Þriðjudagur 9. mars 1965.
Ljósmyndir:
Brynjar Sveinsson og Steingrímur. Texti: Mbl.
Hafís fyrir norðan
Siglufirði, 5.
mars. HAFÍSINN fyrir Norðurlandi hefur víða rekið inn á firði og
flóa. Hingað inn á Siglufjörð rak fyrstu jakana seint að kvöldi 2. mars
og að morgni 3. mars var komið allmikið ísrek á fjörur svo og
landfastir stórir og smáir ísjakar.
Veður var ekki mjög vont, en norðaustan
stinningskaldi með hríðarél og 9--10
s.t. frosti.
Mestan ísinn rak á svonefndan Hvanneyrarkrók og inn á Leirur. Einnig
þurftu menn að vera á vakt við að gæta
hafnarmannvirkja, því að stór jaki hefði
ekki þurft margar mínútur í friði til að
brjóta sér leið í gegnum misjafnlega
sterkar trébryggjur. Litlar skemmdir
urðu þó af þessu jakareki og er það mest
að þakka að engin veruleg alda fylgdi --
norðanáttinni heldur kröpp vindbára.
Svo var vélbáturinn Hringur SI 34
fenginn til aðdraga stærstu jakana frá
bryggjunum.
Þessi mynd
er frá Ólafsfirði, sýnir
hve hafísinn gerði sig þar heima kominn, en sem betur fer stóð þessi
óskemmtilegi gestur ekki lengi við þar. Ljósm.: Brynjar Sveinsson.
(Myndin er skönnuð beint úr
Morgunblaðinu, þ.e. ekki eftir filmu og
því ekki eins góð og skyldi)
Myndirnar
hér fyrir neðan eru frá Siglufirði, Ljósmyndir.
Steingrímur
Óvænt leikföng
bárust upp í fjöruna. Í augum barnanna var ísinn ekkert fráhrindandi
Þessi jaki var
landfastur í Hvanneyrarkrók á Siglufirði. Þess má geta að þegar
þessi jaki var á floti sáust aðeins þrír hæstu hlutar hans upp úr
sjó. Þarna eru unglingarnir að klifra upp á jakann og létu kulda og
hríð ekkert á sig fá, því
ekki kemur hafís oft í heimsókn sem betur fer.
Strákarnir láta
ekki á sér standa. Þeir höfðu aldrei komist í annað eins.
Þarna er einn
jakinn að banka í löndunar-bryggju S.R. Menn frá S.R. eru stjaka honum
frá og koma á hann böndum.
