 2004  Ég frétti af því seinnipartinn í gær, að menn frá Vegagerðinni, væru að mæla fyrir væntanlegri brú yfir Hólsána, og fór á vettvang, en þeir voru farnir er ég kom á staðinn, það var leiðhindar veður komið, haglél og slydda eða snjókoma til skiptis, (þrátt fyrir bjartar vonir í hádeginu) og varla vinnuveður með mælibúnað og skriffæri. Hinsvegar voru vélar menn og tæki frá Suðurverk á fullu í því að róta til og moka úr Skútuánni á stóra bíla, til nota (væntanlega) ofan á vegin upp í Hvanneyrarskál.

19. maí 2004  Bæjarstarfsmenn vinna nú af krafti við lagfæringar á Torg-svæðinu, við undirbúning hellulagnar ofl. Slydda og hrein snjókoma var til skiptis í morgun, en nú rétt um hádegið fór snögglega að hlýna með sunnan golu, jafnframt því sást glitta í sólina og úrkoma hætti.

19. maí 2004  Aðsent:   Þriðjudagskvöld 18 maí spilaði Knattspyrnudeild Gólfklúbbs Siglufjarðar G.K.S. sinn fyrsta leik. Eins og sjá má á myndunum eru þetta flest allir gamlir K.Singar. Sumir gamlir spilarar en aðrir frekar þekktir sem stuðningsmenn. En reglur KSÍ segja að K.S. má aðeins senda eitt lið í meistaraflokki karla á Íslandsmót og fengum við því að spila undir nafni G.K.S.  Leikið var í bikarkeppni KSÍ við Neista á Hofsósi . Staðan var jöfn  0 - 0 eftir venjulegan leiktíma og varð því að framlengja. Neisti skoraði sigurmarkið úr vítaspyrnu í seinni hluta framlengingar og endaði leikurinn því 1 - 0 fyrir Neista. - Geta má þess hér í lokin að 6 úr byrjunarliði G.K.S. eru fertugir eða eldri og einn af þeim var að spila sinn fyrsta meistaraflokksleik.   Nöfnin: Mark D, Haukur Ó, Alli A, Habbó, Þórarinn H, Bjössi Bó, Rögnvaldur Egils, Baldur Ben, Róbert H, Gunni (Möggu Gunnnars), Gunni (t.sonur Habbó) Nonni (Dísu Birgis)m Ingvar Erlings, Simmi H. Gunni Ragnars (Kambi) Alli A. 

19. maí 2004  Ein gömul:  Guðmundur Jóhannesson, Hallur Garibaldarson og Stefán Friðleifsson.

17. maí 2004 Aðsent: Sendi ég þér hér með, myndir sem ég tók af fyrsta leik K.S. sem var hér í Vestmannaeyjum í dag 16 maí. Þetta var nokkuð góður leikur hjá K.S. þrátt fyrir erfiðar aðstæður, þá sérstaklega í fyrri hálfleik þar sem rigndi heil ósköp og völlurinn þungur. Það var góð barátta hjá liðinu og náðu þeir oft upp góðu spili þá sérstaklega í seinni hálfleik. Þeir fengu færi í seinni hálfleik til að klára þetta en misnotuðu. Þegar að færin eru ekki nýtt þá er hættan að liðum verði refsað eins og gerðist næstum því þegar K.F.S átti skot rétt fram hjá stönginni nokkrum sekúndum áður en dómarinn flautaði til leiksloka. Held ég að ef þeir leggi sig eins mikið fram í hvern leik eins og þeir gerðu í dag þá falla þær spár sem liðinu hefur verið spáð. Kveðja frá Eyjum. Brynjar Guðmundsson.

17. maí 2004  Slysavarnarfélagið. Í gær fór fram formleg afhending á upptöku af frásögn Sveins Ásmundssonar, af björgunarafrekinu, sem sveit deildar Slysavarnarfélagsins á Siglufirði afrekaði er línubáturinn Þormóður Rammi fékk á sig brotsjó með þeim afleiðingunum að hann rak upp í fjöru vestur af Sauðarnesvita í nóvember árið  1950, en það má telja eitt af meiriháttar björgunarafrekum í sögu Slysavarna á landinu. Það var Halldóra S Jónsdóttir sem afhenti deild Slysavarnarfélagsins hér á Siglufirði þessa merku upptöku. Þá tilkynnti Halldóra einnig að gamlar fundgerðabækur og fleira sem verið hefur í hennar fórum frá því sem hún tók við formennsku kvennadeildarinnar Vörn, yrðu nú framvegis varðveitt æi Bókasafni Siglufjarðar. Halldóra bauð gestum uppá kaffi og meðlæti. Margir tóku til máls á eftir, smelltu á myndina til að sjá meira af samkomunni.

17. maí 2004 Ein gömul: Feðgarnir Guðmundur Konráðsson og Pétur Guðmundsson