Lífið í Júlí 1-9 2005 | Lífið í júlí 10-16 2005 | Lífið í júlí 17-23 2005 | Lífið í júlí 24-31 2005

>>>>>>>>>>> Lífið í júlí 17-23 2005

Laugardagur 23. júlí 2005  Byrjað var á malbikun við útivistarsvæðið við innkeyrsluna í bæinn í morgun - og svæðið óðum að taka á sig áætlaða mynd.

Laugardagur 23. júlí 2005  Stálvík SI 1 er nú komin að Hafnarbryggjunni frá Innri höfninni þar sem skipið hefur legið undanfarna mánuði. Það á lesta skipið með brotajárni sem sigla á með til erlendrar hafnar. En fyrir liggur að reyna að selja skipið, sem er vel gangfært þrátt fyrir langan aldur og gæti hentað einhverri erlendri þjóð, þó svo að ekki borgi sig að gera skipið út héðan. Stálvík var smíðuð fyrir ÞR árið 1973 og er fyrsti skottogari Íslendinga sem smíðaður var hérlendis -- Skuttogarinn Siglfirðingur var aftur á móti fyrsti skuttogari Íslendinga, smíðaður í Noregi fyrir Siglfirðing hf. árið 1964

Laugardagur 23. júlí 2005

Garðálfurinn okkar Siglfirðinga, Arnar Heimir, bað mig í gær að taka mynd af  glæsilegu Gullregni sem er núna væri að blómstra gulum og fallegum blómum sunnan við Laugaveg 15. Hann var þar mættur og bað mig, þar sem ég væri kominn að taka einnig mynd af tveimur fallegum rósum einnig, sem og ég gerði.
En til að setja örlítinn hroll á Arnar, þá skrapp ég á "ströndina" og tók mynd af eina blóminu sem hefur komið mér til að dáðst að sér, það er Lúpínan.---   Gullregn er lengst til vinstri,  Bóndablóm næst, einhver rós inni í gróðurhúsi, sem ég man ekki hvað hann nefndi og uppáhaldið mitt; Lúpínan

Laugardagur 23. júlí 2005 Hann er kominn í startholurnar hann Guðmundur Gauti. En hann er búinn að breyta pylsuvagninum sínum í þriggja stjörnu veitingastað með tilheyrandi. Pylsurnar sem hann ætlar að selja í sumar og um Verslunarmannhelgina verða svo ljúffengar að þær nánast bráðna uppi í manni. Myndin er af Pylsuvagninum, Gauta og aðstoðarmanni.

Laugardagur 23. júlí 2005  Ein gömul:  Tveir fyrrverandi skipsfélagar mínir á Haferninum: Bersteinn Gíslason loftskeytamaður og Jón Garðarsson stýrimaður

Föstudagur 22. júlí 2005  HJALMAR BJØRGE kom hér inn í gærkveldi en stoppaði stutt. Um borð voru greinilega margir köfunarkútar og búnaður, þannig að auðséð að um einhverskonar leiðangur köfunarmanna var þarna á ferð. Báturinn bar Norskan fána

sveinnth@simnet.is

Föstudagur 22. júlí 2005  Á fimmtudaginn 28 júlí, mun   -  ÓB kvartett hita upp fyrir Verslunarmannahelgina með söngskemmtun á Kaffi Torg kl 22,00  --  Gestasöngvarar kvöldsins Helena Eyjólfsdóttir og Fílapenslar
Húsið verður opnað kl 20:30 Miðasala við innganginn,aðgangseyrir kr 1500 --- 
Byrjum helgina með stæl og allir að mæta 

Föstudagur 22. júlí 2005  Kærkomin sending frá Herði:  Ég sendi þér hér nokkrar myndir af ferð út á Siglunes með vinnuskóla Siglufjarðarkaupstaðar þar sem markmiðið var að hirða upp rusl bæði í fjörunni og á nesinu sjálfu. Þegar öllu hafði verið safnað saman byggðum við myndarlega brennu sem við kveiktum í, í fjörunni. Grillaðar voru síðan pylsur í boði Íslandsbanka handa krökkunum og buðum við þeim sem staddir voru á Siglunesi að sjálfsögðu í mat, en þarna voru þeir staddir bræðurnir Hafsteinn, Þórður og Valgeir Sigurðssynir og nutum við dyggrar aðstoðar þeirra.
Það verður að segjast alveg eins og er, að þessir krakkar stóðu sig með mikilli prýði við þetta frekar erfiða verk undir traustri stjórn Sigrúnar Ingólfs. ----- Kveðjur, Hörður Júlíusson.  

Föstudagur 22. júlí 2005 Ein gömul:  Í góðum félagsskap;
Oranjebomm, lengi vel uppáhalds bjórinn okkar um borð í haferninum.-
Sigurður Jónsson og Ægir Björnsson.
 

Fimmtudagur 21. júlí 2005 Þessi mynd var tekin framan við Galli Sigló í gær.
Sigurjón Jóhannsson og kona hans Ásdís Gunnlaugsdóttir -
Gunnlaugur Ingimundarson og kona hans Rakel Pálsdóttir

Fimmtudagur 21. júlí 2005  Ein gömul:  Myndin er tekin þegar að KS varð Norðurlandsmeistari líklega 1963-64:
Aftari röð: Helgi Magg, Þröstur Stefáns, Freyr Sig, Valdi Rögg, Doddi Hjörleifs, Sæi Gests, Fremri röð: Sigurjón Erlends, Bjarni Þorgeirs, Ási Ingólfs, Addi Ólafs, og Biggi Lauga. -----  Þetta lið er sennilega besta lið sem KS hefur átt og lyfti okkur pollunum í hæstu hæðir. Það var þetta lið sem var næstum komið í umspil um veru í 1. deild en tapaði naumlega fyrir Þrótti Reykjavík á Melavellinum gamla. -- kv.  gt

Miðvikudagur 20. júlí 2005 Hnísa eða ? Þetta smáhveli var fast í fjörunni austar af vinnusvæði Bás ehf. -- Símon Helga hringdi í mig um klukkan 14:30 í dag og var ég fljótur á vettvang og tók þessa mynd til vinstri rétt áður en Símon hafði tekist að stjaka honum á flot aftur.
Þá tók Hnísan (?) stefnuna austur yfir fjörðinn og endaði sund sitt fastur á grynningunum í moldarlituðum sjónum um 20 metra frá landi austur af flugbrautinni.

Þriðjudagur 19. júlí 2005 Eins og sannur Siglfirðingur sagði Ásdís Sigurðardóttir, ætlar hún að bjóða upp á enn eitt námskið í stafagöngu, en nú um Verslunarmannahelgina - Síldarævintýrinu á Siglufirði.
Dagskrá Ásdísar er eftirfarandi:
Stafgöngukennslan fer fram á föstudeginum 29. júlí kl. 11 og kl. 17
   Á laugardeginum 30. júlí verður kennsla kl 13. ----      Þeir sem hafa áhuga á að læra stafgöngu hafi samband í síma 898-3310. ---- Hún verður með stafi fyrir þátttakendur. -- Ef einhverjir vilja kennslu fyrir hópa (saumaklúbbar, vinnuhópar, félagasamtök) þá er hún til þjónustu reiðubúinn. Ásdís er íþróttakennari og stafgönguþjálfari.   Meðfylgjandi mynd var tekin í marsmánuði síðastliðnum

Þriðjudagur 19. júlí 2005 Unglingabúðir Lions 2005 -- Hópur erlendra unglinga sem hér eru nú á vegum Lions hreyfingarinnar komu við í Bátahúsinu í morgun þar sem þessi mynd var tekin af þeim ásamt fylgdarliði

Mánudagur 18. júlí 2005 Unglingabúðir Lions 2005. - Lionshreyfingin heldur árlega unglingabúðir um allan heim í anda fyrsta markmiðs hreyfingarinnar “Að vekja og efla anda skilnings og trausts meðal þjóða.” Unglingabúðirnar sem nefnast “North Power” eru að þessu sinni haldnar að Hólum í Hjaltadal. Í dag mánudag og á morgun munu unglingarnir vera á Siglufirði í boði Lionsmanna á Siglufirði. Munu þau m.a. ganga yfir Siglufjarðarskarð, rölta um bæinn, heimsækja Síldarminjasafnið, heimsækja aldraðra og fara í siglingu.
Lionsklúbbarnir á Ströndum og Norðurlandi vestra halda búðirnar í ár. Þeir eru Lkl. Hólmavíkur, Lkl. Bjarma á Hvammstanga, Lkl. Blönduóss, Lkl. Skagastrandar, Lkl. Skagafjarðar, Lkl. Björk á Sauðárkróki, Lkl. Sauðárkróks, Lkl. Höfða á Hofsósi og Lkl. Siglufjarðar.

Mánudagur 18. júlí 2005  Þrastarhreiður við húsdyrnar. Óskar Berg sendi mér nokkrar myndir af þrastarhreiðri sem er við húsdyrnar hjá honum og ungarnir að skríða úr eggjunum.

Mánudagur 18. júlí 2005 Ein gömul:
Ekki veit ég hverjar stúlkurnar eru, en ég er viss um að í dag væri þetta ekki talinn heppilegur baðstaður.

Ljósmynd. G.F.

Sunnudagur 17. júlí 2005 Þetta hús vekur upp margar góðar minningar í huga eldri Siglfirðinga, það er gamla kaupfélagshúsið í Haganesvík. En þessi staður var fastur viðkomustaður áætlunarferða Búdda og co forðum daga, og þá gjarnan verslað eitthvað og margir höfðu þá augastað á alíslensu, ómenguðu smjöri, beint frá bóndabæjum í nágrenninu, sem þótti lostæti.
Sveinn Þorsteins átti árna leið um í gær og sendi mér þessa mynd.

Sunnudagur 17. júlí 2005  Í gær var opnuð sýning á lofti Bátahússins um Sören Goos iðnrekanda á Siglufirði. Í tengslum við sýninguna komu tvö af barnabörnum Sörens Goos ásamt mökum í heimsókn. Það eru þau Sören Goos og kona hans Ann- Dorrit og Mette Goos og maður hennar Rene. Flestir eldri Siglfirðingar þekkja vel til Goos en hann byggði síldarverksmiðju hér árið 1913 sem síðar varð Rauðka og keypti Gránu 1927. Sören rak einnig síldarsöltun hér og stundaði auk þess verslun og önnur viðskipti. Hinum miklu umsvifum Sörens Goos hér á Siglufirði lauk árið 1933 þegar hann seldi kaupstaðnum allar eigur sínar. Meðfylgjandi myndir eru frá opnun sýningarinnar og þar má sjá ýmsa forráðamenn safnsins og velunnara en sumir þeirra komu við sögu Rauðku á sínum tíma með einum eða öðrum hætti.