Fyrir nokkrum vikum fór fram skoðanakönnun í fulltrúaráði sjálfstæðisfélaganna á Siglufirði, hvort viðhaft skyldi bindandi prófkjör, leiðbeinandi skoðanakönnun eða tillögugerð frá nefnd varðandi röðun á framboðslista flokksins við í hönd farandi bæjarstjórnarkosningar. Niðurstaðan var, að viðhöfð skyldi leiðbeinandi skoðanakönnun.
Skoðanakönnun þessi var síðan rækilega auglýst og framkvæmd með leynilegu vali. Á milli 80-90 kjósendur tóku þátt í skoðanakönnuninni. Skoðanakönnunin var ótvíræð varðandi skipan efstu sæta listans. Og þó hún væri ekki bindandi, var farið eftir niðurstöðum hennar í röðun í fimm efstu sæti hans, er fjölmennur, sameiginlegur fundur sjálfstæðisfélaganna samþykkti hann endanlega sunnudaginn 3. mars s.l .
Stefán Friðbjarnarson bæjarstjóri, sem skipað hefur efsta sæti listans við undanfarnar bæjarstjórnarkosningar, gaf ekki kost á sér til endurkjörs nú.
Framboðslisti flokksins fer hér á eftir: [Smellið á mynd til að sjá hana stærri.]