Lífið 1.-8. nóvember | Lífið 9.-16. nóv. 2003 | Lífið 17.-23. nóv. 2003 | Lífið, 24.-30. nóv. 2003

>>>>>>>>>>> Lífið, 24.-30. nóv. 2003

****** AUGLÝSINGAR ******

30. nóvember 2003  

Jósteinn Snorrason   á líka afmæli í dag (vantar mynd)

30. nóvember 2003  MAGNÚSARMÓT 2003  Úrslit mótsins og myndir af sigurvegurunum á síðu (3).  Smelltu á myndina.

30. nóvember 2003  Jósteinn Snorrason - Auður Sigurgeirsdóttir eiga afmæli í dag

30. nóvember 2003 "Hann setti svip á bæinn, og gerir enn"  Gottskálk Rögnvaldsson, fæddur 11. september 1927

29. nóvember 2003  MAGNÚSARMÓT 2003. Mótinu lauk í kvöld um kl. 17:30 með verðlaunaafhendingu. Síðar í kvöld munu mótshaldarar, þátttakendur ofl borða saman kvöldverð.
Myndir frá afhendingu verðlauna og listi yfir sigurvegar verður birt hér á morgun Sunnudag.

29. nóvember 2003  Jólatré frá Herning í Danmörku. Jólatré, eins og árlega kemur hingað sem gjöf frá vinabæ okkar Herning í Danmörku, var afhent og kveikt á því kl. rúmlega 17:00 í dag, við hátíðlega viðhöfn að venju. Myndir frá athöfninni sérðu með því að smella á myndina.

29. nóvember 2003 MAGNÚSARMÓT 2003.  Í  tilefni af 50. árstíðar Magnúsar Sævars Viðarssonar munu vinir og skólafélagar Magnúsar heitins, taka þátt í mótinu í ár. Mótið hófst klukkan 19:30 á gærkveldi og líkur seinnipartinn í dag. Keppt er í einliða og tvíliðaleik. Ég mætti á mótið og tók slatta af ljósmyndum við þetta tækifæri. Smelltu á myndina.

29. nóvember 2003  Kvenfélagsið Von, hélt sinn árlega basar í Suðurgötu seinnipartinn í gær. Þar var á boðstólnum að vanda, útskorið laufabrauð, kleinur ofl. góðgæti, auk þess sem happdrætti fór fram á staðnum.  Tók þar nokkrar myndir, smelltu á myndina.

29. nóvember  "Hann setti svip á bæinn"  Þormóður Stefánsson bifreiðastjóri, fæddur 9. ágúst 1927

28. nóvember 2003   Þessi fæddist á árinu,  --  smelltu á myndina

28. nóvember 2003  Athygliverðar spurninga --- og svörin enn athygliverðari:

http://www.althingi.is/altext/130/s/0464.html

http://www.althingi.is/altext/130/s/0463.html

http://www.althingi.is/altext/130/s/0279.html

28. nóvember 2003   Athygliverð staðreynd.  Það vakti furðu mína, er mér barst bók í hendur, bók sem segir sögu kommúnistahreyfingarinnar á Íslandi  1921-1934. Það var ekki efni bókarinnar, sem vakti athygli mína, heldur útgáfudagur hennar, sem er árið 1979 - og lógóið á kápu bókarinnar sem vakti athygli mína, þetta sem þið sjáið hér á myndinni. Bókaútgáfa menningarsjóðs gaf bókina út. Þó merkið sé ekki nákvæmlega eins og það lógó SR-MJÖL sem við horfum á daglega (ennþá) á þaki  Ákavítis, þá er ekki hægt að komast hjá því að það minnir okkur á SR-MJÖL HF "sáluga." - Hvað er skylt með kommúnistaflokknum dauða,- og SR-MJÖL HF., sem nú starfar að vísu áfram undir öðrum formerkjum? -  Ef til vill er hönnuður beggja merkjanna sá sami?

28. nóvember 2003  "Hann setti svip á bæinn"  Pétur Magnússon verkamaður, fæddur 19. apríl 1920

27. nóvember 2003  Rækjuskel og Primex.  Þessi bílstjóri heitir Gunnar Þór og kemur reglulega með um 10 tonn af rækjuskel frá Skagaströnd til Primex á Siglufirði. En alls hafa komið 2-3 bílar á dag með rækjuskel til Primex upp á síðkastið. Mest hafa komið 6 bílar á dag frá rækjuverksmiðjum á Akureyri, Hvammstanga, Sauðárkrók, Blöndudós, Skagaströnd, Hólmavík og Húsavík. Frá tveim síðast nefndu staða, hefur ekki komið rækjuskel, vegna þess að ekki náðist samkomulag við flutningsaðila, en um langan veg er að fara, og flutningsaðilinn þarf auðvitað að fá eitthvað í sinn hlut til að greiða kostnað, en skattmann fær sinn hlut og þarf ekki að hafa áhyggjur af því hvort flutningurinn beri sig, skattmann fær sitt. Og ekki kemur samningsaðstaðan til með að batna, ef nýjustu skatthækkunar tillögur ríkisstjórnarinnar á bifreiðagjöldum ná fram að ganga. En rækjuskel frá Hólmavík og Húsavík er nú urðuð, í stað þess að skapa verðmæti. 

27. nóvember 2003  Vel alinn þorskur.  Þarna er verið að gera að þorskinum hans "Sidda" Sigtryggs Kristjánssonar, sem verið hefur í flotkví úti á firði í sumar og beðið daglega eftir að Siddi komi til að fæða þá. Það sést á fiskinum að hann hefur notið ríkulegrar fæðu, og nú er komið að skuldadögum, þeirra smákríla 25-50 sentímetra, sem urðu af golþorskum í kvínni, því nú er þeim slátrað. Siddi er með tvær kvíar og áætlar hann að upp þessari sem unnið var við nú, kæmu 8-10 tonn af þorski.   Smelltu á myndina til að sjá meira.

"27. nóvember 2003"    Löndun og bræðsla síldar, hjá Síldarverksmiðjum ríkisins 1960

27. nóvember 2003   Næturmynd. Þessi mynd var tekin 9. september síðastliðinn klukkan 23:25.   Þetta er að sjálfsögðu ekki sólin sem sendir þennan bjarma með stjörnukrónu, heldur er þetta tunglið sjálft, og það glittir í eina og eina stjörnu. Myndin er tekin á hraða 3 sek og ljósop f.8 400 ISO (ASA samlíking.)

27. nóvember 2003  "Hann setti svip á bæinn"  Herbert Sigfússon málarameistari, fæddur 18. maí 1907

26. nóvember 2003   Þrítugur garðyrkjumaður Siglufjarðar Arnar Heimir Jónsson.   Gott er að vita til þess að bæjarstjórnendur viðurkenni hve bráðnauðsynlegur þessi starfsmaður er á staðnum.   Lestu meira hér eða smelltu á myndina.
 

26. nóvember 2003   Smá él var í morgun, sem náði til að lita umhverfið hvítri föl, þarna eru bæjarstarfsmenn að koma fyrir hinu árlega jólatré á Torginu.

26. nóvember 2003  Landlega á Siglufirði í gær. Nokkur síldarskip bíða þess að gefi til að sigla á ný mið í bátahúsinu. Með vorinu verða aðstæður vonandi orðnar þannig í forskála þessa mikla húss að skipslíkönunum ásamt mörgu öðru verði komið þar til sýningar.
Líkönin eru á meðan geymd í bráðabirgðaskrifstofu safnsins í Ráðhúsinu.

26. nóvember 2003  Þessi mynd var tekin frá Hólsbrúnni, í gær þegar stærsti straumur var kl 11:08 Álfhóll nær umflotinn,  speglast í logndauðum sjónum - og vart hægt að sjá hvort Hólsáin rann "upp eða niður", því sjórinn náði langt upp eftir ánni.

26. nóvember 2003  Því miður, þá er þetta gömul ljósmynd. En ekki væri slæmt, ef að Andersen fengi að svitna af áhyggjum, yfir því hvar hann ætti að koma fyrir allri þeirri loðnu, ef skipin væru nú í Siglufjarðarhöfn fullfermd og biðu eftir löndun.
Vonandi fær hann tækifæri sem fyrst. Ég vona hið besta.

26. nóvember 2003  "Hún setti svip á bæinn"   Sigríður Guðmundsdóttir, fædd 7. apríl 1913

25. nóvember 2003  GSM símasamband orðið gott. Eins og sagt var frá hér í fyrri viku, þá unnu starfsmenn símans að því að setja upp nýtt loftnet fyrir GSM kerfið sem þjónar Siglufirði. það er nú komið í gagnið,- og ég þarf ekki lengur að hlaupa út á svalir til að ansa í síma minn, ef og þegar ég sit við tölvu mína, og væntanlega aðrir ekki að leita svæðis þar sem samband væri viðunnandi,(innandyra). Samband mun einnig batna á sjónum út af Siglufirði, en drægi í sjónlínu mun vera um 30 kílómetrar, sagði starfsmaður mér. Myndin er af loftnetsbúnaði, uppi í stóra strompi Síldarvinnslunnar.

25. nóvember 2003 Ég fékk eftirfarandi skilaboð kl. 12:20 "Mér datt í hug hvort þú getir ekki sett inn áskorun á bæjarbúa og þ.m.t. Lionsklúbbinn um það að strax í byrjun desember verði hægt að setja upp ljósakrossa í kirkjugörðunum báðum, og lýsa þar með upp skammdegið og skreyta garðana miklu fyrr en verið hefur."

25. nóvember 2003  Jólin "nálgast" Ef marka má umfang bæjarstarfsmanna, við að skreyta bæinn jólaljósum og glingri í morgun, þá eru jólin á "næstu" grösum. Þarna eru starfsmennirnir að hengja jólaskreytingu þvert yfir Aðalgötuna, á milli "Apóteksins og Norska sjómannaheimilisins," eins þessi hús hétu hér áður fyrr, en nú Aðalbakarí og Tónlistaskólinn.

  Haförninn í hafísnum norður af Melrakkasléttu árið 1968

25. nóvember 2003  "Hún setti svip á bæinn, og gerir enn" 
Gunndóra Jóhannsdóttir, fædd 29. janúar 1919

24. nóvember 2003  Verkið við endurnýjun hluta bátabryggjunnar gengur vel í blíðviðrinu, eins og sjá má á þessari mynd.

24. nóvember 2003  Flóð í neðri hæðum húsa ! Stórstreymt var í nótt og í morgun við Siglufjörð og sumstaðar náði flóðið að smjúga upp um niðurföll, inn í kjallara og neðri hæðir sem standa lágt.
Það flæddi víðar, -  smelltu á myndina.

24. nóvember 2003   Biluð kaldavatnslögn við Túngötu. Þarna eru bæjarstarfsmenn að fylgjast með dælingu úr holu þeirri er þeir hafa gert umhverfis vatnslögnina, svo viðgerð geti hafist. Þetta eru þeir Jón Ásgeirsson og Hörður Hjálmarsson. Búast má við vatnsleysi í nálægu hverfi nokkra stund.

24. nóvember 2003  Hingað til Siglufjarðar, komu í gærkvöld um kl. 19:00, Sænsku sendiherrahjónin í Reykjavík, þau Bertil Jobeus og kona hans Marie Luise. Þau munu dvelja hér á Siglufirði í 2 daga.
Sænski konsúllinn Björn Jónasson tók á móti þeim. - Ég hitti þau upp úr klukkan 21:00 á Síldarminjasafninu, þar sem þeim var boðið upp á Íslenska síldarrétti ofl. ásamt því að skoða safnið. Þar voru og mættir forseti bæjarráðs, Ólafur Kárason, safnvörðurinn Örlygur Kristfinnsson og makar.
Á myndinni eru, talið frá vinstri: Örlygur Kristfinnsson safnvörður, Guðný Róbertsdóttir, Ásdís Kjartansdóttir, Bertil Jobeus sendiherra,og kona hans Marie Luise, Björn Jónasson sænskur konsúll á Siglufirði, Ólafur Kárason og Þórey Guðjónsdóttir.  Smelltu á myndina