Lífið í feb. 1-5 2005 | Lífið í feb. 6-12 2005 | Lífið í feb. 13-19 2005 | Lífið í feb.20-28 2005

>>>>>>>>>>> Lífið í feb. 6-12 2005

Laugardagur 12. febrúar 2005 Aðsent: Stofnfundur Félagsins Hollvinir Hólsdalsins var stofnaður í dag klukkan 13. Tilgangur félagsins varðar útlit, fegrun og notagildi Hólsdalsins til útivistar. Mál sem varðar alla Siglfirðinga. Þetta er félagsskapur sem er öllum opinn, sem áhuga hafa á fegrun og öðru sem betur má fara í dalnum.  

Föstudagur 11. febrúar 2005 Næstu daga; Í dag föstudag,- og laugardag mun ég vera á Akureyri, hjá dóttur minni Margréti sem er 50 ára í dag. Ég kem til baka aftur á Sunnudag .  Á meðan verður síða mín EKKI uppfærð.
Sveinn Þorsteinsson ætlar að vera á varðbergi fyrir mig á meðan, taka fyrir mig veðurmyndir og vera til taks ef eitthvað skeður. Sími hans er H.467-2169 og GSM.848-4143 - Það efni sem upp kann að koma  á meðan ég er fjarri, verður sett inn seinnipartin á Sunnudaginn 13. febrúar. Bæði það sem kann að koma frá Sveini, og eða beint til mín í tölvupósti.

Föstudagur 11. febrúar 2005  Ein gömul: Spurningin er:  Hverjir eru þetta, hvar eru þeir og hvað eru þeir að gera?  Skoðaðu myndina fyrst, og farðu síðan með músabendilinn hér að ,>>   þá færðu svarið.

Fimmtudagur 10. febrúar 2005 Um síðustu áramót var nýskráningum og breytingum í Netfangaskrám hér á síðum mínum, hætt eins og verið hefur.  -- Ég vil minna á, að í staðinn gefst öllum þeim er einhver tengsl eiga við Siglufjörð, kostur á kynna netföng sín og þær upplýsingar sem viðkomandi óskar eftir. (allt að 10 línum)  Það eindregin ósk að mynd fylgi (ekki krafa) þeim upplýsingum sem viðkomandi sendir - í tölvupósti á netfang mitt  - Nú þegar hafa nokkur nöfn og upplýsingar borist, sem þú getur skoðað hér  og á tenglinum "Gagnagrunnur" á forsíðu "Lífið á Sigló" Skráðu þig

Fimmtudagur 10. febrúar 2005 Pokaþvottur, það er ekkert líkt með pokaþvotti og  "kisuþvotti" en þessir drengir vinna hjá Síldarvinnslunni á Siglufirði við að þvo og þurrka stóra mjölpoka. Ég leit þar við í gær (gamla ketilhús SR) og tók nokkrar myndir af drengjunum.

Fimmtudagur 10. febrúar 2005  Hressar konur. Þessar myndir voru teknar í kaffipásu í þvottahúsinu á Heilsugæslunni í gær, kona mín Guðný var þar í heimsókn og beið eftir því að ég kæmi til að sækja hana. Vinstri myndin: Birna Björnsdóttir - Guðný Ósk Friðriksdóttir, Gréta Jóhannsdóttir og Sigríður Björnsdóttir. Á hinni myndinni eru Sigríður Björnsdóttir og Gunnjóna Jónsdóttir ljósmóðir

Fimmtudagur 10. febrúar 2005 Ein gömul:  Svona "glæfrastökk" hafa krakkar og unglingar, ekki upplifað síðustu áratugina,sem var algengt hér áður fyrr. Þarna er stokkið framaf, og inn á Aðalgötuna af þaki Pósts og Síma, þann 11. mars 1966 er húsið var enn í smíðum, og nægur snjór til að sökkva á bólakaf við lendingu. Þetta var ekki uppmokaður haugur, heldur snjór eftir nokkurra daga norðan snjókomu.

Miðvikudagur 9. febrúar 2005 Opinn stjórnmálafundur Framsóknarmanna var haldinn í gærkveldi á Kaffi Torg. Frummælendur voru Valgerður Sverrisdóttir iðnaðar og viðskiptaráðherra og Birkir J Jónsson alþingismaður.
Fundurinn var fjölmennur, miðað við síðustu stjórnmálafundi sem hér hafa verið haldnir, eða á milli 70-80 manns. Fundurinn var fjörugur og málefnalegur, og óvenju margir fóru í ræðustól með fyrirspurnir, sem greiðlega var svarað. Fundinum lauk um 22:40.

Miðvikudagur 9. febrúar 2005  Varið ykkur, Lögreglan er á vaktinni sem endranær. Í gær stöðvaði lögreglan þennan bíl sem er fyrir framan lögreglubílinn á myndinni til vinstri. Sennilega fyrir of hraðan akstur. Það skiptir ekki máli hvort svo var eða ekki, en gott er að við vitum að þeir stöðva okkur ef við förum yfir hraðamörkin, það heldur aftur af okkur.
EN Lögreglan mætti gjarnan fara að kenna Siglfirðingum að leggja bílum sínum rétt og samkvæmt umferðalögum, ekki láta okkur komast upp með það að leggja einhvernvegin, af því að við nennum því ekki, og eða nennum ekki ganga nokkra "auka"metra,- og stundum jafnvel að loka  umferðinni, þannig að bílar þurfi að fara upp á gangstétt til að komast fram hjá, sérstaklega efst í Aðalgötunni og framan við verslanir yfirleitt. Þetta er sérlega áberandi með stóru jeppana. Einnig mætti lögreglan minna bíleigendur á, þegar þeir mæta "eineygðum" bílum, oft sömu bílunum viku eftir viku, að það sé ekki í lagi. Lögreglan gæti farið hægt í sakirnar, til dæmis með því að setja miða á "vinnukonur" viðkomandi bifreiða, sem fyrstu aðvörun um brot á umferðalögum. Myndin til hægri, var tekin í gær klukkan 16:28 er ég beið eftir konu minni inni á Efnalaug. Bíllinn merktur gulu doppunni á myndinni, varð að fara upp á gangstétt til að komast leiðar sinnar niður Aðalgötu. Fyrir aftan þann bíl er annar á gangstéttinni sjálfri og einnig ólöglegar bílastöður á götunni hinum megin. Gott dæmi um það  tillitsleysi sem hér ríkir, sem því miður er alltof algengt.       Efst á síðu

Miðvikudagur 9. febrúar 2005 Ein gömul:  Frá síðast félagsfundi Verkalýðsfélafsins Þróttar seinnipartinn í mars árið 1966 - Verkalýðsfélagið Vaka var stofnað í framhaldi af þessum fundi.
Á myndinni eru:
Ólína Hjálmarsdóttir, Jóhann G Möller og Óska Garibaldarson
Efst á síðu

Þriðjudagur 8. febrúar 2005  Kæru Siglfirðingar og aðrir sem hafa hjartað á réttum stað!  Þetta bréf er til ykkar komið, vegna þess að ég hef reynt að sækja um hjá Tryggingastofnun ríkisins, um nýtt þríhjól með hjálparmótor fyrir..............  Lestu hér
Efst á síðu

Þriðjudagur 8. febrúar 2005 Fréttatilkynning:  Félagsstofnun: Hollvinir Hólsdalsins! Kynningarfundur um stofnun félags til verndar Hólsdalnum og endurbóta á umhverfi Hólsár verður haldinn í fundarsal Bátahússins laugardaginn 12. febrúar kl. 13. Hvernig getum við bætt og fegrað dalinn svo hann nýtist sem flestum? Þetta mál snertir golfara, hestamenn, knattspyrnufólk, stangveiðimenn, göngufólk, skógræktarfólk og skíðamenn. Kynning á gömlum skipulagsteikningum og umræður.  Allir áhugamenn og hagsmunaaðilar hvattir til að mæta!  Undirbúningsnefnd.

Þriðjudagur 8. febrúar 2005 Fréttatilkynning: Spurningarkeppnin Gettu betur punktur is hefst föstudaginn 18. febrúar að Kaffi Torg. Dregið verður miðvikudaginn 16. febrúar. Skilafrestur fyrir skráningu þriðjudagurinn 15.febrúar.
Fyrirtæki, Saumaklúbbar, Rauðvínsklúbbar, Tipparar, Föndurhópar svo eitthvað sé talið upp.
Nú er bara að drífa sig og berja saman í lið. Því að númer 1,2,3 og það ert þú og ég sem ætlum að hafa gaman af þessu. A T H það verður frítt inn         Efst á síðu

Þriðjudagur 8. febrúar 2005 Danssýning var fyrir skólabörn klukkan 11:40 í dag -- Þetta var sýning þeirra sömu, sem sýna á sama stað klukkan 08:15 í kvöld í Íþróttahúsinu, auglýsingin hér Mikið fjör var og greinilegt að krakkarnir - sem og kennararnir höfðu gaman af. Ekki var þó nema ein stúlka sem hafði kjark til að dansa með, er krökkunum var boðið upp í dans. Dansparið sem sýnir eru Elísabet Sif Haraldsdóttir og Maxim Petrov.
En þau eru í "Topp 20" í heiminum í dag í Suðuramerískum dönsum.
Elísabet er Siglfirðingur, dóttir Haralds Erlendssonar (Ella Gústa)    Efst á síðu

Þriðjudagur 8. febrúar 2005 Grámáfur, held ég að þetta sé, þarna á leið til að hremma æti. Tekið í sólinni í gær eftir hádegið.


Efst á síðu

Mánudagur 7. febrúar 2005 Ný heimasíða: Heimasíða Siglóbarna hefur verið opnuð, tengillinn er hér  Sjón er sögu ríkari skelltu þér á síðuna og skoðaðu.

Mánudagur 7. febrúar 2005 Íþróttamaður ársins 2004 var kjörinn á vegum Kiwanis seinnipartinn í gær á Kaffi Torg. Auk þess voru heiðraðir ýmsir aðrir sem skarað höfðu fram úr á síðastliðnu ári í ýmsum íþróttum.
Nöfn vantar, einfaldlega vegna þess að ég þekki ekki nema lítinn hluta af fólkinu, auk þess sem ég hefi ekki listann yfir þá sem viðurkenningu fengu. Ef einhver nennir að skrá það miðað við númer myndanna í albúminu og þeirri stóru hér til vinstri og senda mér í tölvupósti, Þá er það vel þegið og ég kem því fyrir á viðkomandi stöðum við myndirnar.    Myndin hér til hliðar ("stóra myndin") er ekki í albúminu sjálfu, smelltu á myndina og  síðan á       Efst á síðu

Mánudagur 7. febrúar 2005  Ein gömul: 
Haraldur Þór Friðbergsson við rennibekkinn sinn á verkstæði Rauðku árið 1966.

Efst á síðu

Sunnudagur 6. febrúar 2005  Danssýning verður í Íþróttahúsinu næstkomandi þriðjudag klukka 20:15 - Gengið inn um suðurendann.
Smelltu hér til að lesa nánar


Efst á síðu

Sunnudagur 6. febrúar 2005  Ein gömul:  Jónmundur Hilmarsson - Tómas Hertervig - Þórhallur Þorláksson - Elías Þorvaldsson -- Guðmundur Þorláksson, Magðalena Jóhannesdóttir - Guðný Hilmarsdóttir og Marteinn Jóhannesson