Lífið í okt 10-16 2004 | Lífið í okt 17-23 2004 | Lífið í okt.24-31 2004 | Lífið í okt 1-10 2004

>>>>>>>>>>> Lífið í okt 17-23 2004

   Siglfirski fréttavefurinn  Lífið á Sigló- s. 892-1569

Námskeið í ullarþæfingu - verður haldið á Sigló í byrjun nóvember næstkomandi, ef næg þátttaka fæst. Námskeiðið hentar bæði byrjendum og þeim sem lengra eru komnir. - Ódýrara og einfaldara en þú heldur. Upplýsingar gefur Margrét Steingrímsdóttir í síma 896-5351

Laugardagur 23. október 2004  Fiskmarkaðurinn sem hér var stofnaður fyrr í mánuðinum er nú kominn aftur á skrið eftir ógæftirnar undanfarna daga. Mikill og vænn fiskur barst þangað í gær og allt var þar á fullu er ég heimsótti markaðinn í gærkveldi. Ég tók þar myndir af starfseminni.
Smelltu á myndina.

Laugardagur 23. október 2004 Steggjapartí. Félagar Baldvins Ingimarssonar héldu honum geggjað steggjapartí í gærkveldi í tilefni af því að hann er genginn út. En hann ætlar að gifta sig Hrefnu Katrínu Svavarsdóttur, sem raunar kom einnig fram í tilefni af gæsapartí sem henni var haldið þann 15. október síðastliðinn. Félagar Balda bakara komu með hann akandi í körfu, stoppuðu á Torginu og hífuðu um 10 metra í loft upp og sögðust ekki slaka honum niður fyrr en hann hætti við giftinguna. Baldi neitaði auðvitað og félagarnir gáfust upp á biðinni og lofuðu honum niður, en létu hann í staðinn auglýsa og selja hveiti á Torginu.

Laugardagur 23. október 2004  Sunna SI 67 - Samkvæmt Fiskifréttum, þá er Sunnan komin á Flæmska hattinn til rækjuveiða eftir rúmlega árs hlé. Skipið ef nú skráð í Eistlandi og mun veiða á Eistlenskum sóknardögum. Að útgerð skipsins stendur félagið Anglo ehf en eigandi þess er Bjarnar ehf og tengdra aðila, meðal annarra Þormóður rammi Sæberg.  --- Einnig úr Fiskifréttum: Þrír af hverjum fjórum ísrækjutogurum hættir, eða að hætta. -- Þar á meðal eru Múlaberg SI 22 sem er kominn á fiskitroll - Sólberg SI sem fer á fiskitroll - og Stálvík SI 1 sem verður lagt.

Laugardagur 23. október 2004  Ein gömul:  18. júlí 1962, var síldarflutningaskipið Stokkvik, nærri sokkið við löndunarbryggju SR á Siglufirði. Orsökin var sú að skipstjórinn lét fjarlægja milliskilrúmin í miðju skipsins, þrátt fyrir andmæli löndunarkarla, með þeim afleiðingum sem löndunarkarlarnir spáðu; síldin rann út í aðra hlið skipsins og má segja að fyrir snarræði SR manna, þá tókst að njörva skipið við bryggjupollana með vinduvír sem þarna var til staðar og og með hjálp fráfalls, þá strekktist á vírunum og skipið hallaði ekki meir. Síðan kom dýpkunarskipið Björninn og "krabbaði" síldinni úr bakborðshlið skipsins þar til það rétti sig við og eðlileg löndun hélt áfram. Skipstjórinn létt ekki sjá sig við næstu landanir skipsins sem kom nokkrar ferðir til viðbótar með síld frá Seyðisfirði ásamt fleiri skipum.

Föstudagur 22. október 2004  Kajakamyndir. Ef að einhver sem sér, eða ætti myndir frá Kajaka árunum gömlu, vinsamlega sendið mér, ég er að safna svona myndum og mig vantar alveg myndir sem teknar væru inni í firði.
Sveinn Þorsteinsson
svennith@simnet.is
 

Föstudagur 22. október 2004 Ýtarleg frásögn af slysi, birt í blaðinu Fram í nóvember 1922  -- Mun ýtarlegri en fréttamenn mundu greina frá á okkar tímum, árið 2004 ? 
Byrjaðu á mynd; frá vinstri til hægri.

Föstudagur 22. október 2004 Ein gömul:
Bjarni Bjarnason (Boddi Gunnars) og Júlíus Gunnlaugsson.

Fimmtudagur
21. október 2004 -
JE-Vélaverkstæði. Ég leit inn hjá þeim félögum, sem allir voru önnum kafnir í verkefnum. En aðal verkefni þeirra að undanförnu hefur verið við að sinna smábátunum, bæði heimbátum og aðkomubátum. Það má segja að sú þjónusta sé alhliða, allt frá smá reddingum - véla og búnaðarskipta og breytingar, og einn bát eru þeir nú að vinna við að lengja um tæpa tvo metra. Myndirnar hér sem teknar voru eftir hádegið í dag sýnir bátinn sem verið er að lengja. Fjóra af 10 starfsmönnum verkstæðisins; Guðni Sigtryggsson verkstæðisformaður - Sigurður Steingrímsson - Ámundi Gunnarsson og Gunnar Þorsteinsson og þriðja myndin sýnir tvo af bátum sem eru í klössun hjá þeim, fjórði báturinn lá við bryggjuna framan við verkstæðið með lekar glussaslöngur við stýrisbúnað.

Fimmtudagur 21. október 2004
Úr fundargerð Siglufjarðarkaupstaðar frá 1922, birt í blaðinu Fram 16. desember 1922 -

Fimmtudagur 21. október 2004  Ein gömul: Jón Sigurðsson - Ásgeir Björnsson - Ari Jónsson og Gísli Hallgrímsson.

Miðvikudagur 20. október 2004 Síldarminjasafnið.
(Bátahúsið) Þangað skrapp ég í morgun og fékk mér kaffisopa með þremur heiðursmönnum; Örlyg Kristfinnssyni safnverði - Páli Helgasyni kennara og Þór Jóhannssyni safnara. En í sal Bátahússins hitti ég á eftir Svein Þorsteinsson starfsmann safnsins við "föndurvinnu," það er viðhald eins af safngripunum, sem margir hverjir þarfnast aðhlynningar. Alls munu um 14 þúsund safngestir hafa komið í safnið það sem af er þessu ári

Miðvikudagur 20. október 2004 Ein gömul: Saumaklúbbur, tekið 7. apríl 1962 - Ég þekki þær allar (með gælunafni) en gef mér ekki tíma til að fletta því upp. Einhver sendir mér nöfnin. -Er það ekki?

Þriðjudagur 19. október 2004  Ein gömul:  Óskar Garðarsson og Jón Sigurðsson.

Mánudagur 18. október 2004  Um klukkan 15:45 í dag afhenti formaður kvenfélagsins Von fyrir hönd félaga, Önnu Gilsdóttur hjúkrunarforstjóra Heilbrigðisstofnun Siglufjarðar, stofnuninni að gjöf  sérstaka baðstóla sem ætlaðir eru mikið sjúkum sjúklingum vegna hinnar venjubundnu hreinlætis ummönnunar. Myndin sýnir Konráð Baldvinsson framkvæmdastjóra - Auður Björnsdóttir, Von - María V Karlsdóttir, Von - Anna Snorradóttir formaður Von, - Pálína Pálsdóttir, Von - Guðlaug Guðmundsdóttir,Von  og Anna Gilsdóttir hjúkrunarforstjóri. Stólarnir eru í forgrunni. Einnig var stofnuninni afhentar litlar sérhannaðar sálmabækur að gjöf frá kvenfélaginu Von.

Mánudagur 18. október 2004  Það er lítið um að vara á Sigló í dag og ekki komst ég að neinu markverðu, en til að fylla upp í fréttaleysið, þá kemur hér ein eldgömul frétt. Blaðið Norðri á Akureyri desember 1920.

Mánudagur 18. október 2004  Ein gömul: SR-ingunum (suðurbæingunum) keyrt heim í hádeginu,- Frystihúsið og "lóðin."

Sunnudagur 17. október 2004 Ein gömul: 
Vel varið; KS og KA - 17. september 1961