Fimmtudagur 27. ágúst 1965
Ljósmyndir
Steingrímur, texti Stefán Friðbjarnarson.
Þar sem
sólin neitar að síga í sæ, munu fyrstu jarðgöngin í þjóðvega-
kerfinu
Siglufirði,
25. ágúst:
SÍLDARVERKSMIÐJUR ríkisins á Siglufirði hafa brætt
107.000 mál síldar í sumar, síldarverksmiðjan Rauðka 57 þúsund
mál og samtals hefur verið
saltað í 8.300 tunnur. Þetta er rýr hlutur - en ekki er öll nótt úti
enn, síldin hefur til þessa
komið jafnt lærðum sem leikum á óvart í allri sinni hegðun.
Ufsinn
kom líka gleðilega óvænt. Yfir 1000 tonn af ufsa hafa verið lögð hér
á land í sumar og verið (að
mestu) unnin í frystihúsum Ísafoldar og SR. Hefur hann reynst mikil og
góð búbót í
annars fremur lélegu atvinnuárferði. Haldið hefur verið áfram að
dæla upp sjávarsand, sem undirstöðu í væntanlega flugbraut hér. Hefur því verki miðað vel
áfram, en fyrirhugað er, að meðalstórar innan-landsflugvélar geti
athafnað sig hér, þegar flugbraut
þessi verður fullgerð.
Meðfylgjandi loftmynd sýnir innri hluta Siglufjarðar. Örin
fyrir miðri myndinni sýnir nýja flugbrautarstæðið, vinstri örin hinsvegar
„sjúkraflugbrautina", sem minnstu gerðir flug véla hafa
getað lent á „þegar veðurguðir og heppnin haldast í hendur" Neðst á myndinni,
sést vegurinn að Hólsbúinu, eina býlið í
Siglufirði, utan jarðanna á Siglunesi
. Neðst til vinstri sést
þormóðs-eyrin, sem
Siglu-fjarðarkaupstaður stendur á.
Fyrir nokkrum vikum hóf Efra-Fall undirbúningsvinnu við gangagerðina
um fjallið Stráka - og
fyrir fáum dögum hófust sprengingar, sem virðast hafa tekist sérlega
vel. Allt að 20 Siglfirskir
verkamenn munu starfa við verk þetta í vetur, auk verkstjóra og verkfræðinga
frá verktakanum, og er fyrirhugað að vinna á vöktum.
Hér
birtist sérlega skemmtileg mynd af Strákafjalli, er göngin, um 800 m að
lengd, verða grafin gegn um. Örin til vinstri sýnir
hvert vegarruðningurinn, Siglufjarðarmegin nær og hvar byrjað er að sprengja sig inn í fjallið.
Örin hægra megin sýnir gangmunnann fyrirhugaða vestan sagt norðan þess,
mjög skammt frá vitanum á
Engidal, þar sem áður
var einangrun allsráðandi, en senn byggð við fjölfarna
þjóðbraut, er Siglufjörður tengist þjóðvegakerfi landsins, sem
fyrirhugað er haustið 1966.
Ekki er að efa að þessi nýja leið verður
fjölfarin, a.m.k. fyrstu árin,
og veldur því hvorttveggja, að forvitnilegt verður að aka einu jarðgöngin
á Íslandi og leiðin út Almenninga um
Úlfsdali og inn Hvanneyrarströndina Siglufjarðar megin er mjög
ögur, ekki síður að kvöld- eða næturlagi
þann árstíma, er sólin neitar að síga í
Ægi og gyllir lög og
1áð.
Undanfarnar
vikur hefur og verið unnin undirbúningsvinna í væntanlegri
Hvanneyrarbraut, sem verður
innkeyrslubrautin í kaupstaðinn með tilkomu hins nýja vegar, en senn
verður hafist handa við að
steinsteypa nyrstu hluta þeirrar götu.
Myndirnar
tók Steingrímur Kristinsson.
- Stefán.
