Milli fjalls og fjöru

>>>>>>>>>>> Milli fjalls og fjöru

Til forsíðu
Til baka

Ljósmyndasafn Steingríms
á netinu.

Steingrímur Kristinsson Siglufirði
G-892-1569
S-467-1569

Bíó-Saga Siglufjarðar: Loftur Guðmundsson

Úr Vikublaðinu
28. október 1948
og 25. júní 1949

HVAÐ ER Á SEYÐI !

EF LOFTUR GETUR ÞAÐ EKKI - ÞÁ HVER?

Loftur hefur nú gert. fyrstu íslensku kvikmyndina með tónum og tali. Leika í mynd þessari margir færustu leikarar íslensku þjóðarinnar og efni myndarinnar byggt á leikriti, sem Loftur sjálfur samdi fyrir 25 árum síðan.

Þetta frumverk íslenskrar kvikmyndagerðar hefur vakið mikinn áhuga og leikur mörgum forvitni á að vita hver árangur þessa frumverks verður. Alkunna er það, að Loftur er fær maður, sem lýkur hverju því verki með snilld, er hann hefur og eins hitt, að margir færir leikarar koma fram í mynd þessari. Gefur það vonir um, að mynd þessi muni vera góð, ekki síst vegna þess, að efni hennar er tekið úr íslensku þjóðlífi.

Kvikmyndahúsgestir hér vænta þess, að allt verði gert sem hægt verður til að fá þessa mynd hingað norður, svo Reykvíkingar einir njóti ekki þeirra verka, er íslenskir listamenn hafa upp á að bjóða. Kvikmynd Lofts hefur vakið forvitni, sem verður að fá svölun.

Siglfirðingur 25. júní 1949

"Milli fjalls og fjöru"

Íslenska kvikmyndin "Milli fjalls og fjöru" var sýnd á dögunum hér. Hinn kunni ljósmyndari, Loftur er brautryðjandinn á þessu sviði. Margir þekktustu leikarar okkar koma fram í þessari mynd.

Að vísu verður ekki komist hjá því, að játa, að ýmsir "tekniskir" gallar eru á myndinni, en þess verður að gæta, að þetta er byrjunarverk sem verður vonandi vísir að öðru betra.

Þrátt fyrir þessa "teknisku" galla er myndin að mörgu leyti góð. Efnið er þjóðlegt og skemmtilegt í senn. Leikarar fara yfirleitt vel með hlutverk sín. Litirnir eru á köflum heillandi og lýsa náttúrufegurð landsins vel.

Mynd þessari ber að fagna og vonandi lætur Loftur ekki staðar numið með þessari mynd.