Tankur á ferð | 5 skip með yfir 10 þús. | Skíðalandsmótið | Skíðamót bls 34-35 | Úrslit, landsmótsins | Halldór Matthíasson | Haukur Jóhannsson | Margrét Baldvinsdóttir | Hafsteinn Sigurðsson | Steingrímur / Rögnvaldur | Íslenskur sigur | Næsta landsmót | Sviptingar á Skarðsmóti | Óánægja á Vestfjörðum | Blanda atvika

>>>>>>>>>>> Íslenskur sigur

Þriðjudagur 8. maí 1973 Pistillinn: Ókunnur Íþróttafréttaritari Morgunblaðsins. Ljósmyndir: Steingrímur.

Íslenskur sigur

Íslenskur sigur í skíðalandskeppninni við Skota, Árni Óðinsson sigraði bæði í svigi og stórsvigi

Íslendingar unnu skota með nokkrum yfirburðum í landskeppni þjóðanna í alpagreinum á skíða-landsmóti sem fram fór í Hlíðarfjalli við Akureyri á laugardag og sunnudag.

Skotar höfðu aðeins eins stigs forustu eftir fyrsta dag keppninnar, stórsvigið, staðan var 32:31 í stórsviginu var hins vegar um yfirburði Íslendingana að ræða og urðu lokatölur 73:50 Íslandi í vil.

Skosku stúlkurnar höfðu yfirburði fram yfir þær Íslensku, en í karlagreinunum áttu Íslendingarnir bestu menn með Árna Óðinsson í fararbroddi.

Árni Óðinsson náði bestum brautar-tíma  keppendanna i báðum ferðum og þó svo að Árni hafi ekki náð gulli í einstaklingsgrein á  nýafstöðnu skíða-landsmóti, þá stóð hann sig best í þessari keppni.

Haukur Jóhannsson frá  Akureyri var eitthvað miður sín á laugardaginn og náði ekki að sýna sitt rétta andlit.

Hafsteinn Sigurðsson, fyrirliði landsliðsins og Haukur Jóhannsson Akureyri

Haukur  hafnaði í fjórða sæti á eftir Reykvíkingnum Guðjóni Inga Sverrissyni, sem sýnir miklar framfarir í  hverju móti.

Hafsteinn Sigurðsson frá Ísafirði var langt frá sínu  besta og varð nú í fimmta sæti stórsvigsins, en í þeirri grein varð hann sigurvegari á íslandsmótinu.

Í sviginu  gekk Ísensku stúlkunum talsvert betur en í stórsviginu og röðuðu þær sér í sætin á eftir Field frá Skotlandi, en það skal tekið fram að hinum skosku Stúlkunum, Carmichael og Allison, hlekktist á.

Í svigi  karla var um algjöra Íslenska yfirburði að ræða, Árni, Haukur, Jónas og Hafsteinn fengu fjóra  bestu tímana og færðu Íslendingum öruggan sigur. Tveir Skotanna voru dæmdir úr leik, þar á  meðal Fuch, en hann var eini Skotinn sem var svipaður íslensku piltunum að getu.

Árni Óðinsson á fullri ferð á Skíðalandsmótinu, þá gekk  honum ekki sérstaklega vel, en í skíðalandskeppninni var  hann sannarlega maður keppninnar og sigraði bæði í svigi  og stórsvigi.

Margrét Baldvinsdóttir, fremst skíðakvenna í landskeppninni

Þetta var í annað skipti sem landskeppni sem þessi fer fram og sigruðu Íslendingar í fyrra  skiptið. Landskeppni Íslands og Skotlands verður í framtíðinni árlegur viðburður og fer næsta  keppni fram í Skotlandi.

Skosku keppendurnir hafa allir æft og keppt víða um Evrópu í vetur  og er þessi sigur Íslands því mjög ánægjulegur, en okkar skíðafólk hefur því miður ekkí fengið  mörg tækifæri til að spreyta sig í keppni við erlenda skíðamenn.

Tilhögun keppninnar var þannig að fjórir karlar kepptu frá hvoru landi og fékk fyrsti maður 10 stig, annar 8, þriðji 6, fjórði 5 osfrv. Hjá stúlkunum voru keppendur hvorrar  þjóðar þrír, fyrsti fékk 8, annar 6, þriðji 4, næsti 3, stig osfrv.

Veður var mjög gott til keppni báða dagana, og þá sérstaklega á laugardaginn er keppt var í  stórsvigi, sól og sumarblíða. Var gripið til þess ráðs að frysta brautirnar, en það hefur ekki  verið gert áður í stórsvigskeppni hér. Piltar og stúlkur fóru sömu brautir og fóru stúlkurnar á  undan

Í sviginu voru tvær brautir, sú fyrri var 550 m löng, með 55 hliðum,  fallhæðin var 180 metrar. Síðari brautin var 480 metra löng, með 65 hliðum, fallhæð 180 m. Í stórsviginu var brautin 1000  metrar  hæðarmismunur 240 m og hliðin 45.