Lífið í feb. 1-8 2004 | Lífið í feb. 9-14 2004 | Lífið í feb 16-21 2004 | Lífið í feb 22-29 2004

>>>>>>>>>>> Lífið í feb. 9-14 2004

 

Til forsíðu
Til baka
Afreksfólk 2003
Hitauppstreymi
Íþróttamaður ársins
Berg hf
Slökkviliðið
SR-lóðin
Barnaskólinn og ..



Ljósmyndasafn Steingríms
á netinu.

Steingrímur Kristinsson Siglufirði
G-892-1569
S-467-1569
 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

"15. febrúar 2004"    Ein gömul:  Ég þekki aðeins son minn Kristinn, á þessari mynd, hann er drengurinn sem hallar sér að skúrnum, í dökku peysunni og gráu buxunum,

14. febrúar 2004  PÓLAR SIGLIR, áður Siglir - kom inn til Siglufjarðar rúmlega 10 í morgun. Þetta verksmiðjuskip, er að hluta til í eigu Gunnars Júlíussonar og & -og að hluta til, Grænlenskra aðila- og er skipið skráð í Grænlandi, Nuuk, Skipið var að koma frá Póllandi með viðkomu í Danmörk, eftir ýmsar lagfæringar, sandblásturs, málningu ofl.

14. febrúar 2004  Þessa mynd sendi Halldóra Elíasdóttir á "vegum" Verkalýðsfélagsins Vöku.og Heilbrigðisstofnunarinnar, það er viðkomandi hóps.  "Við hættum að reykja í fyrra og áttum 1 árs reyklaust afmæli 5.febrúar sl.  Við fórum út að borða að því tilefni á Kaffi Torg og viljum koma þakklæti til þeirra í leiðinni,fyrir frábæran mat.  Hjúkrunarfræðingurinn Sóley Reynisdóttir sá um námskeiðið og hjálpaði okkur að sigrast á fíkninni og er hún hetjan okkar.  Myndin er mjög óskýr því miður, eitthvað hefur klikkað.   Þeir sem eru reyklausir og eru á myndinni eru:  Sóley Reynisdóttir hjúkrunarfræðingur, Elías Þorvaldsson, Sigurbjörg Gunnólfsdóttir, Sóley Erlendsdóttir, Linda Ásgeirsdóttir, Lilja Guðmundsdóttir, Ólafur Kárason, á myndina vantar Halldóru Elíasdóttur (mig), þar sem að ég var að taka myndina.  (E.S. frá SK, ég gat vart lagað myndina betur, vona þetta dugi)

"14. febrúar 2004"   Ein gömul:  Gísli Antonsson, Sigurður Sigurðsson, Axel Schiöth og Jón Sæmundsson
   Þau eiga afmæli í dag    14. febrúar 2004  

13. febrúar 2004  Slysavarnarfélagið Landsbjörg - Björgunarsveitin Strákar Siglufirði. Níu ára krökkum og kennurum Barnaskólans voru í morgun afhent námsgögn, sem Landsbjörg kallar "Lífsleikninámsefni" Og er ætlað til fræðslu fyrir börnin varðandi slysavarnir almennt, ýmsar fyrirbyggjandi aðgerðir og raunar allt sem þessi mál varðar. Námsefninu fylgir einnig DVD diskar, með myndrænum upplýsingum fyrir börnin. Sveinn Björnsson og Guðbjörg Jóhannsdóttir, fulltrúar áðurnefndra félagasamtaka, afhentu kennurum og nemendum þessi gögn.

"13. febrúar 2004"  Ein gömul:  Magnús Guðjónsson í skut-  Aðalbjörn Rögnvaldsson í stafni, hina yngri þekki ég ekki.- Tekið á sjómannadegi, 1960-70 ?
12 febrúar 2004  Mér hefur greinilega orðið á, varðandi það að alhæfa kaffistofur starfsmanna hins opinbera, hvað varðar meðlætið, en ég veit fyrir víst um nokkrar "opinberar" starfsmannakaffistofur þar sem "við" greiðum meðlætið ofan í starfsmennina, en samkvæmt ábendingum þá gildir það ekki almennt, og hér kemur ein ábendingin í biðbót: "Að gefnu tilefni viljum við hérna á Sýsluskrifstofunni taka fram að við borgum í kaffisjóð, sem fer til kaupa á meðlæti með kaffinu. Að vísu greiðir " hið opinbera" kaffið en meðlætið er á okkar kostnað en ekki ykkar". Kveðja G.

12. febrúar 2004 Ég heimsótti gamla vinnufélaga á "SR-lóðinni" í morgun, þetta nafn "SR-lóðin" mun lengi lifa. Áður var talað um að fara niður í "ríki" þegar menn heimsóttu SR, það máltæki er að mestu, (ekki alveg) horfið, eins og sumir segja enn; "ég þarf að skreppa í "ríkið"" eða upp í "ríki" þegar þeir ætla að versla við áfengisverslunina, sem í dag kallast "Vínbúð". En hvað um það, ég talaði við vini mína og tók nokkrar myndir.

12. febrúar 2004  Fyrrverandi slökkviliðsstjóri var kvaddur í gærkveldi, af settum bæjarstjóra Þórir Hákonarsyni, og slökkviliðsmönnum, með smáveislu og veglegri bókagjöf frá Siglufjarðarkaupstað, með þakklæti fyrir vel unnin störf undanfarna áratugi. Ég mætti á staðinn og tók myndir við þetta tækifæri. --- Smelltu, á myndina til að skoða.

12 febrúar 2004  Vinsældir afmælisfregna á "Lífið á Sigló", virðast fara aukandi, ef miðað er við þann fjölda upplýsinga sem ég fæ, um afmælisdaga og myndsendingar því samfara, en um 95% þeirra birtinga sem koma á síðu minni koma í gegn um tölvupóst. Stundum á ég sjálfur "betri" mynd af afmælisbarninu en þeirri sem send er, en einnig kemur fyrir að ég fæ jafnvel enga,-og á heldur enga sjálfur.  Þá fæ ég einnig talsverðan fjölda viðbragða um ánægju yfir þessum þætti síðunnar.- Hvet ég því alla Siglfirðinga til þess að, ef þeir vilja láta vita af afmæli vina og vandamanna, sendi til mín upplýsingar í tíma, ásamt mynd.

  Þau eiga afmæli í dag  12. febrúar 2004  -----
 
11. febrúar 2004  (13:10) Máltækið segir, engin undantekning er til, án undantekningar. Mér barst áðan  smá athugasemd, sem kemur hér:  Vil ég hér með koma því á framfæri að við starfsmenn á Bæjarskrifstofunum borgum kr. 2000 á mánuði hver í kaffisjóð sem er til kaupa á meðlæti en Siglufjarðarkaupstaður borgar kaffið sem við drekkum, því erum við EKKI að borða meðlæti á kostnað ykkar hinna.  Og einnig hefur sú hefð skapast á okkar vinnustað að sá sem á afmæli kemur með tertur og/eða annað góðgæti með kaffinu.  H.M.
11. febrúar 2004  Berg hf.  Þangað kom ég í kaffitímanum í morgun og smellti þar af nokkrum myndum. Ég hitti vel á, því þar átti einn starfsmaðurinn afmæli, og því vel útilátið með kaffinu. En almennt á vinnustöðum, þá njóta starfsmenn ekki þeirra sjálfsögðu fríðinda eins og hjá hinu opinbera, sem fær frítt meðlæti á kostnað okkar hinna.- En hefð hefur skapast hjá mörgum vinnustöðum á Siglufirði, að sá sem á afmæli, komi með tertur, og eða annað góðgæti með kaffinu, á afmælisdegi sínum.  Smelltu á myndina.

11. febrúar 2004 Varðandi fréttina, er Gestur Hansson fann dularfulla holu / hvelfingu, norðan og ofan Stóra bola, (sagt frá hér neðar á síðunni) , þá fengu jarðfræðingar áhuga á málinu, og ég beðinn að afla frekari upplýsinga. Niðurstaðan: "Ég er búinn að skoða myndina. Það er útilokað að þetta sé jarðhiti svona hátt. Ég tel víst að þetta sé trekkur og gróf urð undir, sama eðlis og frostgufur".
                                                                                              Kveðja, Kristján Sæm.

11. febrúar 2004  Þau eiga afmæli í dag

local.is | 10/02/04 09:16 | Norðausturkjördæmi
Kristján vill stórauka fjármagn til loðnurannsókna
Í máli Kristjáns L. Möller, þingmanns Samfylkingarinnar í Norðausturkjördæmi, á Alþingi í gær kom fram að hann vill stórauka fjármagn til loðnurannsókna. „Það er dýrt spaug fyrir íslenskt efnahagslíf ef gengið er á stofninn en það er líka dýrt að veiða of lítið,“ sagði Kristján meðal annars.  Ræðan öll hér

10 .febrúar 2004 Þetta eru hinir einu og sönnu "Rafbæingar", þeir, Guðmundur Lárusson, Freyr Sigurðsson og Jóhannes Friðriksson. En þeir stofnuðu fyrirtækið Rafbær sf. árið 1972

10 .febrúar 2004 Og þessa hitti ég á förnum vegi, þar sem þeir voru að ræða um sín "uppáhaldsmál" það er; kindur. En báðir hafa þeir í gegnum árin átt kindur, en nú er annar þeirra, Hafsteinn Hólm (til hægri) eini rollubóndinn innanfjarðar á Siglufirði, samkvæmt sérstakri undanþágu, en félagi hans Björn Ólafsson, verður að láta sér nægja að hugsa til þeirra úr fjarlægð. Hafsteinn lofaði að hóa í mig þegar burðurinn hæfist í vor, - og ég mun þá mæta með myndavélina.

10 .febrúar 2004 Þessa brosmildu drengi, hitti ég í kaffitímanum í morgun á Síldarminjasafninu, en þar vinna þeir að undirbúningi á sýningu nýrra þátta á safninu, sem væntanlega verða opnaðir í sumar komandi. Þetta eru Sveinn Þorsteinsson og Hafþór Rósmundsson

10 .febrúar 2004 Ein gömul, mörg andlit

9. febrúar 2004  Listinn yfir afreksfólkið í tilefni veitingar Kiwanis á titlinum: Íþróttamaður ársins 2003, er á síðunni Afreksfólk   Og kominn er texti við myndirnar   (vantar þó nokkur nöfn)

9. febrúar 2004  Rannsóknarskipið Bjarni Sæmundsson, fór héðan í morgun, áleiðis til hafrannsókna á svæðinu fyrir Norðurlandi.

Í bakgrunni þessararar myndar má sjá að lítið snjóflóð hefur fallið úr hlíðinni, (ber við brú skipsins) svokallað flekaflóð, þunnt og meinlaust, þar sem engin byggð er.
 
9. febrúar 2004  Gestur Hansson, er einn af þeim sem reglulega fara á fjöllin hér í nágrenni, bæði á vélsleða sínum sem og tveimur jafnfljótum.
Hann var á einum slíkum göngutúr í gærdag í sólinni norðan og ofan við "Stóra bola" , er hann skyndilega féll niður úr snjónum, sem þarna var tæpur metir að þykkt, svona fyrirbrygði eru ekki óalgeng, þar sem td. lækir eru, en þarna voru engir lækir, og það sem vakti furðu Gests á þessu atviki, var að á móti honum kom talsvert hitauppstreymi sem greinilaga varða vart, þar sem á svæðinu þarna uppi var amk. -12°C frost. Og þegar að var gáð var þarna einnig grænan gróður að finna.
Spurningin er: Hafa einhverjir skýringu á svona fyrirbrygði; stóru holrúmi undir snjóskelinni, og hitauppstreymi sem að vísu, ekki var finnanlegt eftir nokkra stund?
Er þarna einhver varmi í jörð á þessu svæði, sem dæmi eru til um hér innanfjarðar, þó ekki sé svo hátt uppi. Eða spyrja menn í "gamansömum" tóm er að koma eldgos !!!! Nei varla, en spurning hefur vaknað: Hver er orsökin, hver getur svarað?

  9. febrúar 2004  Íþróttamaður ársins á Siglufirði var kjörinn í gærkveldi, ásamt stórum hópi íþróttamanna úr hinum ýmsu greinum íþrótta. Titilinn Íþróttamaður ársins á Siglufirði í ár hlaut Salóme Rut Kjartansdóttir. Smelltu á myndina og skoðaðu 32 myndir - en ég bíð enn eftir textanum sem mun fylgja þeim
Hann á afmæli í dag 9. febrúar 2004