Slys við strákagöng | Bland frétta | Badmintonmót | Skarðsmótið 1976 | Loðnufréttir | Hitaveitan | Fjör í tuskunum | Ádeila og svar

>>>>>>>>>>> Skarðsmótið 1976

Miðvikudagur 9. júní 1976  

Fréttin Mbl. Ljósmyndir Kristinn Steingrímsson

Steinunn í sérflokki stúlknanna á Skarðsmótinu, en piltarnir  deildu með sér verðlaununum

Þær röðuðu sér í efstu sætin á Skarðsmótinu, Kristín Úlfsdóttir Steinunn Sæmundsdóttir og Aldís Arnardóttir.

STEINUNN Sæmundsdóttir var í sérflokki kvennanna, sem mættu til leiks á  Skarðsmóti á skíðum sem fram fór i Siglufirði um helgina. Sigraði Steinunn bæði í  svigi og stórsvigi og hafði yfirburði i báðum greinunum.

Í stórsvigi karla má segja að  allt hafi farið eftir bókinni þar sem Ólympíufararnir Sigurður Haukur og Árni röðuðu  sér i efstu sætin.

Í svigi karla var það hins vegar sá “gamli" kappi Hafsteinn  Sigurðsson, sem skaut þeim yngri aftur fyrir sig og fékk fjórum sekúndum betri tíma  en næsti maður, sem var Austfirðingurinn Valþór Þorgeirsson. 1 sviginu voru þeir  ýmist dæmdir úr leik eða urðu að hætta keppni Árni, Tómas, Karl, Haukur og  Sigurður.

Hafsteinn sigraði einnig í alpatvíkeppni karla.

Þeir stóðu sig best í stórsvigi Skarðsmótsins og á skíðamótum vetrarins í heild. Árni  Óðinsson. Sigurður Jónsson og Haukur Jóhannsson.

Veður var gott til keppni á laugardaginn, en á sunnudaginn var hins vegar erfiðara  þar sem bæði þoka og rok hrjáðu skíðamennina. Þeir létu veðrið þó ekki aftra sér  en áttu með sér hörkukeppni í knattspyrnu að mótinu loknu að hefðbundnum sið.  Sigruðu heimamenn, en þó ekki fyrr en að lokinni vitaspyrnu.

Skarðsmótið var um leið og það var síðasta skíðamót keppnistímabilsins, nokkurs  konar uppskeruhátíð og voru þeim einstaklingum sem best stóðu sig á mótum  vetrarins afhent sérstök verðlaun.

Steinunn Sæmundsdóttir sigraði í kvennaflokki á  undan þeim Margréti Baldvinsdóttur og Jórunni Viggósdóttur, en hvorug þeirra var  meðal keppenda á Skarðsmótinu.

Í karlaflokki sigraði Haukur Jóhannsson, Arni  Óðinsson var annar og Sigurður Jónsson í þriðja sæti.

Helstu úrslit á Skarðsmótinu urðu sem hér segir: