Lífið 1-8 janúar 2005 | Lífið 9-15 janúar 2005 | Lífið 16-22 janúar 2005 | Lífið 23-31 janúar 2005

>>>>>>>>>>> Lífið 1-8 janúar 2005

Laugardagur 8. janúar 2005 Morgunblaðið á netinu í dag: Kristján Möller fagnar orðum Davíðs um spítala fyrir Símann --- Kristján L. Möller, þingmaður Samfylkingarinnar, segist fagna þeim orðum Davíðs Oddsonar á fundi Sjálfstæðisflokksins í Valhöll í dag, að til greina kæmi að byggja sjúkrahús fyrir féð sem fæst fyrir sölu Símans. Bendir hann á að hann hafi ásamt fleiri þingmönnum Samfylkingarinnar lagt fram frumvarp um byggingu nýs sjúkrahúss, þar sem fram kom sú hugmynd að fé sem fengist fyrir sölu ríkiseigna, m.a. Símans yrði notað til að fjármagna byggingu spítalans.  ----
Þetta er mjög gott mál - en vonandi verður það ekki notað til að afsaka enn einu sinni, að hætt verði við Héðinsfjarðargöng. SK

Föstudagur 7. janúar 2005
Þrettándabrennan og flugeldasýning tilheyrandi hófst klukkan 18:00 í gærkvöld með skrúðgöngu "álfa" sem raunar voru ekki nema tveir (?) og trumbuslagarar ásamt óbreyttum áhangendum  frá Torginu að brennustæði á Suðurtanga. Veðrið gat ekki verið betra á mínútunni 18:00 logn og úrkomulaust -- en einni mínútu síðar komu flyksur úr lofti, sem smá saman jókst og úr varð þétt slydda um það leiti sem flugeldaskothrinan hófst, svo vart sást til skoteldanna fyrir úrkomunni. En svona er þetta stundum. Kiwanis sá um athöfnina. Skíðafélagið um skoteldana - veðrinu réð ????????????   Efst á síðu

Föstudagur 7. janúar 2005  Ein gömul:  Frá Sakarðsmótinu 1965
Hafliði Helgason útibússtjóri Útvegsbanka og Helgi Sveinsson íþróttakennari, eru þarna auðþekkjanlegir.

Efst á síðu

Fimmtudagur
6. janúar 2005

Efst á síðu


Atvinnuskapandi verkefni flutt í bæinn. JE-Vélaverkstæði hefur keypt og látið flytja hingað enn einn plastbátinn, það er skrokkinn "tilbúinn undir tréverk" en þetta er/verður samskonar bátur og "Raggi Gísla" en JE-Vélaverkstæði hafa sérhæft sig í að gera við og byggja upp plastbáta. Hingað til hefur Eimskip séð um þessa flutninga, en þar sem þeir eru hættir að sinna landsbyggðinni sjóleiðina, þá var fenginn sérhannaður bíll til flutningana. Palli bifreiðarinnar er einfaldlega "sturtað" af og dregin í gegn um Strákagöng, þar sem göngin eru ekki með næga lofthæð svo hægt sé að flytja svona farm á lágum tengivagni, hvað þá í þeirri hæð sem var á farminum þegar hann kom að gangnamunnanum vestanverðu. Þetta gekk eins og í sögu, enda greinilega fagmenn á ferð.

Fimmtudagur 6. janúar 2005  Aðsent: Ugla í heimsókn. Þessi mynd var tekin núna í dag kl 12 á hádegi, á svölunum að Suðurgötu 77 Siglufirði.
Kv Doddi Björns

Efst á síðu

Fimmtudagur 6. janúar 2005 Ég skrapp  eftir hádegið í dag, í kaffi til hjónanna á Sauðarnesvita þeim Jóni Trausta Traustasyni og Herdísar Erlendsdóttur, í leiðinni tók ég myndir af hugsanlega, ákjósanlegum stað fyrir GSM sendir, nokkru vestan við Sauðarnesvita, þar sem bæði er fyrir hendi húsaskjól, rafmagn og ljósleiðaratenging og ætti því ekki að vera mikill kostnaður því samfara að koma slíkum sendi fyrir. En slíkur sendir sem mundi ná  alveg að Strákagöngum að vestaverðu og vestur úr öllu, skriðum og lengra, eftir orku viðkomandi sendis.

Fimmtudagur 6. janúar 2005  Ein gömul:  Frá Sakarðsmótinu 1965
Þórður Þórðarson Hrímni - Sigurður Pálmi Sigurðsson, sem gefur mér hornauga í 50 metra fjarlægð - Sigurður Sigurðsson læknir (með pípuna) - Tryggvi Sigurbjörnsson rafveitustjóri og ??
Efst á síðu

Fimmtudagur 6. janúar 2005 Nýlega fæddur Siglfirðingur: Ég heiti Selma Björk og kom í heiminn 1 október 2004 - Ég er með brúnt hár og dökk blá augu ég var 11 merkur og 48 cm. Mamma mín heitir Þóra Dögg og pabbi minn Svavar og svo á ég stóra systir líka sem heitir Silja Ösp og er alveg svakalega góð við mig.   Ég flýtti mér nú svolítið í heiminn þar sem mamma mín átti að fara í keisara 19 október, en ég vildi velja minn afmælisdag sjálf og valdi 1 október           Efst á síðu

Miðvikudagur 5. janúar 2005 Frétt af síðu SVN  -Loðnuveiðar hefjast af krafti -- Loðnuveiðar eru hafnar og er Börkur NK á landleið með 1.200 tonn sem fara til frystingar í Fiskiðjuveri Síldarvinnslunnar hf í Neskaupstað.    Aflinn fékkst í fjórum hölum og gengu veiðar mjög vel fyrir sig. Fleiri skip hafa verið að fá góðan afla.
Beitir NK er í loðnuleit á vegum Hafró og hefur verið að lóða á loðnu allt vestur á 18. gráðu meðan veiðiskipin eru einhverjum 40 sjómílum austar.   -  Því er óhætt að segja að loðnuveiðar og -leit fari vel af stað.  Meðfylgjandi mynd er frá 6. mars á síðasta ári er Börkur landaði fyrstu loðnunni sem kom á land á Siglufirði .að árið, 1800 tonnum.

Miðvikudagur 5. janúar 2005 Af síðunni www.siglo.is   -- Á fundi bæjarstjórnar þann 29. desember var eftirfarandi bókun samþykkt samhljóða:
“Bæjarstjórn Siglufjarðar leggur til við nefnd félagsmálaráðuneytis um sameiningu sveitarfélaga að kosið verði um sameiningu allra sveitarfélaga í og við Eyjafjörð, þ.e. að eftirfarandi sveitarfélög verði sameinuð í eitt; Siglufjarðarkaupstaður, Ólafsfjarðarbær, Dalvíkurbyggð, Akureyri, Grýtubakkahreppur, Hörgárbyggð, Grímsey, Arnarneshreppur, Eyjafjarðarsveit og Svalbarðsstrandarhreppur. Þátttaka Siglufjarðarkaupstaðar í slíkri sameiningu er algerlega háð því að tryggð verði betri vegtenging staðarins við Eyjafjörð með Héðinsfjarðargöngum.”

Miðvikudagur 5. janúar 2005 Hvanneyrarkrókur Þessi mynd var tekin eftir hádegið í gær. ---  Hvanneyrarkrókur hefur mikið breyst með árunum, oftast er þarna mikill sandbreiða, grynningarnar sem áður var vettvangur krakka við skeljaleit ofl. austast á svæðinu vestan Öldubrjóts, eru löngu horfnar og komin undir olíutanka og athafnasvæði, en nú er sandurinn þakinn miklum þara eftir brimið undanfarna daga og vikur.

Miðvikudagur 5. janúar 2005 Ein gömul: 
Mér sýnist þetta vera Sigríður Júlíusdóttir, sem varð sigurvegari í sínum flokki, á  Skarðsmótinu í júnímánuði árið 1965

                                                             Efst á síðu

Þriðjudagur 4. janúar 2005  Skíðasvæðið í Skarðsdal, þar er nú mikill og góður snjór fyrir skíðaunnendur. Lítið sást til mannaferða þar klukkan 14:30 í rökkurbyrjun,  er þessi mynd var tekin, enda vart við að búast þar sem veðrið sem hamrað hefur á okkur undanfarna dag gekk ekki niður fyrr en rétt fyrir hádegið í daga og virkur dagur í þokkabót. Eitthvað heyrði ég talað um að "spáin" væri ekki hagstæð fyrir morgundaginn amk. Við skulum vona að þeir komist á skíði sem fyrst sem það vilja, því ekki er að efa að þarna er gott að vera.  Efst á síðu

Þriðjudagur 4. janúar 2005   Hádegistónleikar í Hafnarborg Hafnarfirði. FRÁ MÖRIKE TIL MOZARTS Ljóð og aríur frá Austurríki.
Miðvikudaginn 5. janúar kl. 12:00 mun Siglfirski tenórinn Hlöðver Sigurðsson syngja á hádegistónleikum Hafnarborgar við undirleik Antoníu Hevesi, en hún er einnig listrænn stjórnandi tónleikaraðarinnar. Tónleikarnir eru í boði Hafnarborgar og aðgangur er ókeypis.

Þriðjudagur 4. janúar 2005  Svona til fróðleiks: Alveg neðst á forsíðum "Lífið á Sigló" og Ljósmyndasafnsins; eru mismunandi teljarar sem gefa ýmsar upplýsingar um heimsóknir á síður mínar, bæði raunteljari viðkomandi síðu og erlendir teljarar nýlega inn komnir, (það sést á dagsetningu þeirra hvenær), sem gefa ýmiskonar forvitnilegt yfirlit um heimsóknir á forsíðurnar, ofl.
Samkvæmt raunteljara forsíðanna þá hafa heimsóknir á þær (aðeins forsíðurnar) verið:

Mánudagur 3, janúar 2005 Ein gömul: Þessi mynd er tekin sumarið 1965, er verið var að vinna við smíði nýrrar löndunarbryggju SR, Þarna er Jóhannes Jónsson vélsmiður - Aage Johansen kafari með fleiru (þarna tilbúinn að koma sér í kafarabúninginn) og Jóhann Ísaksson vélsmiður.
Efst á síðu

Sunnudagur 2. janúar 2005 Hið árlega Barnaball Kiwanis var í dag frá klukkan 14:00 - 16:00
Ég skrapp þangað til að taka nokkrar myndir, sem þú sérð ef þú smellir á myndina hér til hliðar.
Efst á síðu

Sunnudagur 2. janúar 2005  GULLBRÚÐKAUP. Auður Björnsdóttir og Sverrir Sveinsson héldu upp á gullbrúðkaup sitt hjá börnum sínum suður í Reykjavík nú um áramótin. Ekki þarf að kynna nánar þessi mætu hjón fyrir Siglfirðingum, svo lengi hafa þau starfað og unnið að hinum ýmsu félagsmálum á Siglufirði, auk annars.
Til hamingju með daginn og gleðilegt ár.                         Efst á síðu

Sunnudagur 2. janúar 2005

Efst á síðu

Laugardagur 1. janúar 2005  Kveikt var í áramótabrennunni, nú á "tilsettum tíma", það er aðeins var byrjað að velgja hauginn nokkrum mínútum fyrr, en ekki veitti af þar sem snjór og klaki var talsverður utaná bingnum. Allt gekk að óskum, ef frá er taldir smá vindsveipir með skafrenningi og ofankomu. En það rofaði á til milli- og ég notaði tækifærið í einu rofinu og tók þessa mynd, á slaginu 17:00

Laugardagur 1. janúar 2005 Sextán Íslendingar, 10 karlar og 6 konur, voru sæmdir heiðursmerki hinnar íslensku fálkaorðu við athöfn á Bessastöðum í dag.   ----  Þar á meðal var Örlygur Kristfinnsson, safnstjóri, Siglufirði, sem fékk riddarakross, fyrir framlag til uppbyggingar Síldarminjasafnsins.
Til hamingju Örlygur, þessi orða er vissulega mikill og þér verðskulduð. Þú átt einnig þakklæti frá Siglfirðingum, sem í raun skulda þér mikið.  Á meðfylgjandi mynd er Örlygur að segja Hákon krónprins Noregs og forseta Íslands frá hluta af sögu Siglufjarðar, við söltun hjá Síldarminjasafninu síðastliðið sumar.

Laugardagur 1. janúar 2005  Framhald á myndaseríu frá Söngskemmtun Karlakórs Siglufjarðar og fleiri söngvara, frá því fyrir áramót, 30 desember 2004.

Efst á síðu

Laugardagur 1. janúar 2005 Nýtt á síðu minni - Nú á nýju ári 2005 mun nýskráningum og breytingum á Netfangaskrám hætt eins og verið hefur.  --
En í staðinn gefst öllum þeim er einhver tengsl eiga við Siglufjörð, kostur á kynna netföng sín og þær upplýsingar sem viðkomandi óskar eftir. (allt að 10 línum)
Það eindregin ósk að mynd fylgi, þeim upplýsingum sem viðkomandi sendir - í tölvupósti á netfang mitt  - Nú þegar hafa nokkur nöfn og upplýsingar borist, sem þú getur skoðað hér  og á tenglinum "Gagnagrunnur" á forsíðu "Lífið á Sigló"          Efst á síðu