Lífið í sept. 1-10 2005 | Lífið í sept 11-17 2005 | Lífið í sept. 18-24 2005 | Lífið í sept 25-30 2005

>>>>>>>>>>> Lífið í sept 11-17 2005

Laugardagur 17. september 2005  

Uppskeruhátíð KS er í kvöld í Bíó Salnum og dansleikur að henni lokinni í boði KS

Í hádeginu:  Sólskin * Hiti 10,1 °C *  SV 6,3 m/s

Laugardagur 17.september 2005 õ Veðrið í hádeginu ñ Veðurstöðin í Bakka.  --    ö  Tankar og Löndun

Laugardagur 17. september 2005  Heljarmikið knall og fjör var í Bíó Salnum í gærkveldi, þegar eigendur Bíó Café héldu opnunarhátíð sína fyrir fullu húsi vina og vandamanna, eins og Friðfinnur Hauksson komst að orði í setningarræðu sinni. Á myndinni hér til hliðar eru eigendurnir; hjónin Hallfríður Jóhanna Hallsdóttir og Ægir Bergsson - Elías Bjarni Ísfjörð og hjónin Sigurbjörg Elíasdóttir og Friðfinnur Hauksson. Myndasyrpa sem ég tók á hátíðinni er hér = .

Föstudagur 16. september 2005  Maður septembermánaðar kjörinn af Kaupmannafélagi  Siglufjarðar, fékk viðurkenningu sína í dag eftir hádegið. Fyrir valinu að þessu sinn var Arnfinna Björnsdóttir listakona með fleiru. Myndin er af henni með viðurkenninguna og blómvönd inni á vinnustofu sinni við Aðalgötu 11. Með henni eru stjórnarmenn félagsins  Helga Freysdóttir - Freyr Sigurðsson og Elín Þór Björnsdóttir

Í hádeginu: Þurrt * Hiti 9,4 °C *  SV 4,5 m/s

Föstudagur 16.september 2005 õ Veðrið í hádeginu ñ Veðurstöðin í Bakka.  --    ö  Óskarsgata 7 Primex

Föstudagur 16. september 2005  7.-10. bekkir fengu góða heimsókn í vikunni. Katrín Andersen sem bjó 8 ár í Danmörku kom með au-per stúlkuna sína, Mariu Skeldrup Mogensen, í heimsókn í dönskutíma. Það er ekki á hverjum degi sem við fáum ekta Dana í heimsókn og á svipuðum aldri og nemendurnir. Katrín sagði nemendum frá þeirri reynslu sinni að búsetja sig í öðru landi og þurfa að bjarga sér á öðru tungumáli og hvað það er nú gott að kunna svolitla dönsku þegar maður ákveður að flytja til Danmerkur! Nemendur spurðu Mariu spurninga á dönsku og fengu svar á “ekta dönsku” og skildu mest allt. Þær stöllur sögðu frá ýmsu áhugaverðu frá Danmörku og úr dönsku þjóðlífi. Þetta voru hinir ágætustu tímar og nemendur ánægðir með tilbreytinguna. Við flytjum þeim kærar þakkir fyrir framtakið og vonumst til að sjá þær oftar. Guðný dönskukennari

Föstudagur 16. september 2005  Loksins - loksins, er hún komin í gagnið vefmyndavélin, þó ekki sé endanlega búið að ganga frá stillingum og vali á myndskeiðum þeim sem vefmyndavélin hefur upp á að bjóða. Þetta verkefni hefði mér ekki verið kleift að framkvæma, hefði ég ekki notið hvatninga, vinnu og beinna peningaframlaga frá hinum ýmsu aðilum, sem of langur listi væri að nefna hér. En ég verð þó að nefna frumkvöðlanna sem komu verkinu af stað og tóku þátt í verkefninu til loka, en það eru Baldvin Einarsson - Róbert Guðfinnsson - Óskar Berg Elefsen - Þórir Kristinn Þórisson - Norðurfrakt - Sparisjóðinum - Vöku - og tækniaðstoð frá Júlíusi Hraunberg - Sigurði Stefán Sigurðarsyni Nýherja og símastrákunum hér Agli og Jóni - Rafbæ- ofl. ofl. En nöfn allra stuðningsaðila eru tilgreind eftir stafrófsröð neðarlega á forsíðu, Lífið á Sigló.  Ég vil færa þeim öllum innilegt þakklæti, og vona að þeir ásamt þeim þúsundum sem vef minn heimsækja, verði ánægjuríkari vegna þessa möguleika sem nú eru fyrir hendi: Að sjá hvernig viðrar heima, bæði í beinni og uppgefnum tölum frá veðurstöðinni í Bakka.. Og enn og aftur;
BESTU ÞAKKIR TIL YKKAR ALLRA.  -- 
Meðfylgjandi mynd er frá vefmyndavélinni klukkan 19:15 í gærkveldi --  +   

Föstudagur 16. september 2005  Eigendurnir munu halda opnunarhátíð með miklum tilburðum gleði og hlátri í kvöld, þar verður margt girnilegt á boðstólum - Fílapenslar - ÓB Kvartett - Helena Eyjólfs - Stúlli og Sævar - Gotti og Víðir - svo eitthvað sé nefnt. En nýir rekstrar aðilar hafa tekið við rekstrinum í hinu upphaflega Nýja Bíó, sem nú mun ganga undir nafninu Bíó Café

Föstudagur 16. september 2005  Frá Sparisjóðnum: 14. september 2005 - Húð og hár - Námskeið undir fyrirsögninni Húð og Hár var haldið er á vegum Æskó á dögunum. Hver einasta stúlka í 8. 9. og 10. bekk skráðu sig og um tuttugu strákar og varð að skipta námskeiðinu niður á fjögur kvöld. Farið var yfir hvernig á að hugsa um húð og hár og hvernig skal nota hinar ýmsu vörur sem í boði eru. Leiðbeinandinn á námskeiðinu var Þórunn Alda Gylfadóttir sem er bæði förðunarfræðingur og hárgreiðslumeistari. Í lok námskeiðsins voru allir leystir út með Clarins húðhreinsisett sem Sparisjóðurinn gaf. --  Við fengum nokkrar myndir frá námskeiðinu og þær er hægt að sjá hér.     ----   9. september 2005 - Óvissuferð Sparisjóðsins - Sparisjóðurinn bauð 14-16 ára krökkum sem lögðu sumarlaunin sín inn hjá Sparisjóðunum í óvissuferð um síðustu helgi. Farið var af stað með 25 unglinga frá Siglufirði kl 08:30 og var fyrst stoppað við réttina hjá Ólafsfirði þar sem farið var í stígvélakast, sem er merkilegur leikur sem gengur út á að kasta stígvéli með tilburðum. Þaðan var farið í byggðasafn Dalvíkur og það skoðað en þar innan dyra er safnið um Jóhann risa. Næsti viðkomu staður var svo Pizza 67 þar sem boðið var í pítsuhlaðborð og þaðan var svo haldið í skautahöllina og þar fóru allir í íshokký. Eftir hokkýið var farið í ísbúð og í framhaldi af því var farið í júdósalin þar sem Hans Rúnar, sem kenndi þeim einu sinni, tók á móti þeim ásamt yfirþjálfara júdófélagsins. Þeir kenndu krökkunum ýmis varnarbrögð og annað skemmtilegt og gerði þetta stormandi lukku og þegar þessu lauk var farið í sund og síðan í hlaupakeppni á kirkjutröppunum. Svo var komið að mat og næs á Greifanum og ís á eftir.
Þegar hér var komið við sögu voru allir orðnir saddir og þreyttir svo haldið var heim á leið með viðkomu að Hlíðarenda í Skagafirði en þar fengu krakkarnir að skoða hátæknifjós sem nýlega er búið að byggja og fannst þeim það mjög merkilegt, enda er þar róbóti sem sér um að mjólka beljurnar. Komið var til Siglufjarðar um kl 21:00 og áður en krakkarnir héldu heim á leið var þeim færð taska að gjöf frá Sparisjóðnum og fóru þau þreytt og ánægð heim. Smelltu hér til að skoða myndir úr ferðinni.

Föstudagur 16. september 2005  Ein gömul:
 
Frækið fótboltalið Bæjarstjórnar Siglufjarðar 17. júní 1974.

Í hádeginu: Þurrt * Hiti 8,6 °C *  SV 6,7 m/s

Fimmtudagur 15.september 2005 õ Veðrið í hádeginu ñ Veðurstöðin í Bakka.  --    ö  Rækjuvinnsla ÞRS

Fimmtudagur 15. september 2005  Ein gömul:   Þær voru ekki óvanar heyskap þessar gömlu hetjur, sem allir voru í vinnu hjá Siglufjarðarkaupstað þegar þessi mynd var tekin í júnímánuði 1974

Í hádeginu: Sólskin * Hiti 5,8 °C *  NA 1,8 m/s

Miðvikudagur 14.september 2005 õ Veðrið í hádeginu ñ Veðurstöðin í Bakka.  --    ö  Tjarnargata ??

Miðvikudagur 14. september 2005 Ein gömul:   Á þessari mynd er Ægir Jónsson vélsmiður að vinna við skrúfubúnað á trillunni hans Gísla Jónssonar sem stendur hjá og fylgist með. Þá eru einnig sitjandi á bryggjukanti Hafnarbryggjunnar, þrír áhugasamir áhorfendur. Hans Þorvaldsson - Hannes Garðarsson og Gestur Hansson vélstjóri

Miðvikudagur 14. september 2005 
Fanney Hauksdóttir
er 45 ára í dag. Þessar myndir eru teknar af okkur hjá Dóru Diego Dóttir okkar, í Apríl í ár þegar hún var að útskrifast frá háskólanum i Miami USA, sem interior design (innanhús arkitekt) Kær kveðja frá okkur í Sweden, Þorkell Kristjánsson

Í hádeginu: Rigning * Hiti 4,2 °C *  N 11,6 m/s

Þriðjudagur 13.september 2005 õ Veðrið í hádeginu ñ Veðurstöðin í Bakka.  --    ö  Tjarnargata 18

Þriðjudagur 13. september 2005  LOKAHÓF KS 2005 -- KS ingarnir ætla að slá botninn í sumarið með lokahófi í Bíó salnum (Bíó Café) næstkomandi laugardag klukkan 20:30 Ekki er að efa að allir stuðningsmenn mæti- En allir þeir sem þátt tóku framkvæmd Pæjumótsins eru sérstaklega hvattir til að mæta svo og aðrir styrktaraðilar. Boðið verður upp á léttar veitingar, viðurkenningar afhentar ofl. Aðgangur er ókeypis og á eftir verður dansleikur í salnum Hljómsveitin Terlín leikur fyrir dansi fram á nótt. Aðgangur ókeypis, en aldurstakmörk 18 ára

Þriðjudagur 13. september 2005  Ég sendi þér meðfylgjandi mynd, sem ég tók af svölunum hjá mér. Þ.e. í Kópavoginum, um hálf níuleytið í gærkveldi.  ---  Eldrauð sólarlagsmynd, horft yfir Fossvoginn. Sem ég verð að leyfa ykkur að njóta með mér.
Með kv. úr borginni -- Jón Óðinn Reynisson

Þriðjudagur 13. september 2005 Ein gömul:  Þessi mynd varð útundan, þegar ég setti syrpu Leikfélagsins inn í gær. Þetta er allur hópurinn sem stóð að leikritinu.

Í hádeginu: Sólskin * Hiti 7,4 °C *  S 0,4 m/s

Mánudagur 12.september 2005 õ Veðrið í hádeginu ñ Veðurstöðin í Bakka.  --    ö  Tjarnargata -16

Mánudagur 12. september 2005  Vinnufélagi minn hjá VÍS, Friðrik Ólafsson, skrapp til Héðinsfjarðar í ágúst síðastliðnum. Lánaði ég honum myndavél og bað hann festa á filmu þennan umtalaða fjörð. Hér eru nokkrar mynda hans.  - 
Þessi staka er sett saman úr sex myndum. -  Með kveðju Guðmundur J. Albertsson ---- Þetta er fjörðurinn margumtalaði, Héðinsfjörður sem ALLIR fá nú bráðlega tækifæri til að skoða. Af myndunum sem fylgja, má ætla að Héðinsfjörður sé nærri því sama náttúruperlan og fjörðurinn okkar Siglufjörður  SK

Mánudagur 12. september 2005  Lionsmenn voru eins og margir í viðhaldshugleiðingum á félagsheimili sínu.
Þessar myndir tók Júlíus Hraunberg þegar þeir voru að skipta um glugga hjá sér síðastliðinn laugardag -- (fyrri og seinnipart dagsins)

Í hádeginu: Súld * Hiti 3,3 °C *  N 3,1 m/s

Sunnudagur 11.september 2005 õ Veðrið í hádeginu ñ Veðurstöðin í Bakka.  --    ö  Tjarnargata -???

Sunnudagur 11. september 2005  Síld eða ufsi - varla loðna?  Vestan við Strákagöng, allt framundan Skriðum og yfir um kílómetra til vesturs, kraumaði sjórinn skammt frá landi af vaðandi fiski seinni partinn í gær, margir stórir flekkir allir á iði, greinilega vaðandi fiskur. Þetta minnti mig ansi mikið á vaðandi síld eins og ég sá síðast inni á Siglujarðarhöfn í vor. -
Myndina til hægri tók Sveinn Þorsteinsson

Sunnudagur 11. september 2005 Þótt fáir séu hrifnir af þessari tegund "ránfugla", þá er því ekki að neita að tignarlegir eru þeir á flugi.
Hvað hann heitir nákvæmlega vil ég ekki fullyrða, en mér er sagt Silfurmávur.
Myndina tók ég í gær.

Sunnudagur 11. september 2005 Víða er tekið til hendinni þessa dagana, annars vegar er hér unnið að viðgerð á þakinu á húsi við  Túngötu 11, sem einnig er verið að klæða að utan- og hinsvegar er verið að mála húsið Þormóðsgata 26 -- En báðar myndirnar voru teknar í gær

Sunnudagur 11. september 2005 Ein gömul:    Það snjóaði mikið í febrúarmánuði árið 1974. Háspennulínur frá Skeiðsfoss til Siglufjarðar, margslitnuðu og létu undan þunga ísingar sem á vírana festi, braut niður staura og gerði meiri usla.. Á þessari mynd sést suður eftir háspennulínunni í Fljótum, allstaðar á milli staura lafir línan niðri.
Nánar um þennan atburð má finna HÉR