Hafðu samband:

Strákarnir sem týndust

MIKIL leit var gerð á mánudagskvöld og aðfaranótt þriðjudags í fjöllunum upp af Siglufirði, því þrír strákar voru týndir, höfðu lagt land undir fót og ekki komið heim á tilskildum tíma.

Leituðu 40-50 manns þeirra. Þetta fór þó betur en hefði getað orðið og drengirnir voru heilir á húfi.

Ljósmyndari Morgunblaðsins Steingrímur Kristinsson, tók þessar myndir af strákunum á heimilum þeirra daginn eftir.

Á myndinni efst til vinstri er Jón Þorsteinsson, sá drengjanna, sem komst sjálfur heim.

Á þeirri til hægri, er Óttar ásamt foreldrum sínum, Þuríði Haraldsdóttur og Bjarna Sigurðssyni.