Miðvikudagur 16. maí 1973 Ljósmynd: Steingrímur.
Næsta skíðalandsmót í Reykjavík
Í sambandi við skíðalandsmótið sem haldið var á Siglufirði um páskana, var einnig haldið skíðaþing. Ýmis mál lágu fyrir þinginu og þá meðal annars umsókn frá Reykvíkingunum að halda næsta skíðalandsmót og var sú umsókn samþykkt. 
Frá skíðaþinginu sem haldið var á Siglufirði á föstudaginn langa. Frá vinstri: Bragi Magnússon, Þórir Jónsson, Gunnar Pétursson og Óli Lúðvíksson
Þá var ákveðið að næsta unglingameistaramót á skíðum yrði haldið á Siglufirði.
Á skíðaþinginu var meðal annars ákveðið að veita Siglfirðingum alla mögulega aðstoð í sambandi við byggingu tveggja stökkpalla í Skútudal. Verður væntanlega hafist handa við byggingu þeirra næsta sumar en þeir verða 41 metra og 62 metra.
Þórir Jónsson var endurkjörinn formaður Skíðasambands, en auk hans eru í stjórn þeir Helgi Sveinsson Siglufirði, Haukur Sigurðsson, Ísafirði, Gísli B Kristjánsson, Kópavogi, Stefán Benediksson, Húsavík, Rúnar Steinþórsson, Reykjavík, Þráinn Þórhallsson Reykjavík og Hermann Sigtryggsson Akureyri. Á.I.J.
