Karfaveiðar og ...

>>>>>>>>>>> Karfaveiðar og ...

Til forsíðu
Til baka

Ljósmyndasafn Steingríms
á netinu.

Steingrímur Kristinsson Siglufirði
G-892-1569
S-467-1569

Siglfirðingur. 9. maí 1936

Karfavinnslan.

Ríkisverksmiðjustjórnin undirbýr nú karfavinnslu hér. Hefir hún sótt um leyfi atvinnumálaráðherra til vinnslunnar og auglýst eftir tilboði frá togurum um athendingu á karfa hingað fyrir 5 kr. ákvæðisverð á mál.

Er í ráði að hér verði unnið úr 40 þúsund málum fram að síldveiðitíma, og 6 togarar leggi hér upp verði. Dýpi við bryggjurnar er síst minna en í fyrra og hefir nú verið dýpkað svo, að til eru nú 3 togarapláss fulldýpkuð.

Eftir 5 daga er talið að tilbúin verði renna frá bryggjunum út á fullt dýpi.

Er mikil eftirvænting í mönum hér um að vel megi takast og stjórn hinna vinnandi stétta líti á nauðsyn Siglfirðinga, sem framer flestum öðrum landsbúum brást atvinna síðastliðið ár.

Eru konur nú sem óðast að láta skrá sig á Vinnumiðlunarskrifstofunni í von um vinnu ef karfavinnslan hefst. Ef áætlun verksmiðjustjórnar um 40 þúsund mála vinnslu kemst til framkvæmda væri hér um stórkostlega atvinnubót að ræða, sem yrði kærkomin hjálp í vorbágindunum.

Verksmiðjustjórnin hefir farið þess á leit við Fiskimálanefnd, að hún veitti verksmiðjunum nokkurn styrk ef halli reyndist á vinnslunni.

Er þess að vænta að atvinnumála, ráðherra og Fiskimálanefnd gefi fljót og greið svör og vinni að skjótri framkvæmd málsins í samráði við verksmiðjustjórnina, því kalla má, að þetta séu að verða síðustu forvöð.

Svar ráðherra og Fiskimála nefndar mun væntanlegt á morgun.

Neisti, 12. maí 1936

Karfavinnsla

Þessa dagana stendur hér yfir undirbúningur undir karfavinnslu við ríkisverksmiðjurnar, þó mun það vera í nokkurri óvissu, hvort karfavinnsla verður hér eða ekki á þessu vetri, því engin togari hefir ennþá gefið sig fram til veiðanna.

Sólbakkaverkamiðjan, sem fyrir löngu átti að vera byrjuð á karfavinnslu, tekur til starfa næstu daga.

Telja togararnir betra að fá 4 krónur fyrir málið þar, en 5 krónur hér. Það hefir heyrst að ákveðnir menn í Reykjavík vinni á móti því að karfavinnsla hefjist hér, en vonandi byggist það á misskilning, sem auðvelt ætti að vera að leiðrétta.

Karfavinnslan er svo mikið atvinnuspursmál fyrir þennan bæ, að einskis má láta ófrestað til að hrinda því máli í framkvæmd.

Neisti, 26. maí 1936

Karfavinnslan

Á Sólbakka gengur vel og vinna þar nú daglega 184 manns, bæði karlmenn og kvenfólk. Fjórir togarar veiða nú til verksmiðjunnar og var afli þeirra orðinn í fyrradag sem hér segir:

Sindri 2.710 mál

Hávarður 2.049 mál

Hafsteinn 1.368 mál

Þorfinnur 1.306 mál

Þar fyrir utan hafa togararnir fengið allmikið af þorski og ufsa.

Neisti, 3. júní 1936

Karfaveiðaarnar.

Mokafli hefir verið nú síðustu daga og er karfinn auðsjáanlega að koma upp á sínar gömlu slóðir frá hrygningu.

Fyrst þegar byrjað var á karfaveiðum að þessu sinni, var karfinn sem fékkst óvenjulega stór og var íberandi mikið af karlfiskinum, um 85 %.

Nú síðan for að aflast meira er karfinn jafnasmærri og ber meira á hrygnum. Síðan vinnslan byrjaði hefir karfinn heldur grennst, orðið fituminni, þó hefir hann nú um nokkurn tíma staðið í stað og má því búast við, að hann grennist ekki meir en fari í þess stað, heldur að rétta við aftur.

Eins og áður hefir verið frá skýrt hér í blaðinu veiða fjórir togarar til Sólbakka og var afli þeirra orðinn í gær sem hér segir:

Hávarður Ísfirðingur 4.530 mál

Sindri 4.420 mál

Hafsteinn 2.707 mál

Þorfinnur 2.624 mál

Alls 14.281 mál

Unnið er af kappi á Sólbakka, en þar er nú samt svo mikið komið, að um 600 tonn liggja þar óunnin og hefir verið áformað að láta skipin koma hingað með karfann til vinnslu í nýju verksmiðjuna, að minnsta kosti eina ferð hvert.

Nú þegar eru þeir komnir Sindri og Þorfinnur með um 110 tonn hvor, af stórum og góðum karfa. Þennan afla fengu skipin djúpt út af Arnarfirði á um 160 faðma dýpi.

Skipverjar segja ís á Halamiðum. Er nú unnið koppsamlega að því, að fá fleiri togara til að veiða hingað og er vonandi að það takist.