Lífið í Ágúst 1-7 2004 | Lífið í ágúst 8-14 2004 | Lífið í ágúst 15-21 2004 | Lífið í ágúst 22-31 2004

>>>>>>>>>>> Lífið í Ágúst 1-7 2004

   Siglfirski fréttavefurinn  Lífið á Sigló

Laugardagur 7. ágúst 2004  Bláberin. Sveinn Þ. sendi mér þessa mynd í morgun sem hann tók uppi í Skarðsdal af bláberjalyngi. Eftir myndinni að dæma virðast bláberin vera á hraðri leið til þroska.

Laugardagur 7. ágúst 2004  Hvalir.  Ég frétti að sést hefði til hvala inni á firði í morgun, ég fór að "leita" þeirra og sá 3 hvali austast í firðinum nærri í fjörunni. Það sást greinilega frá þeim blástursstrókar, en vegna fjarlægðar, (of langt frá til myndatöku að gagni) þaðan sem ég var og gáru frá hafgolunni á sjónum, sást ekki hvort hvalurinn var að elta síld eða annað, en síld var talin líkleg þar sem hún hafði sést í vaðandi torfum inni á firðinum í morgun áður en hafgolan fór að blása.

Laugardagur 7. ágúst 2004   Morgunverður / Pæjumót  Ég mætti í morgunmat með Pæjunum í morgun og smellti nokkrum myndum af starfsliði og pæjum. Á þessari mynd er ung snót með elsta sjálfboðaliðanum í eldhúsinu, sem er Anna Lára Hertervig, vel þekkt áhugmanneskja um fótbolta allt frá unglingsárum hennar, en hún er orðin 81 árs En Anna er þekkt fyrir fleira en fótbolta, hún hefur lengi verið dáð og vinsæl vegna hinna ýmsu starfa sinna til menningarmála ofl. auk þess sem hún og maður hennar fótboltakappi frá fyrri tíð Sveinbjörn Tómasson ráku hér verslun. Smelltu á myndina og linkana til vinstri; Pæjumótið (8-9) (einnig myndir frá fótbolta frammi á Hóli)

Laugardagur 7. ágúst 2004  Aðsent:   Sæll Steingrímur, ég sendi þér hérna nokkrar myndir sem ég tók í ferð eldri borgara. Það var farið héðan rúmlega 8 í gærmorgun og fyrst stoppað á Sauðárkróki og síðan ekið fyrir Skaga, svo var snæddur hádegisverður í Kántríbæ á Skagaströnd.  --  Síðan var ekið yfir Þverárfjall og svo hring í Hegranesinu, síðan var haldið heim að Hólum og svo Stóragerði og skoðað þar bílasafn.  --  Þaðan var svo haldið í Höfðahóla og þegnar þar veitingar og svo var haldið til Sigló. --  Þetta var frábær ferð í frábæru veðri í boði Kiwanisklúbbsins Skjaldar í Siglufirði, hafi þeir kæra þökk fyrir. Sv. Þ.

Laugardagur 7. ágúst 2004  PixMaker Er merkilegur hugbúnaður, hægt er að sækja hann á netið ókeypis. Mynd sú sem ég ætla að sýna ykkur mynd;  þeim sem eru með háhraðatengingu ADSL /1500 eða hraðar - Öðrum munn þykja seinlegt að sækja myndina, því hún er stór. Þessi mynd er upphaflega tekin sem 8 ljósmyndir, en forritið PixMaker setur þær saman í eina 180° mynd, svo ekki sjást samskeyti. Myndin heitir frá Strákavegi til Hólsdals -- Smelltu á Austurfjöllin.exe Þú getur bæði opnað myndina beint frá glugganum sem upp kemur, eða vistað hana á harða disknum þínum og opnað þar. - Þú getur stækkað myndina, allt upp í skjá hæð, en breiddin er margföld, sem þu færir, handvirkt eð sjálfvirkt með einum smelli,

Föstudagur 6. ágúst 2004  (fyrripart dags) Pæjumótið  hófs stundvíslega í morgun, slatti af myndum sem teknar voru ("holt og bolt") frá klukkan 9:30-11:30 eru á næstu síðum = Pæjumót (3-5). Það var gaman að horfa á krakkana, en þar sem ég er ekki vanur þeim látum og öskrum, sem fullorðna fólkið lét frá sér fara, þá skyggði það á ánægjuna, sérstaklega einstaka "þjálfarar" sem öskruðu á liðin sín, hvatningar og jafnvel skammir. Kannski á þetta að vera svona?  Smelltu á myndina eða linkana til vinstri.
Það þarf ekki að taka það fram að veðrið var eins og best var kosið, logn, sólskin og hiti.

Föstudagur 6. ágúst 2004  Morgunverður / Pæjumót.  Fyrstu hópar liðanna komu til morgunverðar í sal Hótel Lækur, Ég heimsótti Starfsliðið laust fyrir klukkan 8 í morgun og smellti nokkrum myndum og  síðan af krökkunum er fyrsta hollið kom.

Föstudagur 6. ágúst 2004  Pæjumótið. Stanslaus straumur húsbíla, bíla, með og án tjaldvagna, var til Siglufjarðar í gærkveldi. Um klukkan 20;00 voru helstu tjaldsvæðin orðin nær full. Nægt pláss er þó á Hólssvæðinu og víðar í bænum, svo ekki þarf neinu að kvíða þrátt fyrir það að von er á svipuðum eða jafnvel fleiri gestum en um síðustu helgi. Yfir 1500 keppendur munu mæta til leiks- og ætla má að 2 fullorðnir fylgi flestum krökkunum auk annarra fjölskyldumeðlima. Myndin hér er tekin rétt fyrir klukkan 20:00 í gærkveldi. Smelltu á myndina til að sjá 4 í viðbót

Fimmtudagur 5. ágúst 2004   200 kg. af netveiddri síld. Sverrir Björnsson á Viggó SI lagði í gærkveldi 2 síldarnet á "Hellunni" við Siglufjörð, og vitjaði í morgun, hann kom núna laust fyrir hádegið í dag með 200 kg. úr þessum róðri. Þetta er að mestu mjög falleg síld alt að 30 -35 sm,. Hannes Baldvinsson gamalreyndur síldarmatsmaður frá gömlu góðu árunum, skoðaði eina síldina sem var full af sandsílum- og bar síldin greinileg merki um vaxandi þroska og komin var í síldina "mör". Nú er það spurningin; er þetta af Norsk Íslenska stofninum eð eitthvað annað fyrirbrygði? Þetta er einstakt fyrirbrygði sem ekki hefur skeð á marga áratugi. Auk þess sem sjómenn segja merki um margar en smáar vaðandi torfur innan og utan fjarðarins.   Smelltu á myndina til að skoða fleiri myndir.

Fimmtudagur 5. ágúst 2004 Mér barst í morgun ánægjulegur póstur, þar sem segir að  Sparisjóður Mýrasýslu ætli að styrkja síðu mína með veglegu framlagi, sem notað verður til kaupa á nýjum tölvubúnaði.  Kærar þakkir.

Fimmtudagur 5. ágúst 2004 Síld á Siglufirði - Það hefur ekki skeð í háa herrans tíð, að síld hafi veiðst á Siglufirði, en þegar Kristinn Konráðsson var að vitja um nokkur ýsunet í gær kom honum á óvart nokkrar síldar sem ánetjast höfðu í net hans, hann hafði séð fiskivöðu og taldi víst að þar væri ufsi á ferðinni, - en við nánari athugun reyndist þarna vera bæði ufsa og síldarvöður- og síldin frekar í meira magni og stærri torfum. Viggó SI lagði í morgun síldarnet á þessum slóðum, en hann er enn ókominn að landi. Ég mun fylgjast með þessu. Á myndinni er Kristinn með eina af síldunum sem ánetjuðust í net hans.

Fimmtudagur 5. ágúst 2004  Starfsmenn Suðurverks, sem unnið hafa við gerð snjóflóðavarnargarðanna. Ég heimsótti svæðið norðanvert- og naut fylgdar verkstjórans Guðmundar Sigurbjörnssonar um svæðið, sem og lýsti verkinu, því sem komið er og það sem eftir er. Það gerir sér enginn grein fyrir, nema að koma á svæðið, hversu viðamikið og stórkostlegt verkefni þetta er, fleiri hundruð þúsund rúmmetrar af efni hefur verið flutt til og frá, moldarjarðvegur þangað sem honum er óhætt og grjót og björg þar sem því er ætlað hlutverk. þetta virðist ekki mikið að sjá neðan úr bæ, nema það jarðrask sem þessu fylgir, sem er áberandi. Vinnuvélarnar eru á fullu á bak við garðinn og sjást ekki nema annað slagið bregða fyrir, og þá helst á matar og kaffitímum. Það eru engir venjulegir karlar sem færir eru um að vinna svona verk, það þarf bæði kjark og útsjónarsemi, því oft falla skriður og björg niður hlíðarnar þar sem þeir vinna..
Smelltu á myndina til að skoða myndir frá vettvangi.

Miðvikudagur 4. júlí 2004 
Flutningaskipið Jaxlinn kom í gærkveldi með tæp 1000 tonn af kolmunnamjöli að austan frá Síldarvinnslunni, en allar geymslur eru þar fullar  en nægt pláss hér á Siglufirði. Á sama tíma var verið að lesta í flutningabíl frá Norðurfrakt af hágæða loðnumjöli frá Síldarvinnslunni á Siglufirði, sem fara á til Akureyrar í fóðurverksmiðjuna þar.

Miðvikudagur 4. júlí 2004  Abby og Eysteinn. Þessi hjón, Arnfinna Björnsdóttir og Eysteinn Aðalsteinsson er öllum Siglfirðingum að góðu kunn, Sveinn Þorsteinsson sendi mér þessa skemmtilegu mynd af þeim hjónum, sem hann tók er Síldarævintýrið stóð sem hæst. En þarna eru hjónin á kafi í afgreiðslu í Fiskbúðinni sinni, þar sem hægt er að fá allt matarkyns sem hugurinn girnist, bæði hrátt og soðið. Að auki heldur Arnfinna úti verslun með handunnar vörur og myndir, að mestu sem hún hefur sjálf unnið- og eru þar margir eigulegir munir, í Aðalgötu 7

Þriðjudagur 3. ágúst 2004 

Kynning:  Video-áhugafólk, vitið þið af vefnum hjá Videoval?  þar er hægt er að skoða yfirlit yfir væntanleg myndbönd, nýrra og gamalla. Smelltu hér og skoðaðu. 

Þriðjudagur 3. ágúst 2004 Ein gömul: -- Auðvitað þekki ég þennan fyrrverandi skipsfélaga minn og vin. Það var oft glatt á hjalla um borð í Haferninum forðum, með bestu skipsáhöfn sem nokkru sinni hefur stigið öldurnar, skipshöfn sem var eins og ein stór fjölskylda. Þarna er bátsmaðurinn í einu atriðinu í einni af mörgum kvöldvökum sem haldnar voru um borð með og fyrir 24 manna áhöfn Hafarnarins. Ég ætla ekki að nefna nafn hans, heldur til gamans lofa þeim sem skoða, að geta sér til um nafnið.

Mánudagur 2. ágúst 2004  Aðsent:  Að beiðni Steingríms, sendi ég hér nokkrar línur um Síldarævintýrið.
Varðandi hátíðina þetta árið þá vil byrja á að þakka bæjarstarfsmönnum, björgunarsveitarmönnum, lögreglunni, skemmtikröftum og öðrum sem að þessu komu fyrir frábært samstarf. Gestir urðu mun fleiri en búist var við en allt fór afskaplega vel fram, reyndar myndaðist á tímabili umferðarhnútur úti við göng en það leystist allt. Þeir sem heimsóttu bæinn voru að stærstum hluta fjölskyldufólk og var markmið okkar að bjóða uppá fjölbreytta dagskrá og hef ég ekki heyrt annað en að fólk hafa skemmt sér vel og notið þess sem var í boði. Eflaust er eitthvað sem betur má fara og er það verkefni fyrir þá sem halda utan um Síldarævintýrið á næstu árum!     Með kveðju - Theodór

Mánudagur 2. ágúst 2004  Gestir Síldarævintýrisins. Um klukkan 16:00 höfðu 650 bílar farið um Strákagöng, megnið að líkindum gestir Síldarævintýrsins á leið heim. Tjaldvögnum, húsbílum og tjöldum hafði fækkað verulega, en þó voru nokkrir sem voru ekki að flýta sér, eða jafnvel að huga að lengri dvöl. Myndin hér sýnir glögglega samsetningu þeirra sem sóttu Siglufjörð heim; það er fjölskyldufólk í mjög miklum meirihluta. Þessi mynd var tekin rétt fyrir klukkan 16:00 í dag og sýnir krakkaföt til þerris, ekki vegna rigningar eða polla á svæðinu, sem sáust ekki, heldur ef til vill eftir busl í fjörum, veiðiskap á bryggjum- eða bara einfaldlega tápmikil börn sem hafa unað sér vel með pabba og mömmu í veðurblíðunni á Sigló. Ekki ber öllum saman um gestafjölda, en ef reikna má með ónákvæmu meðaltali, þá hafa verið hér um 5000-6000 gestir um helgina, og mikið var um skyndiheimsóknir úr nágrannabyggðum, allt frá Akureyri að austan og Blönduós að vestan. Lögreglan sagði mér að hjá þeim hefði verið mjög róleg helgi, jafnvel minna en um venjulega helgi á Sigló.  Ekki hefur orðið vart neinna eiturlyfjabyrlara eða sjúklinga, þrátt fyrir að greinilegt var, að lögreglan fylgdist vel með. Og ekki er hægt að segja að borið hafi á "útihátíðarfyllirí" þó svo að dansað hafi verið til klukkan 3-4 á nóttunum- bæði á Torginu sjálfu og inni á Kaffi Torg og Allanum- og mikið fjör auðvitað. Enginn mun hafa þurft gistingu í fangageymslu.

Mánudagur 2. ágúst 2004  Á morgunrúntinum, í morgun, sá ég litla hreyfingu í tjaldbúðunum. Einstaka morgunhanar voru að hella upp á könnuna, aðrir flatmöguðu í sólinni (17 °C) við "tjald"skörina- og svo eins og gengur fólk var á leið til eða frá snyrtingum með tannburstann sinn og tilheyrandi. En lítið fararsnið var á fólki. -- Þessi hópur sem á myndinni er, voru víst ekki farnir að sofa, veðrið er alltof gott til að kúrast inni í tjaldi eða heima í rúmi sögðu þau. Sumir þessa drengja og stúlka, er heimafólk, aðrir gestkomandi (?). Aðsendar upplýsingar um nöfn ofl.: Halldór Þormar Hermannson (Hemma Jónasar), Gunnar Freyr Sigurðsson (Sigga Bald), Stefán Heiðar Erlingsson (Erlings Óskarssonar Fv. Bæjarfótgeta á Sigló) og ég Guðmundur Óli Sigurðsson, pabbi næstur, Sigurður Oddson og kona hans Margrét Þórarinsdóttir (Minnir alveg endilega að mamma hennar hafi átt heima á Sigló fyrir mörgum árum. og svo Átti Margrét heima á Sigló í nokkur ár. Svo allt er þetta fólk sem á rætur í Siglufirði)

Mánudagur 2. ágúst 2004 Aldrei hafa jafnmargir húsbílar og tjaldvagnar verið á Siglufirði og nú um Verslunarmannahelgina. Á myndinni má sjá yfir miðbæinn þar sem áberandi eru þessi híbýli manna á ferðalögum. En þessir vagnar og tjöld voru í nær hverju plássi sem laust fannst í bænum, svo og frammi á firði og Hóli. Ég náði að smella af nokkrum myndum þrátt fyrir tafir vegna tölvuræfils míns, Myndirnar sem koma í ljós ef þú smellir á myndina, voru teknar í gærdag og í gærkveldi.

Mánudagur 2. ágúst 2004  Það var mikið um að vera í gær eins og undanfarið. - Í gærmorgun var helgistund uppi í Hvanneyrarskál klukkan 10:00, þangað mættu hestamenn úr Glæsi, ásamt gangandi og akandi. Myndir sem ég tók í gærmorgun en komust ekki á netið í gær vegna tölvubilunar, koma nú í ljós, smellirðu á myndina