Formáli | Vikublaðið Fram | Vikublaðið Siglfirðingur | Gamli Mjölnir | Mjölnir | Blaðið Neisti | Einherji | Blaðið Brautin | Blaðið Sildin | Blaðið Reginn | Ýmsar heimildir | Nafnalisti

>>>>>>>>>>> Vikublaðið Siglfirðingur

Bíó-Saga Siglufjarðar: Blaðið Siglfirðingur

Heimildir, tengdar kvikmyndasýningum á Siglufirði, sem birtust í vikublaðinu Siglfirðingur á  Siglufirði.

Á Bókasafni Siglufjarðar, eru til eintök af blaðinu, frá árinu 1923 - (1. árgangur)

Frekar lítið er um fréttir um Nýja Bíó og enn minna af auglýsingum, í Siglfirðingi frá 1924 Eða allt til ársins 1929, en þá er farið að segja frá bíó sýningum í Nýja Bíó í fréttadálkum en engar beinar auglýsingar.

Margar tilvitnanir eru í "bíó" vegna skemmtana og annarra samkoma í "bíó" eins og komist er að orði, í fréttum.

Og er því ekki ljóst við hvaða "bíó" átt er við, í þeim tilfellum. En um 1929 fara að koma einstaka fréttir af kvikmyndum, sýndum í Nýja Bíó. Einnig er farið að segja frá samkomum og fundum í Brúarfoss (húsið var við Suðurgötu 5 (ca) eða núverandi Ráðhústorg.) 11. janúar 1930 er í fyrsta sinn vitnað í Bíó Café (Nýja Bíó)

Siglfirðingur 18. júlí 1924, Fréttipistillinn Siglufjörður:

H.f.Valur

hélt fyrstu bíósýninguna í hinu nýbyggða húsi sínu í gærkvöldi og bauð  þangað fjölda bæjarbúa. Auk sýningarinnar voru ræðuhöld, söngur og dans.

"Nýja Bíó"

var opnað fyrra föstudag. Var þangað boðið húsfylli af bæjarbúum, og var  þar til skemmtunar tvísöngur þeirra konsúlanna Þormóðs Eyjólfssonar og S. A. Blöndal og kvikmyndin ."Madsalune".

Húsið er hið myndarlegasta og mynd  sú er sýnd var, ágætlega leikin.

Þótti skemmtunin hin besta og eigendurnir sýna  rausn.

Síðan hefir mynd þessi verið sýnd oft fyrir fullu húsi.

"Bíó"

sýnir nú "Fjallaeyvind", og hlýtur myndin mesta lof.

Bíó sýndi um síðustu helgi: "Greifann af Monte Cristo" Myndin er ágæt og væri óskandi að fólki gæfist aftur kostur á að sjá svona góða mynd.

Skemmtanir

---- Frúarfélagið hélt skemmtun síðasta vetrardag til ágóða fyrir sjúkrahúsið.

---- Kvenfélagið Von hélt sumarfagnað í fyrrakvöld við ágæta aðsókn. 

---- Bíó sýndi 1. sumardag Borgarættina. Myndin var lélegri en vér höfðum vænst.

    "Framsókn" hélt fund á Bíókaffi 8. þessa mánaðar. Las formaður félagsins þar upp lög kaupfélaganna og urðu fundarmenn svo hrifnir af hugsjónum samvinnunnar, að þeir fóru að dansa og dönsuðu þar til birta tók af næsta degi.

Hirðsöngvar félagsins söng á milli samdansanna og var mikið klappað fyrir honum, einkum þó þegar hann söng svo hátt að röddin þraut.