Lífið í maí 1-7 2005 | Lífið í maí 8-14 2005 | Lífið í maí 15-31 2005

>>>>>>>>>>> Lífið í maí 1-7 2005

Laugardagur 7. maí 2005  Ég er kominn heim - aðeins fyrr en ég ætlaði. Hér fyrir neðan er efni sem beið komu minnar.

Föstudagur 6. maí 2005 Nú á næstunni verður gamla Herhúsið í nýjum búningi vígt sem gestavinnustaður fyrir listamenn. Ætlunin er að hafa þar svolitla frásögn um hjálpræðishersstarfið í 65 ár. Stjórn Herhúsfélagsins auglýsir eftir gömlum ljósmyndum sem tengjast þessari sögu. Þeir sem kunna að eiga myndir og vilja lána þær eða gefa Herhúsinu eru vinsamlega beðnir að snúa sér til formanns félagsins Brynju Baldursdóttur í síma 8676928 brynjabald@simnet.is  eða Örlyg í síma 8631605 infosiglo@simnet.is.  Meðfylgjandi ljósmyndin sýnir Birgi Ingimarsson trésmið að störfum við Herhúsið fyrir tveimur árum. Birgir er starfsmaður Ólafs H. Kárasonar byggingameistara sem hefur annast viðgerð hússins.

Fimmtudagur 5. maí 2005 Starfslið Heilbrigðisstofnunarinnar á Siglufirði.
Búið var að biðja mig (SK) að taka þessa mynd, en þar sem ég var fjarverandi þá lenti  það á séra Sigurði Ægisyni Ég hafði hugsað mér að birta einnig nöfnin viðkomandi, en væntanlega koma nöfnin síðar.

Fimmtudagur 5. maí 2005 Nú eru alls fimm álftir á Siglufirði, þrjár á Langeyrartjörninni og tvær á grasvellinum við Hól. Myndin er af annarri þar, tekin í dag.   Kveðja. SÆ

Fimmtudagur 5. maí 2005 Dagur aldraða var í dag, - Ég skellti mér í kirkju og tók þessar myndir en ekki voru margir sem mættur. Styðjum aldraða og mætum í kirkju framvegis. Hrönn.  hronneinars@simnet.is

Miðvikudagur 4. maí 2005 Smá frí Ég fer í smáfrí í dag, kem til baka væntanlega, næstkomandi sunnudag (mánudag)- Síða mín verður því ekki uppfærð á þeim tíma. En það efni sem kann að berast á meðan ég er fjarverandi, verður sett inn þegar ég kem úr fríinu.

Miðvikudagur 4. maí 2005 Ekki veit ég hver tilgangur "húsbíla manna" er, en ég fékk ábendingu um könnun sem fram fer á vef þeirra www.husbilar.is  -  um viðhorf landsmanna vegna Héðinsfjarðarganga. En svona til skoðunar þá nefni ég þetta hér til fróðleiks.

Miðvikudagur 4. maí 2005 Ein gömul:
Dekkliðið á Haferninum, á leið til Hollands í desembermánuði 1968.  Talið frá vinstri ofanfrá: Sigurður Jónsson háseti - Steingrímur Kristinsson timburmaður - Gunnar Tómasson háseti - Sigurjón Kjartansson háseti - Birgir Þórbjarnarson stýrimaður - Ægir Björnsson bátsmaður og Guðmundur Björnsson dælumaður. 

Þriðjudagur 3. maí 2005  Þær virðast vera ástfangnar þessar Turtildúfur, sem Sveinn Þorsteinsson náði á myndavélina sína  klukkan 16:52 í gær, á flötinni framan við Síldarminjasafnið, þar sem þær halda oftast til, í leit að fæðu, annað hvort frá Hafsteini, starfsmönnum safnsins og fleirum sem rétta að þeim mola.         svennith@simnet.is

Mánudagur 2. maí 2005 --- 1. maí í Bátahúsi Síldarminjasafnsins. Hátíðisdagur verkalýðsins var haldinn að þessu sinni í Bátahúsinu í gær. Þar var komið saman talsvert fjölmenni, þar sem fram fór fjölbreyttri dagskrá, auk hinnar hefðbundnu hátíðarræðu sem Signý Jóhannsdóttir hélt. Ég var á vettvangi tog tók nokkrar myndir sem þú sérð með því að smella á VAKA

Mánudagur 2. maí 2005 Tvær gamlar:
Sölvahúsið, löngu horfið og Hólakot sem stendur enn, fjær á myndinni til vinstri, þar í bak lýsistankar SR, sem einnig eru horfnir.
Og Bátahöfnin á myndinni til hægri.
Báðar myndirnar eru teknar árið 1968

Sunnudagur 1. maí 2005  Aðsent: Þessa tvo ferðalanga rak upp á fjörurnar hér í Osló. Siglfirðingurinn í mér bauð mér að senda ykkur frétt. Auðvitað voru þessir heiðursmenn að bera hróður Siglufjaðrar til frænda vorra Norðmanna. Saman fóru þeir með lest til Þrándheims með viðkomu á Litlahamri. Erindið var að skoða tónlistarsöfn. Gunnsteinn brá sér síðan til Voss í nágrenni Björgvinjar og flutti Vossingum erindi og síðan hélt hann til Oslóar og hélt erindi á málþingi á Háskólanum í Osló. Örlygur hélt aftur á móti til Stafangurs á ráðstefnu og hélt erindi um síldina og söguna og safnið.
Það er gaman að vita af slíkum fulltrúum Siglufjarðar á ferð.
- Albert Einarsson

Sunnudagur 1. maí 2005  Dagur verkalýðsins er í dag.
Verkalýðsfélagið Vaka verður baráttufund í Bátahúsinu í dag þar sem ýmisar uppákomur verða: Hljóðfæraleikur nemanda Tónskólans - Trúbador söngur Þórarins - Karlakórinn ofl. auk hefðbundinnar dagskrár, og gestum verður boðið upp á kaffi og meðlæti í tilefni dagsins.
Meðfylgjandi ljósmynd sýnir síldarstúlkur á söltunarstöð Kristins Halldórssonar (?) hér áður fyrr:
Ókunnur ljósmyndari.      Til hamingju með daginn.

Sunnudagur 1. maí 2005 Vorsýning Grunnskóla Siglufjarðar á ýmsum verkum nemanda var í gær - og smellirðu á Vorsýning Gru.. þá sérðu sýnishorn af því sem krakkarnir hafa verið að gera í vetur, allt frá teikningum saumaskap, smíði, og til rafeindatækja.

Sunnudagur 1. maí 2005 Karlakórinn Jökull Hornafirði, hélt tónleika í Siglufjarðarkirkju í gær klukkan 17:00 -- þá heimsóttu kórfélagar og fylgdarlið Síldarminja safnið í hádeginu á gær eins og sagt var fá hér í gær, laugardag.
Þar tók ég myndir sem þú sérð hér í Karlakórinn Jökull -- En myndin hér til hliðar sýnir kórinn í Siglufjarðarkirkju í gær. Einnig tóku þeir lagið saman Karlakórinn Jökull og félagar úr Karlakór Siglufjarðar, á tónleikunum.

Sunnudagur 1. maí 2005 Nýtt á síðunni:  einnig verður "sami" tengill efst á síðum dagsins:   Umræðuvettvangur - Þar geta þeir sem heimsækja "Lífið á Sigló" tjáð skoðanir sínar, annað hvort á því sem efst er á baugi á hverjum tíma eða öðru sem þeim liggur á hjarta...., þeim málum sem tengjast okkur Siglfirðingum beint eða óbeint.

Sunnudagur 1. maí 2005  Tilgangurinn er HÓPMYNDATÖKUR til birtingar á síðum “Lífið á Sigló” - þetta væri viðkomandi...............  Lesið meira; neðst á síðunni: 

Sunnudagur 1. maí 2005  Tvær gamlar: Sundlaugin Siglufirði, mér er sagt að þetta muni vera Helena Guðlaugs sem er á svifinu á mynd til vinstri, en það gæti þó verið Regína systir hennar(?)
Hin myndin er eldri (1935 ?), og er af systrunum Rannveigu Sveinsdóttur og Sigurlaugu Sveinsdóttir (Sillu) , en bakgrunnurinn er kunnuglegur, þar sem núverandi hús Kidda G. er í smíðum.