Fyrsta Bíóið | Bíófréttir-auglýsingar | Grein: Óholl skemmtun | Grein: Skemmtanir | Bíó-fréttirauglýsingar | Grein: Samkomuhús | Bíófréttir-auglýsingar | Bíó-auglýsingar | Bíó-fréttir | Bíófréttir-auglýsingar

>>>>>>>>>>> Bíófréttir-auglýsingar

Bíó-Saga Siglufjarðar: Bíórekstur ofl.

Fram, 6. maí 1922,

Ýmsar fréttir af bæjarmálum í þættinum Vikan

Siglufjarðar-Bíó. Frú Guðrún Jóhannesdóttir, kona Jens Eyjólfssonar hefur  keypt kvikmyndasýningaréttinn og tæki öll af fyrri eigendum. Byrjuðu sýningar  um síðustu helgi með ágætri mynd: Konungskomunni til Reykjavíkur í  fyrrasumar og ferð konungs og fylgdarliðs hans austur um sveitir.

 Er ekki hægt  annað en mæla með því að fólk sæki vel slíkar myndir, sem um leið og þær eru  til skemmtunar, eru til mikils fróðleiks fyrir alla þá, sem ekki hafa komið á  sýndar stöðvar. Ný mynd er sýnd i kvöld og annað kvöld.

Fram, 19. ágúst 1922, + 2. september 1922

Ýmsar fréttir af bæjarmálum í þættinum Vikan + auglýsing frá 2. september 1922

“BÍÓ” sýnir þessa dagana "Greifann af Montekristo", eftir hinni heimsfrægu  skáldsögu franska skáldsins Alexandre Dumas.

Mörgum sem lesið hafa  söguna, mun þykja gaman að sjá hana á mynd.

Loftræstingu í húsinu er mjög  ábótavant. Þar þarf góðar rafmagns-viftur og er furða að þær skuli ekki vera  komnar fyrir löngu.

Svona var auglýsingin í vikublaðinu Fram 1922

Blaðið Fram mun hafa hætt að koma út í lok ársins 1922, og eru þetta síðustu heimildir um "Bíó" á Siglufirði frá því blaði.

EN við tók, vikublaðið Siglfirðingur, sem hóf útkomu árið 1923