Barnaskóli Siglufjarðar 80 ára
Barnaskóli Siglufjarðar var stofnsettur í des. 1883. Var fyrst kennt í lítilli stofu í litlu tómthúsbýli, sem þá hét Búðarhóll, við fremur léleg og fátakleg skilyrði.
Fyrsti skólastjóri var Helgi Guðmundsson, þáverandi héraðslæknir. Þegar leið að síðustu aldamótum var litla stofan í Búðarhóli orðin ofsetin vegna vaxandi barnafjölda. Var þá ráðist í að byggja timburhús við Aðalgötu, þar sem nú stendur pósthúsið.
Fljótlega úr aldamótum byrjaði innflutningur fólks í bæinn í atvinnuleit, börnum fjölgaði ört, svo fyrirsjáanlegt var, að á næstu árum væri litla timburhúsið ófullnægjandi og mynd.i ekki fullnægja þeim kröfum, sem þá var farið að gera til barnfræðslu í landinu.
Árið 1913 var hafist handa með byggingu stærra skólahúss úr varanlegu efni, sem valinn var staður þar sem það nú stendur. Á þessu húsi hafa á síðari árum farið fram miklar breytingar, kennslurými stækkað ma. og má það nú teljast með veglegustu skólahúsum.
Þau fluttu þætti úr sögu og lífi skóla síns á 80 ára afmælinu
 |
Hlöðver Sigurðsson núverandi skólastjóri, sem með þessu skólaári hefur verið 20 ár skólastjóri Barnaskóla Siglufjarðar. |
Þessara merku atburða, var minnst með samkomu í Siglufjarðarkirkju, 18.desember sl.
Skólastjórinn, Hlöðver Sigurðsson, setti samkomuna og stjórnaði henni. Aðalræðuna flutti formaður fræðsluráðs, Baldur Eiríksson rakti hann sögu barnafræðslu og skólahalds hér á landi frá fyrstu tíð, og endaði með sögu barnafræslu í Siglufirði. Var ræðan sérstaklega fróðleg og mjög ítarleg.
Þá flutti Andrés Hafliðason, fyrrverandi form. skólanefndar, minningar frá bernskuárum barnafræðslunnar hér í bæ og bar að nokkru saman þau skilyrði, sem þá var búið við og þau sem nú eru.
Sex börn úr tólf ára bekk fluttu þætti úr lífi og sögu barnafræðslunnar og minntust ýmsa látinna manna í skólamálum á ýmsum tímum, og brugðu upp allskýrri mynd af þeim svip, sem þeir höfðu, hver á sínum starfstíma við skólann, sett á barnafræðsluna hér í bæ Þessir þættir voru sérlega vel samdir, vel fyrir komið og var flutningur barnanna mjög góður.
Heillaskeyti allmörg bárust til skólans, svo sem frá fræðslumálastjóra o.fl. Voru þau lesin upp. - Þá voru skólanum færðar gjafir. Frú Þorfinna Sigfúsdóttir gaf stækkaða mynd af Guðmundi Skarphéðinssyni, fyrrverandi skólastjóra. Tólf ára börn gáfu stækkaða mynd af núverandi skólastjóra. Hlöðver Sigurðssyni. Skólastjórinn þakkaði..
 |
 |
|
Baldur Eiríksson, formaður fræðsluráðs rakti sögu barna-fræðslu og skólahalds frá fyrstu tíð |
Andrés hafliðason fyrrverandi formaður skólanefndar, flutti minningar frá bernsku barnafræðslu hér í bæ. |
Bæjarstjórinn Sigurjón Sæmundsson, flytur ávarp sitt |
Milli erindaflutnings og upplestraþátta barnanna, voru sungin lög eftir séra Bjarna Þorsteinsson o.fl. Þar var sungið lag eftir Tryggva Kristinssona, organleikara, sem lengi var söngkennari . við skólann. Sönginn fluttu skólabörn 9-12 ára, við undirleik nokkra manna úr Lúðrasveit Sigluf jarðar.
Að aflokinni athöfninni í kirkjunni van gengið til skólahússins. Þar flutti sóknarpresturinn, séra Ragnar Fjalar Lárusson ræðu og Lúðrasveit Siglufjarðar lék nokkur sálmalög, undir stjórn Gerhards Schmidt.
Báðar samkomurnar fóru mjög virðulega og myndarlega fram, þeim til mikils sóma, sem að stóðu, sérstaklega þó Hlöðver Sigurðssyni skólastjóra, sem bar allan hita og þunga þessarar afmælishátíðar.
Séra Ragnar Fjalar Lárusson flutti vígsluávarp í barnaskólanum |
