Lífið í feb. 1-5 2005 | Lífið í feb. 6-12 2005 | Lífið í feb. 13-19 2005 | Lífið í feb.20-28 2005

>>>>>>>>>>> Lífið í feb. 1-5 2005

Laugardagur 5. febrúar 2005 Skíðasvæðið í Skarðsdal. Nægur snjór er þar nú sem hingað til frá því að svæðið var opnað. Hlákan í síðustu viku hafði lítil áhrif á svæðinu og nú er þar nýfallinn snjór síðan í gær- og um 3ja °C frost þar uppi í morgun og sunnan andvari. Sólin var að gægjast yfir fjallahringinn í morgun klukkan 10:40 er þessi mynd var tekin.

Laugardagur 5. febrúar 2005 Fundur með þingmönnum Frjálslynda flokksins var haldinn í gærkveldi í Allanum. Þar voru mættir Guðjón Arnar Kristjánsson sem var með framsögu á fundinum, og Sigurjón Þórðarson. Um 15-20 manns mættu á fundinn, sem var all fjörugur. Var látið vel af framsögu Guðjóns, sérstaklega fannst mér góðar hugmyndir hans um lagfæringar á sukkinu  í kring um kerfið um lífeyri aldraðra, þar sem þjóðinni er skipt í þrjá flokka; þá eignalausu, meðalríku og moldríku þar sem hinir fátækari búa við annað og verra kerfi en þeir ríku (undirstrikað, eru mín orð hér á síðunni) en um þetta fjallaði Guðjón meðal margs annars athygliverðs, en Sigurjón talaði að mestu um kódakerfið, fiskimælingar og vernd og sukkið þar í kring. 

Laugardagur 5. febrúar 2005 Í gær fór fram kynning á "nýrri tækni" á sviði sjónvarpa og tengdum tækjum hjá SR-Byggingavörur. En þar voru kynnt af tæknimanni frá Samsung Electronics ýmis búnaður til margmiðlunar sem fyrirtækið framleiðir. En nú árið 2005 er hafin samsvarandi bylting á sjónvarpsviðinu og var á sviði útvarpsins fyrir um 50 árum þegar "transistorarnir" byrjuðu fyrir alvöru að ryðja burtu radíólömpunum og minnka umfang og fyrirferð útvarpstækjanna, allt að því sem við þekkjum í dag; agnarsmá. Nú er það LCD og Plasmaskjáir sjónvarpanna sem koma í stað gömlu og níðþungu sjónvarpsmyndlampanna, sem smátt og smátt eru að hverfa af markaði. Sá sem veltir fyrir sjónvarpskaupum í dag ætti ekki að kaupa gömlu tæknina.

Laugardagur 5. febrúar 2005 Tveggja manna tal iðnaðarmanna, Birgir Guðlaugsson byggingameistari og Helgi Magnússon pípulagningarmeistari, fyrir frama Rafbæ, eftir hádegið í gær.

Föstudagur 4. febrúar 2005  Aðalgata 34 Siglufirði hefur til langs tíma verið þekktasta, og raunar eina skrifstofubyggingin hér, þar sem margar skrifstofur frá mörgum fyrirtækjum hafa verið til húsa í. Í dag eru skrifstofurnar ekki eins margar og á tímum Síldarævintýrsins, en fyrir utan Íslandabanka sem notar meirihluta skrifstofuhúsnæðisins í dag eru þar enn nokkur fyrirtæki með skrifstofur. Ég heimsótti nokkrar þeirra sem voru með opið í dag.
Starfsfólk Íslandbanka voru þó ekki með að þessu sinni.    

Föstudagur 4. febrúar 2005  Það snjóaði örlítið í nótt, götur voru auðar í gær, en mokaðar í morgun. Ekki vegna þess að þær væru ófærar, heldur vegna þess að bæjarkarlarnir eru vanir að gera "hreint fyrir sínum dyrum" og gera jafnt ökumönnum sem gangandi auðveldar að komast leiðar sinnar. Þarna er eitt tæki bæjarins við Hafnartún.

Föstudagur 4. febrúar 2005   Á DÖFINNI:   Söngtónleikunum sem áttu að vera í dag klukkan 18:00 - er frestað vegna veikinda.

Föstudagur 4. febrúar 2005 Ein gömul:  23. janúar 1966. Jarðýta bæjarins var notuð til að drag stórann sleða frá Hafnarbryggjunni, með mjólk og fleiri vörur sem komu til Kaupfélagsins og fleiri verslana, með Drang. En allar götur voru ófærar bílum. Jarðýtan sem notuð var við snjómokstur hafði ekki undan í stórhríðinni sem verið hafði síðustu dagana, auk þess sem ýtan var notuð sem dráttarvél með ýmsan varning hingað og þangað.   Efst á síðu

Fimmtudagur 3. febrúar 2005 Efnalaugin Lind ehf  - Opnaði aftur í gær, eftir að hafa flutt sig um set frá Lækjargötunni yfir í Aðalgötu 21, sem er talsvert stærra og þægilegra húsnæði, og ný uppgert. Þær stöllur, eigendurnir Lilja Ástvaldsdóttir og Ragna Hannesdóttir hafa einnig aukið við vélakost og aukið þjónustusvið sitt á ýmsan máta. Meðal annars hafa þær gert samning við Heilbrigðisstofnun Siglufjarðar um allan þvott frá stofnunni, sem þær munu sinna frá og með miðjum þessa mánaðar.         Efst á síðu

Fimmtudagur 3. febrúar 2005  Ein gömul: Hrafnhildur Stefánsdóttir, Elín Gestsdóttir og Birgir Björnsson. Þarna stödd við vígslu nýs frystihúss Þormóðs Ramma árið 1975

Efst á síðu

Fimmtudagur 3. febrúar 2005
Hafsteinn Hólm Þorleifsson
er 70 ára í dag

Miðvikudagur 2. febrúar 2005 Úthlutun byggðakvóta á Siglufirði 2005.   Bæjarstjórn Siglufjarðar auglýsir eftir umsóknum um byggðakvóta á Siglufirði fiskveiðiárið 2004/2005.    Nánar um það hér
 Efst á síðu

Miðvikudagur 2. febrúar 2005
Viktor Daði Sævaldsson
er 8 ára í dag
Hann heldur með Man United og er því í tvöfalt góðu skapi í dag!                Efst á síðu

Þriðjudagur 1. febrúar 2005 Ný talstöð í Slysavarnarskýlið í Héðinsfirði var afhent síðastliðinn laugardag í Stjórnstöð Björgunarsveitarinnar Strákar á Siglufirði. Þetta er fullkomin neyðartalstöð, með sólarrafhlöðubúnaði til hleðslu orkugjafans, innbyggðri rafhlöðu. -
Þetta er dýr búnaður, en Ljósmyndavöruverslunin BECO  og Radíóþjónusta Sigga Harðar  gáfu stóran hluta andvirðis búnaðarins. Ég tók nokkrar myndir við þetta tækifæri, ásamt myndum tengdum skyndihjálparnámskeiði sem stóð yfir hjá sveitinni, á "sama" tíma.                                                  Efst á síðu

Þriðjudagur 1. febrúar 2005 Skyndihjálparnámskeið, sem Elín Arnardóttir sá um.
Myndir voru teknar  við þetta tækifæri, jafnhliða afhendingu talstöðvabúnaðar. 

                                  Efst á síðu

Þriðjudagur 1. febrúar 2005  Slysavarnarskýlið í Héðinsfirði . - Í tengslum við frásögninni hér fyrir ofan af "Björgunarsveitinni" þá er hér myndasería frá árinu 1966, þegar Slysavarnarskýlið í Héðinsfirði var reist.

                                  Efst á síðu

Þriðjudagur 1. febrúar 2005 Ein gömul:
Ómar Hauksson bókari - Viðar Ottesen hótelstjóri  - Ólafur Jóhannsson lögregluþjónn.  Á hvað ætli þeir séu að horfa? (ég veit það)
(Ómar gefur mér að vísu hornauga)
Efst á síðu