Haförninn með olíu | Barnið vaknaði.. | Snóflóð | Karlakórinn Vísir | Haförninn í hafís | Haförninn fastur | Haförninn og hafís | Verksmiðjurnar og... | Flotanum er nauðsyn... | Með ljúfu geði | Ísuð síld söltuð | 873 síldartunnur | Snarráður ökumaður | Á Síldarmiðunum | Svipmyndir úr síldinni | Geiri og Guggan | Saltað um borð | Dælt úr Eldborg GK ofl.

>>>>>>>>>>> Dælt úr Eldborg GK ofl.

Bland dagsetninga, september, nóvember 1968

Af síldarmiðunum

Verið er að dæla beint úr síldarnót m.a. Eldborgar í Haförninn. Bæði skipin eru á reki og  nótin látin vera á milli þeirra. Stefnisskrúfa Hafarnarins kemur að góðum notum, þegar  leggja þarf upp að veiðiskipi með nótina úti.

Þessa nótt losaði Haförninn tvívegis úr nót  veiðiskipa, Eldborgin var með 485 ⁽¹⁾ tonn  og Vörður frá Grenivík með 127,5 tonn   ----- Steingrímur.

^{(1) Skrifað árið 2001.} Tilefnið var, að rétt eftir að Eldborg fór að háfa síldina úr nótinni, eftir vænt kast, bilaði spilið um borð og kallaði Eldborgin þá Haförninn uppi og spurði hvort mögulegt væri að dæla upp úr nótinni.

Það var gert, sem og gekk eins og í sögu og mældist magn það sem var í nótinni var, meira en talið var að Eldborgin gæti borið og var þetta því besta veiðiferð skipsins.

Þetta mun vera í fyrsta sinn sem dælt var upp úr síldarnót veiðiskips, en á þessum tímum var "dælutímabil" veiðiskipa ekki hafið. 

Broslega hliðin vegna uppgjörs vegna þessa afla Eldborgarinnar, var að skrifstofustjórinn hjá SR á Siglufirði, Sigurður Árnason, rak augun í það að aflatmagnið var meira en Eldborgin átti möguleika á að landa úr einni veiðiferð, og setti í gang upplýsingaleiðangur til að fá botn í málið, honum létti þegar hann fékk upplýsingar um ástæðuna fyrir þessu umframmagni. SK

Haförninn leigður

- til Danmerkur með íslenskri áhöfn

SIGLUFIRÐI 20. nóvember.

Haförninn er búinn að liggja hér á Siglufirði í hátt á annan mánuð aðgerðarlaus og var búið að segja öllum undirmönnum upp starfi vegna óvissu um rekstur  skipsins næstu mánuði.

Þó mun á tímabilinu hafa verið gerðar tilraunir til að leigja  skipið til erlendra aðila, þar sem ekki er verkefni fyrir það hér.

Nú hefur tekist að leigja skipið til danska skipafélags AP Möller, sem mun hafa skipið í ferðum fyrir sig víða um höf.

Verður fyrsta ferðin með steinolíu frá  Rotterdam til Liverpool 

Áhöfn á skipinu verður hin sama og verið hefur, en það fer frá  Siglufirði annað kvöld.

- Steingrímur