Lífið í des 1-10 2005 | Lífið í des 11-17 2005 | Lífið í des 18-24 2005 | Lífið í des 25-31 2005

>>>>>>>>>>> Lífið í des 25-31 2005

Mig vantar "bílskúr" til kaups á Siglufirði, helst á láglendi, en "skúrinn" verður væntanlega notaður undir lítinn vélknúinn plastbát ásamt viðkomandi kerru -- Upplýsingar: Steingrímur í síma 892-1569

 SAMKOMUR & UPPÁKOMUR -  Smelltu HÉR og skoðaðu +Munið jólakveðjurnar

Laugardagur 31. desember 2005 Siglufjarðarkaupstaður og Skíðafélag Siglufjarðar undirrituðu í dag gamlársdag verksamning um rekstur skíðasvæðanna. Í samningum fellst að Skíðafélagið tekur að sér rekstur skíðasvæða í Skarðsdal og Hólsdal. Samningurinn tekur gildi frá og með 1. janúar n.k. og gildir til eins árs. Á myndum við undirskrift fyrir hönd Skíðafélagsins; Magnús Jónasson - og fyrir hönd Siglufjarðarkaupstaðar; Runólfur Birgisson bæjarstjóri, og vottar af undirskrift voru stjórn Skíðafélagsins og fulltrúar bæjarins. Myndin lengst til hægri.

Laugardagur 31. desember 2005  õ Veðrið í hádeginu ñ Veðurstöðin í Bakka.              ö  Hlíðarvegur 35

Laugardagur 31. desember 2005 Blys á brúninni í sextugasta sinn. Í bókinni "Siglfirskir söguþættir" sem Þ. Ragnar Jónasson bæjargjaldkeri og fræðimaður (1913-2003) tók saman og kom út fyrir átta árum er kafli um þann sið að kveikja ljós á brún Hvanneyrarskálar um áramót. Fyrst var kveikt á blysunum um áramótin 1946-1947 og það er því í sextugasta sinn sem brúnin verður lýst upp núna um áramótin. Fréttavefurinn "Lífið á Sigló" hefur fengið leyfi barna Ragnars til að birta þennan kafla. -- Kaflinn er HÉR

Laugardagur 31. desember 2005  Listrænar ljósmyndir:  Reynir Þorgrímsson, sonur Þorgríms og Ingibjargar (Túngötu 1 hér forðum) hefur stundað listræna ljósmyndun. Ég fékk hjá honum nokkrar myndir til að kynna þetta áhugmál hans. -- Hann hefur haldið þrjár sýningar á þessu ári. Hann stækkar myndirnar upp í 50 x 65 sentímetra og setur þær síðan á striga og með blindramma, þá verða þær eins og fallegustu málverk.
Myndirnar hafa vakið mikla athygli og hann fyrirhugar að halda nokkrar sýningar á komandi ári. Sýnishorn af myndum hans er að finna hér >>

Laugardagur 31. desember 2005

Laugardagur 31. desember 2005
Kristín Álfhildur Bjarnadóttir
er 46 ára í dag - Hamingjuóskir í tilefni dagsins með kærri kveðju frá Álfhildi, sem er til hægri með Kristínu á myndinni

Föstudagur 30. desember 2005 Lagfærð tímasetning --- Skemmtikvöld Karlakórs Siglufjarðar er í kvöld kl. 21:00 --- Húsið opnar kl. 20:00 -- Karlakórinn mun syngja hefðbundin karlakóra lög ásamt léttara efni,
 og fáum við fullt af gestum sem syngja með okkur-- Góða skemmtun.

Föstudagur 30. desember 2005 Í dag og fram yfir áramótin, verður vefmyndavélin  á "Lífið á Sigló" með þetta sjónarhorn eins og sést á þessari mynd sem tekin var með vefmyndavélinni klukkan 11:06 í morgun.
Tilgangurinn með því að sýna aðeins einn ramma, er að sá, að þá geta þeir sem hafa opið á vélina fylgst með flugeldum sem skotið er á þessu svæði, meðal annars á gamlárskvöld klukkan 21:00 - en þá verður flugeldarunu skotið frá Hvanneyrarskálarhlíð, og svo auðvitað allt kvöldið til miðnættis. Þetta ætti að geta orðið þeim heimamönnum sem ekki komast út til að sjá- og þeim sem eru víðs fjarri, augnayndi. -- Ég vona að þetta komi þokkalega út.

Föstudagur 30. desember 2005  õ Veðrið í hádeginu ñ Veðurstöðin í Bakka.              ö  Hlíðarvegur 34

Föstudagur 30. desember 2005
Þessar myndir eru teknar af KLM í gær uppi í Skarðsdal, tvær fyrri á meðan bjart var en sú þriðja eftir að myrkur var komið á, en svæðið er vel upplýst og prýðilegt skíðafæri.

Föstudagur 30. desember 2005  Kveikt var á "blysunum" og ártalinu 2005 í gær á Hvanneyrarskálarbrún og hlíð,  öllum sem á horfa til ánægju.
Á morgun gamlársdag, verður birt stutt ágrip eftir Þ.R.J., þess skeiðs sem blysin á Hvanneyrarskálarbrún og hlíð og síðan ljósin fóru að gleðja Siglfirðinga  og gesti bæjarins um áramótin.

Föstudagur 30. desember 2005 Þann 21.12.2005 fæddist þessi litli drengur á fjórðungssjúkrahúsinu á Akureyri. Hann var 3430 gröm og 49 cm.
Hann er sonur Helgu Sigurveigar og Iosifs, (Helga er dóttir Stínu Boga og Kristjáns.)

Fimmtudagur 29. desember 2005  õ Veðrið í hádeginu ñ Veðurstöðin í Bakka.              ö  Hlíðarvegur 33

Fimmtudagur 29. desember 2005 Ný Siglfirsk heimasíða www.123.is/herdis  Herdís Sigurjónsdóttir Raunar er Herdís einnig með aðra eldri heimasíðu þar sem einnig er fullt af myndum og fleira efni http://frontpage.simnet.is/herdis/  þannig að greinilegt er að hún er engin viðvaningur. Herdís er dóttur Sigurjóns og Ásdísar

Fimmtudagur 29. desember 2005 Hin ódrepandi sveit skíðamanna og fleiri góðra manna, byrjuðu seinni partinn í gær að gera við og lagfæra stærstu ljósseríu bæjarins, ekki jólaljós, heldur hin hefðbundnu ljós sem lýsa upp brún Hvanneyrarskálar um og yfir áramótin á hverju ári- og teygja sig langt upp í hlíðarnar hvoru megin- og ekki má gleyma ártalinu 2005+2006. Það er unnið hörðum höndum að undirbúningnum, ekki aðeins á þessum vettvangi (vörugeymslu Olís) heldur víðar í bænum við önnur störf þessu tengt.

Fimmtudagur 29. desember 2005  Flugeldasala Björgunarsveitarinnar Strákar hófst í gær eins og venjulega á þessum árstíma í húsnæði sveitarinnar í Þormóðsbúð.

Miðvikudagur 28. desember 2005  Í morgun klukkan 11:00 afhenti Róbert Guðfinnsson og dóttir hans Gunnhildur Róbertsdóttir, Elliheimilinu að Skálarhlíð að gjöf fullkomna nettengda tölvu að gjöf frá fjölskyldum þeirra. -- Þar á eftir afhentu þau föndursheimilinu Iðju, aðra tölvu að gjöf af sömu gerð - Það þarf vart að taka það fram að þessum rausnarlegu gjöfunum, á báðum stöðum var tekið með þökkum.  Nokkrar myndir frá þessum viðburðum eru hérna >>>

Miðvikudagur 28. desember 2005  Björgunarbáturinn Sigurvin frá Siglufirði, kom með þennan bát Guðrún Jakobsdóttir EA 144 1968 í togi inn til Siglufjarðar laust fyrir 11 í morgun. En báturinn hafði orðið vélavana út af Siglufirði.

 

Miðvikudagur 28. desember 2005  õ Veðrið í hádeginu ñ Veðurstöðin í Bakka.              ö  Hlíðarvegur 32 

Miðvikudagur 28. desember 2005  Minningarmót um Benedikt Sigurjónsson var haldið á Bíó Café í gærkveldi. Bridgefélag Siglufjarðar hóf á milli jóla og nýárs á síðasta ári fyrsta mótið til minningar um sinn ötula bridgefélaga sem lést fyrir um tveim árum. Ætlunin er að gera slíkt ár hvert.
Að venju voru Skagfirðingar fjölmennir, en Benedikt var Skagfirðingur að uppruna.
Ég tók nokkrar myndir í gærkveldi sem eru hér >>>
 

Miðvikudagur 28. desember 2005 Aðsent:  Ég fékk ábendingum um skrif sem á fullt erindi til okkar hér á Siglufirði, ekki aðeins þeim sem í hlut eiga það er lögbrjótunum sjálfum- og ekki hvað síst til lögreglunnar: Það er um hraðakstur sem er því miður er stundaður hér í bæ og sérstaklega á Langeyrarveg um nætur. Slóðin til ofan nefndra skrifa er að finna hér:   http://www.blog.central.is/ibbirokk

Þriðjudagur 27. desember 2005  Það var uppljómað Skíðasvæðið í Skarðsdal í morgun, en ekki sást þó til skíðamanna.

Þriðjudagur 27. desember 2005  õ Veðrið í hádeginu ñ Veðurstöðin í Bakka.              ö  Hlíðarvegur 30 

Þriðjudagur 27. desember 2005 Jólatréð á Torginu, klukkan 15:00 í gær  í slyddurigningu, en þó snjóföl frá því um morguninn, en eftir "hitabylgjuna" tæplega 12 °C hita frá deginum áður en um nóttina kólnaði (um frostmark) snögglega aftur og snjóaði (slydda) örlítið. Það má heita að logn hafi verið yfir jóladagana, að undanskyldu smá hviða á tímabili og frekar úrkomulítið. Það er ekta veður að mínu skapi yfir vetrartímann.

Þriðjudagur 27. desember 2005 Aðsent: Í fyrrakvöld undirrituðu 5 knattspyrnumenn nýja samninga við KS. Þetta eru mikil gleðitíðindi fyrir sameiginlegt lið KS Leiftur en allir þessir drengir eru uppaldir KS-ingar og því frábært að þeir ætli sér að taka þátt í baráttunni við að tryggja KS Leiftri sæti í 1.deild að nýju. Leikmennirnir eru frá vinstri (myndin lengst til vinstri): Grétar Örn Sveinsson, Kristinn Baldursson, Ari Már Arason, Agnar Þór Sveinsson (fyrirliði) og Sigurbjörn Hafþórsson.
Gleðileg jól allir KS-ingar nær og fjær, til sjávar og sveita, í sódómu eða Akureyri, bara alls staðar!

Þriðjudagur 27. desember 2005  Bjarni Mark, Arsenalmaður með meiru er 10 ára í dag.
Til hamingju Bjarni okkar. ---  Kveðja Tinna Mark, mamma og pabbi.
Hér er svo Bjarni Mark með pabba sínum Mark Duffield. Sá gamli var valinn knattspyrnumaður ársins hjá fótboltaliðinu Neista Hofsós. Þess má með gamni geta að þetta var 25. tímabilið hans í boltanum, enda orðinn 42 ára gamall. Til hamingju með þetta gamli. Kveðja frá börnum þínum;  Tinna Mark og Bjarni Mark.

Mánudagur 26. desember 2005  õ Veðrið í hádeginu ñ Veðurstöðin í Bakka.              ö  Hlíðarvegur 31 

Mánudagur 26. desember 2005 - Sigríður
Jóhannesdóttir  (Sirrý) besta mamma í heimi er í dag og viljum við óska henni til hamingju með daginn.
 Kveðja frá Þóru Björgu, Ellen Sif og Míu (kisa)

Mánudagur 26. desember 2005
Aðalbjörg Þórðardóttir
er 55 ára í dag. Bóndi hennar Ágúst Stefánsson bað mig að lauma þessari sérstöku viðbótar kveðju með þessum myndum; "Til hamingju krúttið mitt"
Önnur myndin hér, er tekin á Ítalíu en hin heima á Sigló. En þau eru nú bæði stödd hjá dóttur sinni í Danmörku, og dvelja þar um jólin. -
Einnig bestu hamingjuóskir frá "Lífið á Sigló" -- og láttu bóndann dekra við þig.

Sunnudagur 25. desember 2005  Fegnir hvíldinni eru þeir, að minnsta kosti bílstjórar þessara bíla hjá Norðurfrakt, þó svo að tæknilega gæti verið gott að gefa tryllitækjunum frí annað slagið ?. - En friðurinn stendur ekki lengi yfir hjá þeim nú sem oft áður, þeir hafa í nógu að snúast.

 Sunnudagur 25. desember 2005 õ Veðrið í hádeginu ñ Veðurstöðin í Bakka.              ö  Hlíðarvegur 26  

Sunnudagur 25. desember 2005 Þarna uppi í fjallshlíðinni fyrir ofan Siglufjörð, uppi á hitaveitutanka Rarik trónir vefmyndavélin hjá "Lífinu á Sigló" umlukt jólaljósum sem starfsmenn Rarik komu fyrir á brún tankans. Sunnan við er kyndistöð Rarik, ef á þyrfti að halda til að skerpa á vatnshitanum, ef gerði dymbilkulda, eða ef eitthvað annað færi úrskeiðis.  (myndin var tekin í gær)

Sunnudagur 25. desember 2005 Ein gömul:   Ekki er ég alveg viss, en mér sýnist maðurinn til vinstri vera Jón Jóhannsson skipstjóri (faðir Jonna tannlæknis) - Sigurlaug Sveinsdóttir (Silla frá Steinaflötum) - manninn til hægri þekki ég ekki.