Föstudagur 13. ágúst 1965. Ljósmyndir: Steingrímur, texti
Halldór Blöndal Siglfirðingar
gleðjast yfir síldinni
en svartsýni gætir með
flutningana.
Síðastliðinn
þriðjudag, kom Þorsteinn þorskabítur til Siglufjarðar með 2000 hektólítra
síldar til söltunar. Hann lagði
að bryggju rétt u,m kl. 2 síðdegis, en löndun gat þó ekki hafist fyrr
en á fimmta tímanum. Kom þar
hvort tveggja til, að skipið var ekki útbúið sem skyldi en einnig var
því um að kenna, a,ð „stúararnir" á Siglufirði, er sitja fyrir
um alla uppskipun og útskipun, neituðu að vinna að lönduninni.
Voru því kallaðir til starfsmenn úr
Síldarverksmiðjum ríkisins.
Á Siglufirði
virtust allir sammála um, að löndunin gengi eftir atvikum vel. Allir
fylgdust með hvernig til tækist.
Að sjálfsögðu hitnaði sumum í hamsi og margt kom í ljós, er betur mætti
fara, svo sem ævinlega, þegar nýjar leiðir eru
reyndar. Og þótt ýmsir væru svartsýnir, mátti finna það á. öllum,
að mönnum þótti betra að tilraunin
var gerð og að áfram verði haldið. Ýmislegt kom í ljós, sem auðveldlega
má lagfæra og lækka tilkostnaðinn.
Hér spá menn því, að í náinni framtíð verði flutningar á sáld til
söltumar veruleg trygging síldarbæjunum.
Menn horfa því ekki svo mjög í afraksturinn eftir þessa fyrstu tilraun,
þar sem allir vona, að betur
gangi næst og innan tíðar
verði í förum skip búið þeirri tækni, sem nauðsynleg er til slíkra flutninga.
Við göngum niður á
hafnar- bryggjuna og hittum þar fyrst fyrir skipstjórann á Þorsteini, Torfa Sölvason:
-
Við fórum frá Siglufirði
aðfararnótt laugardags og keyrðum beint
austur á miðin. Þá var svolítil
gola og skipstjórarnir ekki trúaðir á, að það tækist að háfa síldina
á milli. Einn bátur, Víðir
lI, reyndi það svo aðfaranótt mánudags og gekk allt eins og búast mátti
við. Um morguninn komu svo
fleiri skip og hefðum við getað tekið meira en við fengum. Allir virtust
mjög liprir og vildu reyna að láta þetta takast - -- Annars vil ég lítið segja um flutningana að svo komnu máli, þar sem
reynslan er svo litil. Þessi aðferð
er ekki framkvæmanleg nema í sestaklaga góðu veðri. Útbúnaðurinn er
ekki eins og skyldi og ýmislegt,
sem betur mætti fara. Skipið er ekki hentugt, það vantar heppilegt spil
og lúgurnar eru of litlar, svo að þetta gengur seint, sérstaklega
löndunin.
Á
hafnarbryggjunni verður næst fyrir okkur Jón Sæmundsson, fulltrúi
saltenda: - Það
er vel hægt að flytja síldina ísaða með góðum útbúnaði og ég
vona, að þá verði gert í stærri
stíl í framtíðinni. Þessi síld er smá, líklega 40 % söltunarhæf, feit og
átulítil.
Á
söltunarstöðinni Nöf hitt um við Skafta Stefánsson, sem byrjaði að
salts síld fyrir eigin reikning á Siglufirð i árið 1919 og kann því frá mörgu
að segja - Hann var búinn að fá eina söltun, 474 tunnur. „Það er allt og sumt".
- Oft er mjór mikils vísir, og það getur vel farið svo, að það fáist mikið úr.
flutningunum og örugg
vinna í framtíðinni. Það hlýtur að vera hægt að geyma síldina tvo sólarhringa,
áður en saltað er. Og veiðiskipin
eiga að vera þannig útbúin, að þau geti það. Með því að innrétta skipin á réttan hátt, tel ég að unnt verði að flytja síldina
langt að til söltunar, jafnvel frá Jan
Mayen.
- Auðvitað
verður að búa Þorstein þorskabít almennilega út. Hann þyrfti að geta
dælt síldinni upp úr nótunum
lestarlúgurnar eru of litlar og svo vantar spilið í hann. En úr öllu
þessu verður bætt í
framtíðinni. Allir eru þessu óvanir hér á . Siglufirði. Þetta er allt
byrjun í kvöld, Auk þess er
síldin smá og ekki er hægt að kenna neinum um það. Hér væri öðru
vísi um að lítast, ef síldin væri
öll stór.
- Ég vil ekki spá
neinu um útlitið. Ég er ekki sérlega bjartsýnn, en
ekki svartsýnn heldur. Ég hef
lifað það að salta 1000 tunnur 22. sept. 1949, sem öll fór til Ameríku
þótti úrval. Hér voru líka
saltaðar á 9. hundrað tunnur 1962 og við hefðum getað salt að meira,
ef nóg fólk hefði verið
til staðar. En útlitið er óneitanlega
ekki gott.
-- Ég
vil ekki spá neinu illu um þessa flutninga. Framtíðin er
auðvitað sú að flytja síldina
frysta.
Á planinu á Nöf sjáum
við hvar Guðrún Sigurðardóttir er að leggja eitt af efstu lögunum í fyrstu
tunnuna. Okkur þykir nú heldur lítið að hafa eina tunnu Það er svo
langt síðan við höfum farið í síld, að
við hefðum viljað salta lengur. Við höfum alltaf
verið
að vonast til að geta unnið fyrir tryggingunni.
-. Síldin er mjög smá, þótt dálítið stórar síldar séu innan um.
Ég hef verið í 20 sumur hér á stöðinni
og þetta er alversta sumarið. Ég hef alltaf unnið fyrir tryggingunni
nema nú.
Á
söltunarstöðinni Silfurborg h.f. sjáum við, hvar Sigurbjörn
Sveinsson verkstjóri fylgist með því,
að allir hlutir gangi eins og þeir
eiga að ganga, þar höfðu verið saltaðar 404 tunnur í sumar.
-- Mér líst ekki vel á flutningana, meðan síldin er svona slæm eða
u;m 35 % nýting.Og ég held, að þetta
fyrirkomulag eigi ekki framtíð fyrir sér. Það er helst að flytja síldina
ísaða í hálfrar tunnu kössum.
Ég held, að það megi ekki vera þyngra á henni. Annars er ekki gott að segja, hvort síldin er svona marin af ísnum eða meðferðinni.
Maður veit það ekki.
Marselía Jónsdóttir er
ung stúlka þar á planinu og heldur fáorð. Vill ekki láta hafa of
mikið eftir sér: -- Þetta er þriðja sumarið sem ég salta. Mér
líst ekki vel á þetta
fyrirkomulag, en síldin er þó betri
en ekki. Ég vona bara, að úr rætist.
Loks
sjáum við Guðmundu Guðmundsdóttir, þar sem hún keppist brosmild við
að salta í fyrstu tunnuna -
Mér líst vel á flutningana í framtíðinni, ef síldin er góð að
öðru leyti. Þessi er ekki sérlega góð,
en annars er ég svo sem fegin að fá síldina. - Það þýðir ekki annað
en vera bjartsýnn og það er óskandi, að það komi síld. Kannski kemur
hún seinni partinn í ágúst.
---- H.Bl.
Ath.
Filmurnar glötuðust í vörslu fréttamanns, svo þessar myndir eru
skannaðar upp úr Mbl.