Lífið í apríl 1-9 2005 | Lífið í apríl 10-16 2005 | Lífið í apríl 17-23 2005 | Lífið í apríl 24-30 2005

>>>>>>>>>>> Lífið í apríl 24-30 2005

Laugardagur 30. apríl 2005  Vorsýning Grunnskólakrakka opnaði klukkan 13:00 í skólahúsinu, ég mætti þar og tók nokkrar myndir sem erfitt var að velja, þar sem hugmyndaflug krakkanna er mikið.
Myndaalbúm með sýnishorni á því sem þar var að sjá í dag koma á morgun.

Laugardagur 30. apríl 2005 Karlakórinn Jökull frá Hornafirði ásamt fylgdarliði  heimsótti Síldarminjasafnið og þáði léttar veitingar í boði Karlakórs Siglufjarðar í hádeginu í dag. Ég tók slatta af myndum þar, sem því miður verða að bíða birtingar í albúmi þar til á morgun, en ég þarf að koma sinna öðrum verkefnum í dag sem tekur tíma.- Karlakórinn Jökull verður með tónleika í kirkjunni klukkan 17:00 í dag

Laugardagur 30. apríl 2005 Aðsent:  Þarna er stoltur drengur með nýjan farskjóta. Skyldi hann ætla að hjóla í vinnuna? (2-13 maí)
Þórhallur Daníelsson alltaf klár í slaginn.

ÓBE

Laugardagur 30. apríl 2005 Tvær gamlar:
Systurnar Rannveig Sveinsdóttir og Sigurlaug Sveinsdóttir (Silla) Núverandi hús Kára Jóns í bakgrunni. Myndin af manni, í fjörunni við Sörbukten á Jan Mayen árið 1968, með 100 kg. drumb í fanginu, Sigurður Jónsson tók við af tveim félögum sínum sem höfðu borið drumbinn á milli sín, en gáfust upp eftir 50 metra puð, en hann tók við og bar hann restina; 50 metra til viðbótar. Þannig fékk hann nafnbótina Siggi drumbur (um borð í Haferninum). Sjálft ævintýrið og tilefni þessa verknaðar, er svo önnur og löng saga sem ekki verður sögð hér.

Föstudagur 29. apríl 2005 Aðsent:
Þessi æðarkóngur er búinn að vera í Siglufjarðarhöfn í okkar daga.
Myndin tekin fyrr í dag af Hafnarbryggju. Æðarbliki fjær til samanburðar.
Kveðja.  SÆ
 

Föstudagur 29. apríl 2005 "Pokaönd", Það er blómlegt fuglalíf í firðinum okkar nú á vordögum, og nægt augnayndi fyrir fuglaskoðara.
En fuglinn á myndinni er Æðarkolla eins og eflaust allir vita, en sagan um "pokaöndina" er eftirfarandi : Ónefnt yfirvald hér á Siglufirði á fyrri hluta 20.aldar, þótti æðarfugl góður matur. En æðarfuglinn var friðaður eins og er í dag, þannig að þeir sem útveguðu yfirvaldinu hnossgætið urða að koma með fuglinn í strigapoka, og þaðan kemur nafnið: "Pokaönd".   svennith@simnet.is

Föstudagur 29. apríl 2005 Aðsent:
Hólminn í Langeyrartjörn og endinn á Stóra Bola virkar eins og eldfjall í bakgrunni.

ÓBE

Fimmtudagur 28. apríl 2005  Karlakórinn Jökull frá Hornafirði heldur tónleika í Siglufjarðarkirkju á laugardaginn 30. apríl klukkan 17:00 --- Stjórnandi: Jóhann Moráveg -- undirleikari: Guðlaug Hesrnes og Einsöngvari: Erlingur Arason.

Fimmtudagur 28. apríl 2005 Þáttakan hjá Heilbrigðisstofnuninni Siglufirði í ártakinu "Hjólað í vinnuna" er komin upp í 57%

Fimmtudagur 28. apríl 2005 Vorsýning / afrakstur vetrarins hefur staðið yfir síðustu tvo daga og líkur í dag á (15:00-16:00) En á þessa uppákomu er foreldrum og aðstandendum barna sem verið hafa á Leikskálum í vetur boðið. --  Ýmsar uppákomur og leikir af hálfu krakkanna koma gestum fyrir sjónir, og hefur verið boðið er upp á kaffi og meðlæti að auki.  -- Ég leit þar við í gær og tók slatta af myndum, sem ég ætlaði að velja úr, en gafst upp við það, svo ég skellti bara ÖLLUM myndunum sem ég tók, í   Vorsýning

Fimmtudagur 28. apríl 2005 Glæpamenn ? Stórt er spurt, en að gefnu tilefni; þegar alþingismenn skammta sjálfum sér og starfsfélögum góð aukalaunum í formi "ellilauna" svo milljónum skiptir úr sjóðum almennings. Halda þessir menn að þeir eigi skilið einhver sérréttindi, eins og að geta bæði verið á góðum launum í fullri vinnu og einnig ÓSKERTUM lífeyri á sama tíma? Ef hinn almenni borgari, meðal annarra ég sem kominn er á ellilaunaaldur, fæ "sæmilegan"  lífeyrir frá almennum lífeyrisjóði, þá skerðist greiðsla frá lífeyristryggingu verulega, tryggingarstofnun sem ég hefi greitt til frá 16 ára aldri. Og ef ég, eins aðrir sem fá þessa hungurlús í formi lífeyristekna hafa þrek, vilja og getu til að næla sér í nokkrar krónur með launaðri vinnu, ÞÁ SKERÐAST ÞESSAR TRYGGINGABÆTUR EN MEIRA, viðbótar skattinum sem greiða þarf af þessari hungurlús. Ef þetta er ekki glæpur, þá eru þingmennirnir væntanlega  ekki heldur glæpamenn, því þeir setja jú lögin sem heimila alla þessa vitleysu. Eða er það?  SK

Fimmtudagur 28. apríl 2005 Ein gömul: Svona litu húsin út við Túngötuna árið 1968 - áður en malbikað var.
Nýmáluð húsin eins og þetta sem málað hafði verið einn góðviðrisdag, varð eins og sést á myndinni næsta rigningardag.
 

Miðvikudagur 27. apríl 2005  Áskorun til allra fyrirtækja og stofnana á Siglufirði að taka þátt í átakinu á vegum ÍSÍ  

Heilbrigðisstofnunin Siglufirði er komin á skrá nú þegar með 2 lið –

Er enn von á einu…?
 

Miðvikudagur 27. apríl 2005
Bílskúrinn sem Gummi Einars er að láta reisa sunnan við hús sitt er kominn á skrið, en fyrsta steypan,- í súlurnar fór fram í gær.

svennith@simnet.is

Þriðjudagur 26. apríl 2005  Ég heimsótti meinatæknana á Heilsugæslustöðinni í morgun, þar voru að venju María Jóhannsdóttir og Björg Friðriksdóttir. Erindið var að láta þær taka úr mér blóðsýni og taka hjartalínurit og fleira í pakka sem kallað er "alsherjatjakk" (?) Ég er í eðli mínu mjög hræddur við nálar og forðast að horfa á slíkt, meir að segja þegar það ber við í sjónvarpi, en þetta verður að gerast annað slagið svo maður lætur sig hafa það og reynir að bera sig "karlmannlega" Ég hafði farið til Andrésar Magnússonar yfirlæknis í gær, sem mældi blóðþrýsting og fleira, þar fékk ég að vita að blóðþrýstingurinn hjá mér og fleira væri í samræmi við það sem teldist eðlilegt hjá rúmlega fertugum karlmanni, svo ég fór til þeirra vinkvenna með dálítilli reisn.
Ég tók sjálfur myndir hjá stelpunum, auk þess sem María tók myndavélina mína og tók á hana myndir =   Meinatækni

Þriðjudagur 26. apríl 2005  Söngvaþáttur á Danska TV2
VOKSENSANG (16 ÅR OG OP)...  "Scenen er din"
Vi leverer live musik - du leverer stemmen!  --  Hvis du kan synge, og har lyst til at fortolke et hit på scenen, så er det her din chance for at vise publikum, dommerne og hele landet hvad du kan.

Eva Karlotta Einarsdottir  25-årige Eva Karlotta Einarsdottir er - som navnet antyder - oprindelig fra Island, men bor nu i Jelling med sin kæreste. Eva optrådte første gang som 6-årige ved et bryllup i Norge - hvilket var en overraskelse for alle, inklusiv hende selv! Siden har hun blandt andet gået på skuespillerskole og spiller musik så ofte hun kan komme til det. Inspirationen henter hun hos kvinder, der ved, hvad de vil - fx Tina Turner, Joni Mithcell, Tori Amos og Bjørk - og at Eva også ved det, kommer hele Danmark nu til at mærke, når hun går på scenen og synger 'Bitch'!     Foto: Jakob Mydtskov / TV 2 Danmörk   (Eva er frá Sigló - ég vona að flestir lesi Dönsku)

Mánudagur 25. apríl 2005
Þessar myndir voru tekið í kirkjunni í gærkveldi þar sem æraleysismessa var. Þar var slatti af fólki en ég er ekki með tölu yfir fjöldann, en mikið var sungið undir stjórn Stúlla og Steina nú svo söng kvennakórinn þar sem hann var að æfa sig fyrir kóramót næstu helgi en nú verður það  Hafnarfirði.      kveðja Hrönn Einars

Mánudagur 25. apríl 2005 Jón Óðinn Reynisson var á ferð um Blönduós síðastliðiðið föstudagskvöld og tók þessa fallegu sólarlagsmynd. Honum fannst myndin góð og vildi lofa fleirum að njóta njóta hennar.

 

Mánudagur 25. apríl 2005 Þetta fékk ég sent um Jaðrakann sem ég tók mynd af um daginn, hann var hér síðast árið 2000 og þá sá Biggi sem var með hótelið hann hérna í Siglufirði. Upplýsingarnar eru flókna, en þær eru HÉR
svennith@simnet.is

Mánudagur 25. apríl 2005 Ein gömul:  --- Síldarsöltun um borð í Haferninum á Jan Mayen miðum , sumarið 1968 --- Salmann Kristjánsson háseti - Guðmundur Arason 1. stýrimaður - aðeins sést í Sigurjón Kjartansson háseta - og baksvipurinn á Ægi Björnssyni bátsmanni. En alls voru saltaðar þarna um borð rúmlega 400 tunnur af úrvals síld, en hráefnið gat ekki verið ferskara. Enda besta síldin sem Sigló-Síld hafði fengið til gaffalbitaframleiðslu frá upphafi; sagði Þóroddur Guðmundsson síldarsaltandi, með fleiru. --  Meira um þetta HÉR

Sunnudagur 24. apríl 2005

svennith@simnet.is

Sunnudagur 24. apríl 2005 Keppendur og gestir á Íslandsmóti Garpa í sundi, heimsóttu Síldarminjasafnið í gærkveldi í boði Bæjarstjórnar Siglufjarðar, þar var einnig fréttaritari "Lífið á Sigló" svennith@simnet.is og tók hann nokkrar myndir við það tækifæri, sem þú sérð ef þú smellir á:
Garparnir.

Sunnudagur 24. apríl 2005 Aðsent: Fjallganga upp á Hafnarfjall. Þarna horfir ljósmyndarinn; Óskar Berg Elefsen norður eftir Hafnarfjallshryggnum.

Fleiri myndir sem teknar voru  fyrir hádegið í gær:
  Hafnarfjall

Sunnudagur 24. apríl 2005  Aðsent:
Í marsmánuði fögnuðu Kittý Gull og Óttar Gull 100 ára sameiginlegu afmæli með mikilli gleði ásamt sínum nánustu í Víkingsheimilinu í Reykjavík. --  Kittý varð 60 ára 28. mars. en Óttar varð 40 ára þann 20. mars. Sjá mynd af afmælisbörnunum (vinstri myndin) 
Kittý Gull í kvikmyndabransanum: Þessa mynd fékk ég senda af Kittý ásamt leikaranum Ron Pearlman, en myndin var tekin á veitingastað í Reykjavík þar sem Kittý var úti að borða ásamt sonum sínum á sjálfan afmælisdaginn. Leikarinn kom yfir til þeirra þar sem hann þekkti strákana hennar Kittýjar en þeir hafa veriðað vinna vinna við kvikmyndina sem leikarinn var að leika í, en myndin heitir Cold Water og er hrollvekja. -- Leikarin ásamt fríðu föruneyti, leikstjóra og öðrum leikurum söng afmælissönginn fyrir Kittý á veitingastaðnum.  kv;  Erla Gull.

Sunnudagur 24. apríl 2005  Aðsent:
Fleiri myndir frá ferðalagi eldra fólksins til Hveragerðis.

Ljósmyndir Hreinn Magnússon     Hótel Örk II

Sunnudagur 24. apríl 2005 Þessar myndir voru teknar í gærmorgun inn í firði, Sigurður prestur segir að þetta sé Jaðrakan.
En ef vel er gáð, þá eru fimm merki á fótum fuglsins sem fuglafræðingar hafa merkt, og geta lesið upplýsingar varðandi þennan tiltekna einstakling.
svennith@simnet.is

Sunnudagur 24. apríl 2005  Ein gömul:  Horfin hús við Snorragötu -- Snorragötu sem einnig er horfin.

Myndin er tekin í september 1968