| Rauðka komin yfir 100 þús. Siglufirði, 28. ágúst.
Síldarverksmiðjan Rauðka hefur nú tekið á móti rúmlega 100 þúsund málum í sumar. Í fyrra tók Rauðka á móti 63 þúsund málum.
Rauðka er komin til ára sinna; er ein elsta síldarverksmiðja hér á landi. Hún var byggð árið 1913 og endurbyggð árið 1944. Nafn sitt hlaut hún af litum á verksmiðjuhúsunum. Reykháfurinn á Rauðku er kominn að falli, eins og sjá má á meðfylgjandi mynd. Þetta er reykháfur frá katli verksmiðjunnar og er ekki bráðungur lengur.
Þegar vel er kynnt, rýkur næstum eins mikið út um hliðarglufur og reykopið að ofan.
Nú er ætlunin að gera reykháfnum til góða. Í haust er hugmyndin að fóðra hann með járnbentri steinsteypu, svo að reykurinn geti farið beint upp um reykopið.
|
