Lífið í júlí 1-10 2004 | Lífið í júlí 11-17 2004 | Lífið í júlí 18-24 2004 | Lífið í júlí 25-31 2004

>>>>>>>>>>> Lífið í júlí 18-24 2004

Laugardagur 24. júlí 2004 Nýr geisladiskur, sem vert er að eignast. Vinur minn Leó R Ólason færði mér að gjöf athygliverðan geisladisk með lögum sem allir kannast við, bæði ungir og gamlir. Flytjendur laga og texta eru flestir af Siglfirsku bergi brotnir. Diskurinn ber nafnið Svona var á Sigló. Skip og bátar-bryggjur og plön. Dreifingaraðilinn er Smekkleysa og útgefandi Laugarásvideo, - En Leó er anar eigandi þess fyrirtækis. Það þarf vart að kynna Leó fyrir Siglfirðingum, hann þekkja flestir, bæði hvað músík snertir og brennandi áhugi hans á myndböndum og leigu, allt frá upphafi þeirrar menningar. Smelltu hér til að lesa meira um diskinn, sem ma. fæst hjá Síldarminjasafninu.

Laugardagur 24. júlí 2004 Um klukkan 17:00  fékk Björgunarsveitin Strákar veglega gjöf frá hjónunum Baldvin Einarssyni og Ingibjörgu Sigurjónsdóttir. Þetta var vönduð Canon video tökuvél og ýmsir aukahlutir.  Þetta er ekki í fyrsta sinn sem hjónin færa Björgunarsveitinni gjafir, en áður hafa þau gefið ýmsan sérhæfðan búnað sem að gagni hefur komið í björgunarbátnum Sigurvin. Það sem telja má merkilegt við gefendur, er að þau eru ekki Siglfirðingar, en Baldvin sagði aðspurður, að það væri svo margt sem Siglufjörður heillaði þau með, að þau festu kaup á húsi hér í bæ á síðastliðnu ári, Suðurgata 30, og vinna nú að endurbótum á húsinu.   Hjónin eru eigendur Beco Ljósmyndaþjónustu.

Laugardagur 24. júlí 2004 Hin hefðbundna sýning Síldarminjasafnsins, söltun, söngur og dans með þátttöku áhorfenda fór fram upp úr kl.20:30 í gærkveldi. Talsverður fjöldi var viðstaddur sem og notað tækifærið og skoðaði öll safnhúsin, en aðgangur var ókeypis í tilefni afmælisins.Þá eru hér einnig nokkrar myndi frá Torginu milli klukkan 22:00 - 22:30 en þar var að hefjast útdansleikur með Miðaldamönnum.

Laugardagur 24. júlí 2004  Sjáfarútvegsráðherra Noregs, hélt veislu í tilefni afmælisins á Kaffi Torg í gærkveldi, ég gerðist "boðflenna" og tók þar nokkrar myndir áður en borðhald hófst.

Laugardagur 24. júlí 2004 Sýningar.  Margar sýningar eru nú í gangi um þessa og næstu helgi. Málverkasýningar, klippimyndir, ljósmyndir á Kaffi Torg, skipslíkön Gríms Karssonar- og svo auðvitað sýningar Síldarminjasafnsins. Ég leit inn á nokkrar þeirra í gær og smellti á myndum. Smelltu á myndina til að skoða

Laugardagur 24. júlí 2004

Gistiheimilið Hvanneyri.

Þangað leit ég inn í gær, í þeim tilgangi að skoða málverkin hennar Höllu Haralds, sem þar voru - Það er nokkuð langt síðan ég hafði komið inn í þessi húsakynni, og ég verð að játa að mér varð orðfall yfir þeim glæsileik sem þarna blasir við manni hvarvetna á þessu gistiheimili, sem mér finnst í raun eiga fullan rétt á að kallast glæsihótel - reglugerðarpúkarnir etv. Evrópustaðlar segja að það megi ekki, af því að ekki fylgi hverju herbergi snyrting og sturtuklefi. Þarna eru 1. flokks gistiaðstaða boðlegum hverjum sem er og búin fallegum og vönduðum húsgögnum. Mjög íburðarmikil setustofa og önnur aðstaða. Þá er  einnig góð aðstaða fyrir svefnpokapláss. Meðfylgjandi myndir: HÓTELstýran  Álfhildur Stefánsdóttir, og inni í einu af herbergjunum, það er stærsta herbergið, en önnur herbergi minni en eru með svipuð húsgögn. Í þessu herbergi munu forsetahjónin gista aðfaranótt dagsins í dag, laugardag.

Föstudagur 23. júlí 2004  Talsverður fjöldi var kominn saman á Torginu í dag klukkan 16:00 þegar þessi mynd var tekin, en Sparisjóðurinn og Íslandsbanki buðu upp á grillaðar pylsur og drykki. Margir tignir gestir voru mættir auk annarra gesta. Deginum verður gerð frekari skil með myndum á morgun, en mikið er framundan í kvöld, svo efni dagsins verður að bíða.

Föstudagur 23. júlí 2004 Það má segja, að hótíðarhöldin þessa helgi í tilefni af 100 ára afmæli Síldarævintýrsins hafi hafist með því að Norski þjóðfáninn var dregin að hún á á stalli rústa  Evangers verksmiðjunnar handan fjarðarins- þó svo að ekki hafi komið þar nærri opinberir aðilar. Það var í upphafi vegna komu Norska prinsins fyrr í sumar sem fánanum var fyrst flaggað á þessum stað, en Valgeir Sigurðsson hafði verið staddur í Svíþjóð er hann las um væntanlega ferð prinsins til Siglufjarðar. Hann keypti sér Norskan fána (3ja metra) fór heim á Sigló, bjó til flotta fánastöng úr gömlum ljósastaur reisti hana á einum stallinum sem eftir er af gömlu verksmiðjunni og flaggaði. Hann ætlaði að gera meira, hann ætlaði einnig að hleypa af 21 fallbyssuskoti til heiðurs þjóðhöfðingjanum, eins og venja er erlendis, hann bar þetta undir sýslumanninn sem hafnaði því algjörlega, svo fáninn var látinn nægja. Og nú aftur í tilefni heimsóknar Norðmanna og 100 ára afmælishátíðar, fór hann ásamt bróður símum Hafsteini og dró Norska fánann áð hún kl. 11:45 í dag.  

Föstudagur 23. júlí 2004 Flugferð. Ég var svo heppinn í gær um kaffileitið að fá tækifæri til að fljúga yfir bæinn og nágrenni fjarðarins. Flugmaðurinn var Hafsteinn Linnet og flugvélinni hans. Var flogið út fjörðinn, yfir Siglunes og yfir í Héðinsfjörð og aftur til baka. Flugferðin tók um hálftíma og skilaði rúmlega 100 ljósmyndum. Það eina sem skyggði á flugið var að nokkuð mistur var yfir sjálfum bænum (hitamistur?) En árangurinn má teljast góður þrátt fyrir það. Það var Hjalti Einarsson sem bauð mér í þessa flugferð nú í sumar, fyrir tæpu ári síðan og staðfesti hann það í gær, - kærar þakkir.

Föstudagur 23. júlí 2004  Siglunes, hefur verulega rýrnað um mittið mætti segja. Það væri slæmt ef brimið héldi áfram óáreitt að saxa í það- þar til brimið fengi greiðari leið inn á fjörðinn og þar af leiðandi valda óróa innar í firðinum, meiri en nú er þegar Kári og Ægir eru í sínum versta ham.

Föstudagur 23. júlí 2004  Héðinsfjörður. Það var talsverð umferð um og í Héðinsfirði í gær. Hópar fólks í göngutúrum, slappað af í sólinni og logninu- svo og voru veiðimenn að vitja um silunganetin sín- en á myndinni má sjá þrjú net í vatninu. (hægra megin við +)

Föstudagur 23. júlí 2004  Aðsendar myndir:  Síðasta loðnan að landi? - Síðasta löndunin? Síðasti mjölpokinn á leiðinni? - En ef til vill eiga einhverjir Norskir báta eftir að koma með slatta, en flest ef ekki öll loðnuskipin eru að huga að því að hætta vegna tregs afla.?

Föstudagur 23. júlí 2004  Ein gömul: Ég veit,...  að það var skíðamót- og að það var vonskuveður.  En hver þekkir þessa kappbúnu? (líklega 1964-1965)

Fimmtudagur 22. júlí 2004 Reiðskóli GLÆSIS er nú þessa dagana með námskeið í hestamennsku, fyrir byrjendur og lengra komna. Leiðbeinandi er Jón Garðarsson eins og undanfarin ár. Ég skrapp á vettvang frammi í firði við hesthúsin og tók nokkrar myndir sem þú sérð með því að smella á myndina. En þessir hestar slöppuðu af í sólinni í morgun, fyrir neðan hesthúsabyggðina.   (Hreinn Júlíusson gefur allar upplýsingar varðandi námskeiðið)

Fimmtudagur 22. júlí 2004  Súlan og Siku komu seini partinn í gær með um 500 tonn hvort, af loðnu til löndunar hjá Síldarvinnslunni. Frekar treg veið hefur verið að undanförnu- og búist er við að skipin fari að hætta á þessum veiðum. Alls eru komin á land hjá Síldarvinnslunni á Siglufirði um 22 þúsund tonn af loðnu- og hefur Síldarvinnslan á Siglufirði tekið á móti mestum loðnuafla á þessari vertíð, það er um 22.500 tonn (kolmunni þar meðtalinn, rúmlega 2.300 tonn). 

Fimmtudagur 22. júlí 2004 Einn gömul:  Áhættunnar virði ?  Þeim fannst það vissulega áhættunnar virði að fara eftir völtum og titrandi 2-6" planka á milli landfastra og fljótandi ísjaka, þó ekki væri nema spennunnar vegna. Þetta léku þeir sér af drengirnir í "villimannhverfinu" og í Bakka, í byrjun marsmánaðar 1965. Þeir frökkustu drógu plankann á eftir sér til að fara yfir á þann næsta-  og svo koll af kolli. Það kom fyrir að plankinn sporðreistist og einhver færi í sjóinn. En þeir létu ekki deigan síga og héldu ótrauðir áfram og luku því sem þeir stofnuðu til, - oft til að ögra hvor öðrum. Engum varð meint af, nema lögreglunni sem ekki hafði frið fyrir "kerlingunum" í landi, sem þótti þetta ekki spennandi uppátæki, sem var síendurtekið, eftir að lögreglan fór af vettvangi.

Miðvikudagur 21. júlí 2004 Aðsent:  - Spor ehf., sem flytur inn Ecco skó, hefur af rausnarskap fært keppnisliði ungling hjá Golfklúbbi Siglufjarðar að gjöf vandaða og fallega golfskó. Þeir sem skipa unglingaliðið eru þeir Grétar B. Hallgrímsson, Sævar Örn Kárason og Þórhallur Dúi Ingvarsson. (á meðfylgjandi mynd vantar Grétar) Með kveðju, G.K.S./Kjartan

Miðvikudagur 21. júlí 2004 BOMB, jörðin nötraði um 19:30 í gærkveldi- það hefur að vísu verið reglubundið undanfarin kvöld, þar sem Suðurverksmenn hafa þurft að sprengja klappir vegna Snjóflóðavarnargarðanna sem þeir vinna við fyrir ofan bæinn. En í þessu tilfelli í gærkveldi, var óvenjumikill titringur, sími minn sem hangir á krók við tölvu mína fór á hreyfingu og drunurnar voru meiri en venjulega. Ég stóð auðvitað upp til að huga að sprengjusvæðinu, sem er beint fyrir ofan hús mitt - Fossvegur og Hólavegur eru þó þar á milli. Talsverður rykmökkur sást þar sem sprengingin hafði orðið,- en það sem vakti athygli mína var nágranni minn Steingrímur Garðarsson, staðsettur fyrir neðan hús sitt á Fossvegi, en Steingrímur var á leið til vinnu (S.V.N). Hann bar hönd fyrir höfuð sér - og snéri við. Ástæðan var einföld, grjóthríðin dundi á húsunum fyrir ofan hann, meðal annars á hans hús, á götuna Fossveginn þar sem hann var, og alla leið niður fyrir götuna. Þetta voru að vísu ekki stórir steinar, minni en hnefi, - en það hefði örugglega skaðað hann hefði hann orðið fyrir einhverjum þeirra, sem má teljast tilviljun að sleppa við. Litlar skemmdir munu þó hafa orðið af þessari grjóthríð, utan smá lakkskemmdir á þökum.

Þriðjudagur 20. júlí 2004  Norsku loðnubátarnir,  raunar er vart hægt að kall loðnuskipin báta nú til dags vegna stærðar þeirra flestra. En þeir hafa verið nokkur drjúgir að landa hér slöttum allt að 600 tonnum í senn. En í gærkveldi rúmlega 19:00 sigldi þetta glæsifley inn á fjörðinn með "slatta"- það er ef miðað er við stærð þess þá er það slatti, með um 1000 þúsund tonn af loðnu. Skipið er Norskt og heitir Kvannøy N-400-B  Hér eru frekari upplýsingar af netinu um skipið: MS "Kvannøy" is a combined purse seiner and trawler with full processing facilitites, registered in Norway and catching on Norwegian quotas. She was built in 2002 and is a modern factory vessel indeed with all the latest equipment both for catching and processing of pelagic fish. Freezingsystems are based on CO2, which gives shorter freezing time and accordingly better quality products. Temperature can be pushed down to -50¤ C.  --- Length of the vessel is 75,40 meters, coldstorage capasity is 900 m3 and RSW (refridgerated sea water) tanks hold maximum 2.000 m3. Freezing capasity is up to 200 mt per 24 hours. the factory produce whole round fish and various types of filets. Freezing method is vertical plate freezers and cartons are 20 kos.

Þriðjudagur 20. júlí 2004 Ein gömul: Guðjón Jónsson verkstjóri og Jón Kristjánsson vaktformaður S.R.P. 1963 (+/-)

Mánudagur 19. júlí 2004 Síldarvinnslan. Ég heimsóttir stjórnstöð bræðslunnar í morgun og heilsaði upp á gamla vinnufélaga. Þar voru þeir Georg Ragnarsson og Sævar Björnsson límdir við stjórnskjáina, en þróarkarlinn Sigurjón Pálsson var þarna einnig að fylgjast með.

Mánudagur 19. júlí 2004  Aðsent: Meistaramót Golfklúbbs Siglufjarðar var haldið um helgina 17.-18. júlí, en leiknar voru 18 holur hvorn dag. Í kvennaflokki vann Ingibjörg J. Benediktsdóttir, í unglingaflokki Þórhallur Dúi Ingvarsson, í 2. flokki karla Hreinn Júlíus Ingvarsson og í 1. flokki karla Þorsteinn Jóhannsson. Benóný Sigurður Þorkelsson vann það afrek að fara holu í höggi á síðustu holunni á laugardaginn. Meðfylgjandi eru nokkrar myndir frá mótinu. Kveðja, G.E.

Mánudagur 19. júlí 2004  Ein Gömul: Stefán Aðalsteinsson og Símon Márusson  1962 (+/-)

>>> Afmæli í dag: 
Mánudagur 19. júlí 2004 

Sunnudagur 18. júlí 2004 Loðna/kolmunni, komið á land á Siglufirði yfir 20 þúsund tonnin á sumarvertíð Þar af hafa Björg Jónsdóttir og Siku komið með hvort um sig yfir 5000 tonn
Löndunarskýrsla hér 

Sunnudagur 18. júlí 2004 Ein gömul:  Friðjón Vigfússon og Anton Jóhannsson 1964 (-/+)